ಹೈದರಾಬಾದ್: ಸಾಲ ನೀಡುವ ಆ್ಯಪ್ಗಳ (ಲೋನ್ ಆ್ಯಪ್) ಮೂಲಕ ವಂಚಿಸಿದ ಹಗರಣ ಸಂಬಂಧ ಚೀನಿ ಪ್ರಜೆಯೊಬ್ಬನ ಸಹಿತ ನಾಲ್ವರನ್ನು ಸೈಬರಾಬಾದ್ ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ. ಎರಡು ದಿನಗಳ ಹಿಂದೆ ತೆಲಂಗಾಣ ಪೊಲೀಸರು ಹೈದರಾಬಾದ್ ಮತ್ತು ಗುರುಗ್ರಾಮಗಳಲ್ಲಿ 16 ಜನರನ್ನು ಬಂಧಿಸಿದ್ದರು.
ಸೈಬರಾಬಾದ್ನ ಸೈಬರ್ ಕ್ರೖೆಂ ಪೊಲೀಸರು ಕ್ಯುಬೆವೊ ಟೆಕ್ನಾಲಜಿ ಸಂಸ್ಥೆಯ ಕಾಲ್ಸೆಂಟರ್ ಮೇಲೆ ದಾಳಿ ನಡೆಸಿ ಅಲ್ಲಿನ ನೌಕರರಾದ ಚೀನಿ ಪ್ರಜೆ ಯೀ ಬಾಯ್ ಆಲಿಯಾಸ್ ಡೆನ್ನಿಸ್, ಸತ್ವ ಪಾಲ್ ಖ್ವಲಿಯಾ, ಅನಿರಿಧ್ ಮಲ್ಹೋತ್ರಾ (ಇಬ್ಬರೂ ರಾಜಸ್ಥಾನದವರು) ಮತ್ತು ಆಂಧ್ರ ಪ್ರದೇಶದ ಮುರತೋಟಿ ರಿಚೀ ಹೇಮಂತ್ ಸೇಠ್ರನ್ನು ಬಂಧಿಸಿದರು. ಸುಲಭವಾಗಿ ಸಾಲ ನೀಡುವುದಾಗಿ ಆಮಿಷ ತೋರಿಸಿ ಅಪಾರ ಬಡ್ಡಿ ವಿಧಿಸಿ ಜನರನ್ನು ಸುಲಿಗೆ ಮಾಡಲು ಆಪ್ಗಳನ್ನು ಖದೀಮರು ಬಳಸುತ್ತಿದ್ದರು.
ನೀತಿ ಸಂಹಿತೆ: ಅಕ್ರಮ ಲೋನ್ ಆಪ್ಗಳಿಗೆ ಆರ್ಬಿಐ ಎಚ್ಚರಿಕೆ ನೀಡಿರುವ ಬೆನ್ನಿಗೆ ಐದು ಖಾಸಗಿ ಆನ್ಲೈನ್ ಹಣಕಾಸು ಸಂಸ್ಥೆಗಳ ಕೂಟವಾದ ಫಿನ್ಟೆಕ್ ಅಸೋಸಿಯೇಷನ್ ಫಾರ್ ಕನ್ಸ್ಯೂಮರ್ ಎಂಪವರ್ವೆುಂಟ್ (ಫೇಸ್) ಗ್ರಾಹಕರ ಹಕ್ಕುಗಳು ಮತ್ತು ಹಿತಗಳ ರಕ್ಷಣೆಗಾಗಿ ನೀತಿಸಂಹಿತೆ ರೂಪಿಸಿದೆ.
ಈ ಆ್ಯಪ್ ಬಳಸದಂತೆ ಸಲಹೆ: ಲೋನ್ ಗ್ರಾಂ, ಕ್ಯಾಶ್ ಟ್ರೇನ್, ಕ್ಯಾಶ್ ಬಸ್ , ಎಎಎ ಕ್ಯಾಶ್, ಸೂಪರ್ ಕ್ಯಾಶ್, ಮಿಂಟ್ ಕ್ಯಾಶ್, ಹ್ಯಾಪಿ ಕ್ಯಾಶ್, ಲೋನ್ ಕಾರ್ಡ್, ರೀಪೇ ಒನ್, ಮನಿ ಬಾಕ್ಸ್, ಮಂಕಿ ಬಾಕ್ಸ್ ಆಪ್ಗಳನ್ನು ಬಳಸದಂತೆ ಪೊಲೀಸರು ಸಲಹೆ ನೀಡಿದ್ದಾರೆ.
ಫಲಿತಾಂಶ ನೋಡಲು ಅಭ್ಯರ್ಥಿಯೇ ಇಲ್ಲ; ಗ್ರಾಮ ಪಂಚಾಯತ್ ಚುನಾವಣೆ ಸುತ್ತಮುತ್ತ ಅಭ್ಯರ್ಥಿಗಳಿಬ್ಬರ ಸಾವು!
ಶ್ರೀಮಂತರ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದ ಮುಕೇಶ್ ಅಂಬಾನಿ ಈಗ ಟಾಪ್ 10ನಿಂದಲೇ ನಾಪತ್ತೆ!