ಹ್ಯಾಂಬರ್ಗ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಜತೆಗಿನ ಬಿಕ್ಕಟ್ಟಿನ ಕಾರಣಕ್ಕೆ ಯುರೋಪ್ ಜತೆಗಿನ ಬಾಂಧವ್ಯ ಹಾಳಾಗಬಾರದು ಎಂದು ಪ್ರತಿಪಾದಿಸುತ್ತ ತೈವಾನ್ ಜತೆಗಿನ ನಂಟಿನ ಬಗ್ಗೆಯೂ ಎಚ್ಚರಿಕೆ ನೀಡಿದ ಚೀನಾಕ್ಕೆ ಜರ್ಮನಿ ಸರಿಯಾದ ಎದುರೇಟು ನೀಡಿದೆ.
ದ್ವಿಪಕ್ಷೀಯ ಬಾಂಧವ್ಯ ವೃದ್ಧಿಗೆ ಹೊರಟ ಚೀನಾದ ವಿದೇಶಾಂಗ ಸಚಿವ ವಾಂಗ್ ಯಿ, ಯುರೋಪ್ ಒಕ್ಕೂಟ ಪಂಚ ರಾಷ್ಟ್ರ ಪ್ರವಾಸ ಕೈಗೊಂಡಿದ್ದರು. ಅಮೆರಿಕದ ಜತೆಗಿನ ಬಿಕ್ಕಟ್ಟು, ತೈವಾನ್ ಜತೆಗಿನ ಬಿಕ್ಕಟ್ಟಿನ ಪ್ರಸ್ತಾಪ ಮಾಡುತ್ತಲೇ ಅವರ ಪ್ರವಾಸ ಆರಂಭಿಸಿದ್ದು. ಕೊನೆಯದಾಗಿ ವಾಂಗ್ ಯಿ ಜರ್ಮನಿಗೆ ಭೇಟಿ ನೀಡಿದ್ದರು. ಮಂಗಳವಾರ ಅಲ್ಲಿ ಮಾತುಕತೆಯ ಬಳಿಕ ಜಂಟಿ ಪತ್ರಿಕಾಗೋಷ್ಠಿ ವೇಳೆ ವಾಂಗ್ ಯಿ, ಜರ್ಮನಿಯ ವಿದೇಶಾಂಗ ಸಚಿವ ಹೈಕೋ ಮಾಸ್ ಝೆಕ್ ವಿದೇಶಾಂಗ ಸಚಿವರೊಂದಿಗೆ ಈ ಬಗ್ಗೆ ಮಾತನಾಡಿ, ಯುರೋಪ್ನಿಂದ ಚೀನಾಕ್ಕೆ ಏನೂ ತೊಂದರೆ ಇಲ್ಲ ಎಂಬುದನ್ನು ಖಾತರಿಪಡಿಸಿದ್ದಾರೆ. ಆದಾಗ್ಯೂ ತೈವಾನ್ಗೆ ಭೇಟಿ ನೀಡಿದ ಝೆಕ್ ಸೆನೆಟ್ ಪ್ರೆಸಿಡೆಂಟ್ ಮಿಲೋಸ್ ವಿಸ್ಟ್ರಿಸಿಲ್ ಇದಕ್ಕಾಗಿ ಭಾರಿ ಬೆಲೆ ತೆರಬೇಕಾಗುತ್ತದೆ ಎಂದು ಎಚ್ಚರಿಸಿದ್ದರು.
ಇದನ್ನೂ ಓದಿ: ರಾಗಿಣಿ ಆಪ್ತ ರವಿಶಂಕರ್ ಸಿಸಿಬಿ ಬಲೆಗೆ ಹೇಗೆ ಬಿದ್ದ!
ಇದಕ್ಕೆ ಅಲ್ಲೇ ಪ್ರತಿಕ್ರಿಯೆ ನೀಡಿದ ಜರ್ಮನಿಯ ಮಾಸ್, ನಾವು ಯುರೋಪಿಯನ್ನರು ಬಹಳ ವಿಶ್ವಾಸದಿಂದ ವರ್ತಿಸುತ್ತೇವೆ. ಯಾವುದನ್ನೇ ಆದರೂ ಸಹಕಾರದೊಂದಿಗೆ ಮಾಡುತ್ತೇವೆ. ನಾವು ಅಂತಾರಾಷ್ಟ್ರೀಯ ಪಾಲುದಾರರನ್ನು ಗೌರವಿಸುತ್ತೇವೆ. ಅದೇ ಗೌರವ ನಮಗೂ ಸಿಗಬೇಕು ಎಂಬುದನ್ನು ಬಯಸುತ್ತೇವೆ. ಇಂತಹ ವಾತಾವರಣದಲ್ಲಿ ‘ಬೆದರಿಕೆಗೆ ಹೊಂದುವುದಿಲ್ಲ’ ಎಂದು ಎಚ್ಚರಿಕೆ ನೀಡಿದರು.
ಇದನ್ನೂ ಓದಿ: ಕ್ರೀಡಾ ಪ್ರಶಸ್ತಿಗೆ ರಾಜೀವ್ ಗಾಂಧಿ ಹೆಸರೇಕೆ? ಬದಲಾಯಿಸಿ ಎಂದ ಕುಸ್ತಿಪಟು ಬಬಿತಾ ಪೋಗಟ್
ಕಡಕ್ ವಾರ್ನಿಂಗ್ ಪಡೆದ ಬಳಿಕವೂ ವಾಂಗ್ ತಮ್ಮ ನಿಲುವು ಸಡಿಲಿಸದೆ, ಮಿಲೋಸ್ ಅವರು ತೈವಾನ್ ಗೆ ಭೇಟಿ ನೀಡಿ ಚೀನಾದ ಆಂತರಿಕ ವ್ಯವಹಾರದಲ್ಲಿ ಹಸ್ತಕ್ಷೇಪ ಮಾಡಿದಂತಾಗಿದೆ. ಈ ಉಲ್ಲಂಘನೆ ಸಂಬಂಧ ಬೀಜಿಂಗ್ ಸರಿಯಾದ ರೀತಿಯಲ್ಲಿ ಪ್ರತಿಕ್ರಿಯೆ ನೀಡಲಿದೆ. ನೀವು ರೆಡ್ಲೈನ್ ಅನ್ನು ಕ್ರಾಸ್ ಮಾಡಿದ್ದೀರಿ ಎಂದು ಎಚ್ಚರಿಸಿದರು.
ಇದನ್ನೂ ಓದಿ: ಚಲಿಸುತ್ತಿದ್ದ ಟಾಟಾ ಇಂಡಿಕಾ ಇದ್ದಕ್ಕಿದ್ದಂತೆ ಹೊತ್ತಿ ಉರಿಯಿತು
ಮಿಲೋಸ್ ನೇತೃತ್ವ 90 ಸದಸ್ಯರ ನಿಯೋಗ ತೈವಾನ್ಗೆ ಕಳೆದ ಜನವರಿಯಲ್ಲಿ ತೆರಳಿದ್ದು, ತೈಪೇಯಿ ಯನ್ನು ಝೆಕ್ ರಾಜಧಾನಿಯ ಸಿಸ್ಟರ್ ಸಿಟಿ ಒಪ್ಪಂದಕ್ಕೆ ಸಹಿ ಹಾಕಿದ್ದರು. (ಏಜೆನ್ಸೀಸ್)
ನರೇಗಾ ಕಾರ್ಮಿಕರಿಗೆ ಸಿಕ್ತು ಬಿಂದಿಗೆ ತುಂಬ ಬೆಳ್ಳಿ, ತಾಮ್ರದ ನಾಣ್ಯಗಳು!