ಚೆನ್ನೈ: ನಟಿ ಆಂಡ್ರಿಯಾ ಜರೆಮಿಯ, ಕಾಲಿವುಡ್ ಸಿನಿ ಪ್ರಿಯರಿಗೆ ಹೆಚ್ಚು ಪರಿಚಯವಿರುವ ಹೆಸರು. ನಾಯಕಿ ಮತ್ತು ಖಳನಾಯಕಿಯಾಗಿ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿರುವ ಆಂಡ್ರಿಯಾ, ತಮ್ಮ ಬೋಲ್ಡ್ ಲುಕ್ನಿಂದಲೇ ತುಂಬಾ ಖ್ಯಾತಿ ಪಡೆದಿದ್ದಾರೆ. ಅಲ್ಲದೆ, ಆಂಡ್ರಿಯಾ ಗಾಯಕಿಯೂ ಹೌದು. ಜೀವನದಲ್ಲಿ ಸಾಕಷ್ಟು ಏರಿಳಿತಗಳನ್ನು ಕಂಡಿರುವ ಆಂಡ್ರಿಯಾ, ಒಮ್ಮೆ ತನ್ನ ಅಫೇರ್ನಿಂದಲೇ ಬಹಳ ಸುದ್ದಿಯಾಗಿದ್ದರು.
ಹೌದು, ವಿವಾಹಿತ ನಿರ್ದೇಶಕನ ಜತೆ ಆಂಡ್ರಿಯಾ ವಿವಾಹೇತರ ಸಂಬಂಧ ಇಟ್ಟುಕೊಂಡಿದ್ದರು. ಇದು ಅವರ ಜೀವನದ ಅತ್ಯಂತ ಕಹಿ ಕ್ಷಣಗಳೆಂದು ಆಂಡ್ರಿಯಾ ಹಿಂದೊಮ್ಮೆ ಟಿವಿ ಸಂದರ್ಶನದಲ್ಲಿ ಹೆಸರೇಳದೆ ಪರೋಕ್ಷವಾಗಿ ಹೇಳಿದ್ದರು. ಅಂದಹಾಗೆ ಆ ನಿರ್ದೇಶಕ ಬೇರೆ ಯಾರೂ ಅಲ್ಲ ತಮಿಳಿನ ಖ್ಯಾತ ನಿರ್ದೇಶಕ ಸೆಲ್ವರಾಘವನ್.
7ಜಿ ರೈನ್ಬೋ ಕಾಲನಿ, ಯಾರಡಿ ನೀ ಮೋಹಿನಿ, ಆಯಿರಥಿಲ್ ಒರುವನ್, ಎನ್ಜಿಕೆ ಮತ್ತು ನಾನೇ ವರುವನ್ ಸೇರಿದಂತೆ ಅನೇಕ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಅಲ್ಲದೆ, ವಿಜಯ್ ಅಭಿನಯದ ಬೀಸ್ಟ್ ಹಾಗೂ ವಿಶಾಲ್ ನಟನೆಯ ಮಾರ್ಕ್ ಆಂಟೋನಿ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ತಮ್ಮ ಪ್ರತಿಭೆಯಿಂದಲೇ ತಮಿಳು ಇಂಡಸ್ಟ್ರಿಯಲ್ಲಿ ಸೆಲ್ವರಾಘವನ್ ಹೆಸರು ಮಾಡಿದ್ದಾರೆ. 2006ರಲ್ಲಿ ನಟಿ ಸೋನಿಯಾ ಅಗರವಾಲ್ ಅವರನ್ನು ಮದುವೆಯಾಗಿದ್ದರು. ಆದರೆ, 2010ರಲ್ಲಿ ಇಬ್ಬರು ಡಿವೋರ್ಸ್ ಪಡೆದುಕೊಂಡರು. 2011ರಲ್ಲಿ ಗೀತಾಂಜಲಿ ಎಂಬುವರನ್ನು ಮದುವೆಯಾದರು.
ಸೆಲ್ವರಾಘವನ್ ನಿರ್ದೇಶನದ ಆಯಿರಥಿಲ್ ಒರುವನ್ ಚಿತ್ರದಲ್ಲಿ ಆಂಡ್ರಿಯಾ ಜೆರಮಿಯಾ ಸಹ ನಟಿಸಿದ್ದಾರೆ. ಸೆಲ್ವರಾಘವನ್ ಜತೆಗಿನ ಸಂಬಂಧದ ಬಗ್ಗೆ ಈ ಹಿಂದೆಯೇ ಸಾಕಷ್ಟು ಸುದ್ದಿಗಳು ಹರಿದಾಡಿದರೂ ಸಹ ಅದು ವದಂತಿಯಾಗಿಯೇ ಉಳಿದಿತ್ತು. ಆದರೆ, ಯಾವಾಗ ಆಂಡ್ರಿಯಾ ಅವರು “ಬ್ರೋಕನ್ ವಿಂಗ್ಸ್” ಹೆಸರಿನಲ್ಲಿ ಪುಸ್ತಕ ಬರೆದು, ಅದರಲ್ಲಿ ತಮ್ಮ ಸಂಬಂಧದ ಬಗ್ಗೆ ಮಾತನಾಡಿದರೋ ಆಗ ವದಂತಿಗಳೆಲ್ಲ ನಿಜವಾಯಿತು.
ವಿವಾಹಿತ ವ್ಯಕ್ತಿಯ ಜತೆ ದೀರ್ಘಕಾಲದವರೆಗೆ ಅಫೇರ್ ಇಟ್ಟುಕೊಂಡಿದ್ದೆ. ಆತನಂದ್ರೆ ನನಗೆ ತುಂಬಾ ಇಷ್ಟ ಇತ್ತು. ಆದರೆ, ಆತ ನನಗೆ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಹಿಂಸೆ ನೀಡಿದನು. ಇದು ನನ್ನನ್ನು ಖಿನ್ನತೆಗೆ ದೂಡಿತು. ಈ ಸಂಕಷ್ಟದಿಂದ ಹೊರಬರಲು ನಾನು ಆಯುರ್ವೇದ ಚಿಕಿತ್ಸೆಯನ್ನು ಪಡೆದುಕೊಳ್ಳಬೇಕಾಯಿತು ಎಂದು ಹಿಂದೊಮ್ಮೆ ಸಂದರ್ಶನದಲ್ಲಿ ಆಂಡ್ರಿಯಾ ಹೇಳಿಕೊಂಡಿದ್ದರು. ಇದು ಕಾಲಿವುಡ್ನಲ್ಲಿ ಭಾರಿ ಸಂಚಲನವನ್ನೇ ಸೃಷ್ಟಿ ಮಾಡಿತ್ತು.
ಆಂಡ್ರಿಯಾ ಜತೆಗಿನ ಅಫೇರ್ ಕಾರಣದಿಂದಲೇ ಸೋನಿಯಾ ಅಗರ್ವಾಲ್, ಸೆಲ್ವರಾಘವನ್ನಿಂದ ಡಿವೋರ್ಸ್ ಪಡೆದುಕೊಂಡರು ಎಂದು ಹೇಳಲಾಗಿದೆ. ಸೆಲ್ವರಾಘವನ್ನಿಂದ ದೂರಾದ ಬಳಿಕ ಆಂಡ್ರಿಯಾ, ಸಂಗೀತ ನಿರ್ದೇಶಕ ಅನಿರುದ್ಧ್ ಜತೆ ಸಂಬಂಧ ಇಟ್ಟುಕೊಂಡಿದ್ದರು. ಆದರೆ, ಅದು ಕೂಡ ಹೆಚ್ಚು ದಿನ ಉಳಿಯಲಿಲ್ಲ. ಸೆಲ್ವರಾಘವನ್, ಗೀತಾಂಜಲಿ ಎಂಬುವರನ್ನು ವರಿಸಿದ್ದಾರೆ.
ಸಿನಿಮಾ ವಿಚಾರಕ್ಕೆ ಬಂದರೆ, ಕಾ, ನೋ ಎಂಟ್ರಿ ಹಾಘೂ ಪಿಸಾಸು ಸಿನಿಮಾಗಳಲ್ಲಿ ನಟಿಸಿದ್ದು, ಬಿಡುಗಡೆಗೆ ಎದುರು ನೋಡುತ್ತಿದ್ದಾರೆ. (ಏಜೆನ್ಸೀಸ್)
ಬೋಲ್ಡ್ ಬ್ಯೂಟಿ ಆಂಡ್ರಿಯಾ ಜರೆಮಿಯ ಬೆತ್ತಲೆ ದೃಶ್ಯಕ್ಕೆ ಸೆನ್ಸಾರ್ ಕತ್ತರಿ! ನಿರ್ದೇಶಕ ಕೊಟ್ಟ ಸ್ಪಷ್ಟನೆ ಹೀಗಿದೆ…
ತಂದೆಯ ಎದುರೇ ಬಸ್ಸಿನಲ್ಲಿ ಅನುಭವಿಸಿದ ಕರಾಳ ಘಟನೆಯನ್ನು ವಿವರಿಸಿದ ನಟಿ ಆಂಡ್ರಿಯಾ ಜರೆಮಿಯ!