ಅಹಮದಾಬಾದ್: ಇಲ್ಲಿನ ಸಿವಿಲ್ ಆಸ್ಪತ್ರೆಯು ಕರೊನಾ ಬಿಕ್ಕಟ್ಟಿನ ಅಸಮರ್ಪಕ ನಿರ್ವಹಣೆಯಿಂದಾಗಿ ಮಮತ್ತೊಮ್ಮೆ ಟೀಕೆಗೆ ಗುರಿಯಾಗಿದೆ. ಗುಜರಾತ್ ರಾಜಧಾನಿಯ ಪ್ರಮುಖ ಆಸ್ಪತ್ರೆಯ ಮತ್ತೊಂದು ಎಡವಟ್ಟು ಬೆಳಕಿಗೆ ಬಂದಿದ್ದು, ಕೋವಿಡ್-19 ರೋಗಿಯ ಕುಟುಂಬವೊಂದು ರೋಗಿ ಮೃತಪಟ್ಟಿದ್ದಾನೆಂದು ನಂಬಿ ಅಂತ್ಯಕ್ರಿಯೆ ಮಾಡಿದ ಬಳಿಕ ಆತ ಬದುಕಿದ್ದಾನೆ ಎಂಬುದನ್ನು ಕೇಳಿ ದಿಗ್ಭ್ರಮೆಗೊಂಡ ಪ್ರಸಂಗ ಜರುಗಿದೆ. ಆದರೆ, ನಿಜಕ್ಕೂ ಆತ ಸತ್ತಿದ್ದ.
ಇದನ್ನೂ ಓದಿ: ಕರೆ ಮಾಡಿ ನೆರೆಮನೆಯವರನ್ನು ಕರೆದ ಯುವಕ: ಬಂದು ನೋಡಿದವರಿಗೆ ಕಾದಿತ್ತೊಂದು ಶಾಕ್!
ದೇವರಾಂಭಾಯ್ ಭಿಸಿಕರ್ ಎಂಬಾತ ಕರೊನಾ ರೋಗ ಲಕ್ಷಣಗಳಿಂದ ಅಹಮದಾಬಾದ್ ಸಿವಿಲ್ ಆಸ್ಪತ್ರೆಗೆ ಮೇ 28ರಂದು ದಾಖಲಾಗಿದ್ದರು. ಮಾರನೇ ದಿನ ಅಂದರೆ ಮೇ 29ರ ಮಧ್ಯಾಹ್ನ ಆತ ಮೃತಪಟ್ಟಿರುವುದಾಗಿ ಕುಟುಂಬಕ್ಕೆ ಮಾಹಿತಿ ನೀಡಲಾಯಿತು. ಆಘಾತಕ್ಕೀಡಾದ ಕುಟುಂಬ ಅಳುತ್ತಲೇ ಆಸ್ಪತ್ರೆಗೆ ಧಾವಿಸಿತ್ತು. ಅದೇ ವೇಳೆ ಭಿಸಿಕರ್ ಅವರ ಸ್ಯಾಂಪಲ್ ಅನ್ನು ಟೆಸ್ಟಿಂಗ್ ಕಳುಹಿಸಿದ್ದ ವರದಿ ಇನ್ನು ಬಂದಿರಲಿಲ್ಲ. ಆದಾಗ್ಯೂ ಮುನ್ನೆಚ್ಛರಿಕಾ ಕ್ರಮಗಳನ್ನು ತೆಗೆದುಕೊಂಡು ಅಂತ್ಯಕ್ರಿಯೆ ನಡೆಸಲು ಮೃತದೇಹದ ಗುರುತನ್ನು ಬಹಿರಂಗಪಡಿಸಿದೇ ಸೀಲ್ ಡೌನ್ ಮಾಡಿ ಕುಟಂಬಸ್ಥರಿಗೆ ಶವವನ್ನು ಹಸ್ತಾಂತರಿಸಲಾಯಿತು.
ಮೇ 29ರಂದು ಕೆಲವೇ ಕುಟುಂಬಸ್ಥರ ಸಮ್ಮುಖದಲ್ಲಿ ಅಂತ್ಯಕ್ರಿಯೆಯು ನಡೆಯಿತು. ಆದರೆ, ಮೇ 30ರಂದು ಆಸ್ಪತ್ರೆಯಿಂದ ಮತ್ತೆ ಕರೆ ಬಂದಿತ್ತು. ಕರೆ ಸ್ವೀಕರಿಸಿದ ಭಿಸಿಕರ್ ಕುಟುಂಬಕ್ಕೆ ಅಕ್ಷರಶಃ ಶಾಕ್ ಕಾದಿತ್ತು. ಏಕೆಂದರೆ ಈಗಾಗಲೇ ಅಂತ್ಯಕ್ರಿಯೆ ಮಾಡಿದ್ದ ಭಿಸಿಕರ್ ಆರೋಗ್ಯದಲ್ಲಿ ಸುಧಾರಣೆಯಾಗಿದೆ ಎಂಬುದನ್ನು ಕೇಳಿ ದಿಗ್ಭ್ರಮೆಗೊಂಡರು.
ಈ ಬಗ್ಗೆ ಮಾತನಾಡಿರುವ ಭಿಸಿಕರ್ ಸಂಬಂಧಿ ನೈಲೇಶ್ಭಾಯ್, ಭಿಸಿಕರ್ ಬದುಕಿದ್ದಾನೋ? ಇಲ್ಲವೋ? ಕುಟುಂಬ ಮಾತ್ರ ಈ ಕ್ಷಣಕ್ಕೂ ಗೊಂದಲಕ್ಕೀಡಾಗಿದೆ. ಕರೆ ಸ್ವೀಕರಿಸಿದ ಬಳಿಕ ಆಸ್ಪತ್ರೆಗೆ ಹೋದೆವು. ಆದರೆ, ಸಿಬ್ಬಂದಿಯೂ ಗೊಂದಲಕ್ಕೀಡಾಗಿ ಕರೆ ಮಾಡಿದ್ದಾರೆ. ಭಿಸಿಕರ್ ನಿಜವಾಗಿಯೂ ಮೇ 29ರಂದು ಮೃತಪಟ್ಟಿದ್ದಾರೆ ಎಂದು ಹೇಳಿ ಕಳುಹಿಸಿದರು ಎಂದರು.
ಕೊನೆಗೂ ನಿಜಾಂಶ ತಿಳಿಯಿತ್ತಲ್ಲ ಎಂದು ಸುಮ್ಮನ್ನಾಗಿದ್ದ ಕುಟುಂಬಕ್ಕೆ ಮತ್ತೊಂದು ಬಾರಿ ಕರೆ ಬಂದಿತ್ತು. ಭಿಸಿಕರ್ ಆರೋಗ್ಯದಲ್ಲಿ ಚೇತರಿಕೆ ಕಾಣುತ್ತಿದೆ. ಅವರ ಕರೊನಾ ವರದಿಯು ನಗೆಟಿವ್ ಬಂದಿದೆ ಎಂಬುದನ್ನು ಕೇಳಿ ಆತನ ಕುಟುಂಬ ಮತ್ತಷ್ಟು ಆಘಾತಕ್ಕೆ ಒಳಗಾಯಿತು. ಆದರೆ, ಕೊನೆಗೆ ಆಸ್ಪತ್ರೆಯ ವೈದ್ಯರಾದ ಶಶಾಂಕ್ ಜೆ ಪಾಂಡ್ಯ ಅವರು ಭಿಸಿಕರ್ ಮೃತಪಟ್ಟ ಸುದ್ದಿಯನ್ನು ಖಚಿತ ಪಡಿಸುತ್ತಾರೆ. ಅವರು ಕರೊನಾದಿಂದಲ್ಲದೆ, ಸುಗರ್ ಲೆವೆಲ್ ಹೆಚ್ಚಾಗಿ ಉಸಿರಾಟದಲ್ಲಿ ತೊಂದರೆಯಾಗಿ ಸಾವಿಗೀಡಾಗಿದ್ದಾರೆ ಎಂದು ಹೇಳುತ್ತಾರೆ. ಆದರೆ, ರೋಗಿಯ ಕುಟುಂಬಕ್ಕೆ ಎದುರಾದ ಎರಡೆರಡು ಶಾಕ್ ಮಾತ್ರ ದುಃಖಕರ ಸಂಗತಿಯೇ ಸರಿ. (ಏಜೆನ್ಸೀಸ್)
ಕ್ಯಾಪ್ಟನ್ ಕೂಲ್ ರಾತ್ರಿ ನಿದ್ದೆಯಲ್ಲಿ ಕನವರಿಸುವುದು ಕ್ರಿಕೆಟ್ ಅಲ್ಲ, ಇದನ್ನಂತೆ!