ರಾಜಮೌಳಿ ಅವರ ಮಹತ್ವಾಕಾಂಕ್ಷೆಯ ಚಿತ್ರವಾದ ‘ಆರ್ಆರ್ಆರ್’ ಮೂಲಕ, ಬಾಲಿವುಡ್ ನಟಿ ಆಲಿಯಾ ಭಟ್ ಟಾಲಿವುಡ್ಗೆ ಎಂಟ್ರಿ ಕೊಡುತ್ತಿರುವುದು ಗೊತ್ತೇ ಇದೆ. ಈ ಚಿತ್ರದಲ್ಲಿ ತಾರಕ್ ಅಲಿಯಾಸ್ ಜ್ಯೂನಿಯರ್ ಎನ್.ಟಿ.ಆರ್ ಮತ್ತು ರಾಮ್ಚರಣ್ ತೇಜ ನಾಯಕರಾಗಿ ನಟಿಸುತ್ತಿದ್ದು, ಈ ಪೈಕಿ ರಾಮ್ಚರಣ್ಗೆ ನಾಯಕಿಯಾಗಿ ಆಲಿಯಾ ನಟಿಸುತ್ತಿದ್ದಾರೆ.
ಎಲ್ಲಾ ಸರಿ, ಈ ಚಿತ್ರಕ್ಕೆ ಕಳೆದ ಎರಡು ವರ್ಷಗಳಿಂದ ಚಿತ್ರೀಕರಣ ನಡೆಯುತ್ತಲೇ ಇದ್ದು, ಅಂತಿಮವಾಗಿ ಯಾವಾಗ ಬಿಡುಗಡೆಯಾಗುತ್ತದೆ ಎಂಬ ಪ್ರಶ್ನೆ ಎಲ್ಲರಲ್ಲೂ ಇದೆ. ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಇಷ್ಟರಲ್ಲಿ ಚಿತ್ರೀಕರಣ ಮುಗಿದು, 2021ರ ಸಂಕ್ರಾಂತಿಗೆ ಚಿತ್ರ ಬಿಡುಗಡೆಯಾಗಿರಬೇಕಿತ್ತು. ಆದರೆ, ಲಾಕ್ಡೌನ್ನಿಂದ ಎಲ್ಲವೂ ತಲೆ ಕೆಳಗಾಗಿದೆ.
ಇದನ್ನೂ ಓದಿ: ಟ್ರೋಲ್ಗೆ ಹೆದರಿದ ಆಲಿಯಾ; ಟ್ವಿಟರ್ ಕಮೆಂಟ್ ಬಾಕ್ಸ್ ಬ್ಲಾಕ್ ಮಾಡಿ ‘ಸಡಕ್ 2’ ಬಿಡುಗಡೆ ದಿನಾಂಕ ಘೋಷಣೆ
ಈ ಮಧ್ಯೆ, ಲಾಕ್ಡೌನ್ನಿಂದಾಗಿ ಚಿತ್ರದ ಬಿಡುಗಡೆ ಒಂದು ವರ್ಷ ಮುಂದಕ್ಕೆ ಹೋಗಿದೆ ಎಂದು ಹೇಳಲಾಗಿತ್ತು. ಅಂದರೆ, 2021ರ ಸಂಕ್ರಾಂತಿಗೆ ಬಿಡುಗಡೆಯಾಗಬೇಕಿದ್ದ ಚಿತ್ರವು, 2022ಕ್ಕೆ ಬಿಡುಗಡೆಯಾಗುತ್ತದೆ ಎಂಬ ಸುದ್ದಿಯೊಂದು ಕೇಳಿ ಬರುತ್ತಲೇ ಇತ್ತು. ಚಿತ್ರತಂಡದವರು ಈ ಕುರಿತು ಯಾವುದೇ ಅಧಿಕೃತ ಹೇಳಿಕೆ ನೀಡದಿದ್ದರೂ, ಈಗ ಈ ಸುದ್ದಿ ನಿಜ ಎಂದನಿಸುತ್ತಿದೆ.
ಅದಕ್ಕೆ ಕಾರಣ, ಆಲಿಯಾ ಭಟ್ ಡೇಟ್ ಕೊಟ್ಟಿರುವುದು 2021ಕ್ಕಂತೆ. ಹೌದು, ಲಾಕ್ಡೌನ್ಗೂ ಮುನ್ನ ‘ಬ್ರಹ್ಮಾಸ್ತ್ರ’ ಎಂಬ ಚಿತ್ರದಲ್ಲಿ ಆಲಿಯಾ ನಟಿಸುತ್ತಿದ್ದರು. ಈ ಚಿತ್ರದ ಬಹುತೇಕ ಚಿತ್ರೀಕರಣ ಈಗಾಗಲೇ ಮುಗಿದಿದೆಯಂತೆ. ಇನ್ನು ಕೆಲವು ದಿನಗಳ ಚಿತ್ರೀಕರಣ ಮುಗಿದರೆ, ಕುಂಬಳಕಾಯಿ ಒಡೆಯಬಹುದು.
ಇದನ್ನೂ ಓದಿ: PHOTOS: ರಾಣಾ ದಗ್ಗುಬಾಟಿ- ಮಿಹಿಕಾ ಮದುವೆಗೆ ಶುರುವಾಗಿದೆ ತಯಾರಿ
ಒಂದು ಪಕ್ಷ, ಆಲಿಯಾ ಏನಾದರೂ ‘ಆರ್ಆರ್ಆರ್’ ಶೂಟಿಂಗ್ಗೆ ಹೋದರೆ, ಆಗ ‘ಬ್ರಹ್ಮಾಸ್ತ್ರ’ ಚಿತ್ರದ ಚಿತ್ರೀಕರಣ ಇನ್ನಷ್ಟು ತಡವಾಗುತ್ತದೆ. ಹಾಗಾಗಿ, ಮೊದಲು ‘ಬ್ರಹ್ಮಾಸ್ತ್ರ’ ಚಿತ್ರೀಕರಣ ಮುಗಿಸಿ, ಆ ನಂತರ ‘ಆರ್ಆರ್ಆರ್’ ಚಿತ್ರೀಕರಣದಲ್ಲಿ ಆಲಿಯಾ ಭಾಗವಹಿಸುತ್ತಾರೆ ಎಂದು ಹೇಳಲಾಗುತ್ತಿದೆ. ಅದಕ್ಕೆ ಸರಿಯಾಗಿ ಆಲಿಯಾ 2021ರಲ್ಲಿ ತಮ್ಮ ಡೇಟ್ಗಳನ್ನು ಕೊಟ್ಟಿದ್ದಾರಂತೆ.
ಅಲ್ಲಿಗೆ, ‘ಆರ್ಆರ್ಆರ್’ ಚಿತ್ರದ ಚಿತ್ರೀಕರಣವೇನಿದ್ದರೂ ಮುಂದಿನ ವರ್ಷ ಪ್ರಾರಂಭವಾಗಿ, ಅದರ ಮುಂದಿನ ವರ್ಷ ಬಿಡುಗಡೆಯಾಗುತ್ತದೆ ಎಂಬ ಸ್ಥಿತಿ ಇದೆ. ಮುಂದಿನ ವರ್ಷವೇ ಚಿತ್ರವನ್ನು ಕಣ್ತುಂಬಿಕೊಳ್ಳುವುದಕ್ಕೆ ಕಾಯುತ್ತಿದ್ದ ಅಭಿಮಾನಿಗಳು, ಇನ್ನೂ ಒಂದು ವರ್ಷ ಕಾಯದೇ ಬೇರೆ ವಿಧಿಯಿಲ್ಲ.