ನವದೆಹಲಿ : ಭಾರತದಲ್ಲಿ ವಿಪರೀತವಾಗಿರುವ ಕರೊನಾ ಸೋಂಕಿನ ಪರಿಸ್ಥಿತಿಯಲ್ಲಿ ಒಮ್ಮೆ ಸೋಂಕು ತಗುಲಿ ಗುಣಮುಖರಾಗಿರುವವರಿಗೂ ಮತ್ತೆ ಸೋಂಕು ತಗುಲುತ್ತಿರುವುದು ಕಂಡುಬಂದಿದೆ. ಹೀಗಾಗಿ ಕರೊನಾ ಮುನ್ನೆಚ್ಚರಿಕೆಗಳಲ್ಲಿ ಪ್ರಮುಖವಾದ ಸ್ವಚ್ಛತೆಯ ಬಗ್ಗೆ ಹೆಚ್ಚು ಗಮನ ನೀಡಬೇಕು. ಈ ಪರಿಸ್ಥಿತಿಯಲ್ಲಿ ಓರಲ್ ಹೈಜೀನ್ ಅಥವಾ ಬಾಯಿಯ ಸ್ವಚ್ಛತೆ ಬಹಳ ಮುಖ್ಯ ಎಂದಿದ್ದಾರೆ ತಜ್ಞರು.
ಮುಖ್ಯವಾಗಿ, ಕರೊನಾ ರೋಗಿಗಳು ಗುಣಮುಖರಾದ ನಂತರ, ವೈರಸ್ ಮತ್ತಷ್ಟು ಹರಡದಂತೆ ತಡೆಗಟ್ಟಲು ತಮ್ಮ ಟೂತ್ಬ್ರಶ್ ಮತ್ತು ಟಂಗ್ ಕ್ಲೀನರ್ಗಳನ್ನು ಬದಲಾಯಿಸಬೇಕು ಎಂದು ದಂತವೈದ್ಯರು ಶಿಫಾರಸು ಮಾಡಿದ್ದಾರೆ. ಸೋಂಕಿನಿಂದ ಚೇತರಿಸಿಕೊಂಡ ವ್ಯಕ್ತಿ ಬ್ರಶ್ ಬದಲಿಸುವುದರಿಂದ ಮತ್ತೆ ತನಗೇ ಸೋಂಕು ತಗುಲದಂತೆ ಮತ್ತು ಅವನೊಂದಿಗೆ ಬಾತ್ರೂಮನ್ನು ಬಳಸುವ ಮನೆಯ ಇತರ ಸದಸ್ಯರಿಗೆ ಸೋಂಕು ತಗುಲದಂತೆ ಎಚ್ಚರ ವಹಿಸಬಹುದಾಗಿದೆ ಎಂದಿದ್ದಾರೆ.
ಇದನ್ನೂ ಓದಿ: ಆರ್ಟಿಪಿಸಿಆರ್ ಪರೀಕ್ಷೆಗೆ 500 ರೂ. ದರ ನಿಗದಿ : ಸರ್ಕಾರಿ ಆದೇಶಕ್ಕೆ ತಡೆ ಇಲ್ಲ
“ಸೋಂಕಿತರು ಬಳಸುವ ಟೂತ್ಬ್ರಶ್ನಲ್ಲಿ ವೈರಸ್ ಹೇರಳವಾಗಿ ಶೇಖರಣೆಯಾಗಿರುತ್ತವೆ. ಆದ್ದರಿಂದ ಸೋಂಕು ನಿವಾರಣೆಯಾದ ತಕ್ಷಣ ಹಳೆಯದನ್ನು ಎಸೆದು, ಹೊಸ ಬ್ರಶ್ ಬಳಸುವುದು ಅತ್ಯವಶ್ಯಕ” ಎಂದು ನವದೆಹಲಿಯ ಲೇಡಿ ಹಾರ್ಡಿಂಗ್ ವೈದ್ಯಕೀಯ ಕಾಲೇಜಿನ ಡೆಂಟಲ್ ಸರ್ಜರಿ ವಿಭಾಗದ ಮುಖ್ಯಸ್ಥ ಡಾ.ಪ್ರವೀಶ್ ಮೆಹ್ರಾ, ಹೇಳಿದ್ದಾರೆ. ಇದೇ ಕಾರಣಕ್ಕೆ ಮನೆಯಲ್ಲಿ ಯಾರಿಗಾದರೂ ಕರೊನಾ ಸೋಂಕು ತಗುಲಿದ್ದರೆ, ಅಂತಹ ಸೋಂಕಿತರ ಟೂತ್ಬ್ರಶ್, ಟಂಗ್ ಕ್ಲೀನರ್ ಮತ್ತಿತರ ವಸ್ತುಗಳೊಂದಿಗೆ ಮನೆಯ ಇತರ ಸದಸ್ಯರು ತಮ್ಮ ವಸ್ತುಗಳನ್ನು ಇಡದಿರುವುದೂ ಅತ್ಯವಶ್ಯಕ ಎಂದಿದ್ದಾರೆ.
“ಯಾವುದೇ ಫ್ಲೂ ಅಥವಾ ಕೆಮ್ಮು ನೆಗಡಿಯಿಂದ ಗುಣಮುಖರಾದ ಮೇಲೆ ಬ್ರಶ್ ಬದಲಿಸಲು ನಾನು ಸಲಹೆ ನೀಡುತ್ತೇನೆ. ಇನ್ನು ಕರೊನಾ ಸೋಂಕಿನಿಂದ ಚೇತರಿಸಿಕೊಂಡವರಿಗೆ ಇದು ಹೆಚ್ಚು ಅನ್ವಯವಾಗುತ್ತದೆ. ಮೊದಲ ಗುಣಲಕ್ಷಣಗಳು ಕಾಣಿಸಿಕೊಂಡ ದಿನದಿಂದ 20 ದಿನಗಳ ನಂತರ ಬ್ರಶ್ ಬದಲಾಯಿಸಬೇಕು” ಎಂದು ಆಕಾಶ್ ಹೆಲ್ತ್‌ಕೇರ್ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯ ದಂತವೈದ್ಯೆಯಾದ ಡಾ. ಭೂಮಿಕಾ ಮದನ್ ಹೇಳಿದ್ದಾರೆ.
ಇದನ್ನೂ ಓದಿ: ಸ್ಕೂಲ್ಬ್ಯಾಗ್ನಿಂದ ಬಂದೂಕು ಹೊರಗೆಳೆದಳು, ಮೂವರ ಮೇಲೆ ಗುಂಡು ಹಾರಿಸಿದಳು !
ಅನ್ಯಥಾ ಕೂಡ ಪ್ರತಿ ಮೂರು ತಿಂಗಳಿಗೊಮ್ಮೆ ಟೂತ್ಬ್ರಶ್ ಬದಲಿಸಬೇಕು ಎಂದು ಎಲ್ಲಾ ದಂತವೈದ್ಯರು ಸಲಹೆ ನೀಡುತ್ತಾರೆ. “ಟೂತ್ಬ್ರಶ್ಗಳ ಮೇಲೆ ಶೇಖರಣೆಯಾಗುವ ಬ್ಯಾಕ್ಟೀರಿಯಾ ಅಥವಾ ವೈರಸ್ನಿಂದ ಶ್ವಾಸನಾಳದ ಮೇಲ್ಭಾಗಕ್ಕೆ ಸೋಂಕುಗಳು ತಗುಲುವ ಸಾಧ್ಯತೆ ಇರುತ್ತದೆ” ಎಂದಿರುವ ಡಾ.ಮದನ್, “ಮುನ್ನೆಚ್ಚರಿಕೆಯಾಗಿ ಒಳ್ಳೆಯ ಮೌತ್ವಾಶ್ ಅಥವಾ ಬೆಟಾಡೀನ್ನಿಂದ ಗಾರ್ಗಲ್ ಮಾಡಬೇಕು. ಅವಿಲ್ಲದಿದ್ದರೆ ಉಪ್ಪು ನೀರಿನಲ್ಲಾದರೂ ಆಗಾಗ್ಗೆ ಗಳಗಳ ಮಾಡಬೇಕು” ಎಂದಿದ್ದಾರೆ.
ಕಳೆದ ಜನವರಿಯಲ್ಲಿ ಬ್ರೆಜಿಲ್ನ ಸಂಶೋಧಕರು ನಡೆಸಿದ ಅಧ್ಯಯನದಲ್ಲಿ ಟೂತ್ಬ್ರಶ್ಗಳು ಮೈಕ್ರೋ ಆರ್ಗಾನಿಸಂಗಳ ಗುಡಾಣವಾಗಿರುತ್ತವೆ. ಆದ್ದರಿಂದ ಸೋಂಕಿನ ಸಾಧ್ಯತೆಯನ್ನು ಕಡಿಮೆ ಮಾಡಲು ಟೂತ್ಬ್ರಶ್ಅನ್ನು ಚೆನ್ನಾಗಿ ಒಣಗಿಸಿಡುವುದು, ಡಿಸಿನ್ಫೆಕ್ಟ್ ಮಾಡುವುದು ಅತ್ಯಗತ್ಯ. ಏಸಿಮ್ಟಾಮ್ಯಾಟಿಕ್ ಕರೊನಾ ಪ್ರಕರಣಗಳಲ್ಲಿ ಇದು ಇನ್ನೂ ಮುಖ್ಯ ಎಂದು ಹೇಳಲಾಗಿತ್ತು. (ಏಜೆನ್ಸೀಸ್)
ಕಾರಿನಲ್ಲೇ ಕೂತು ಲಸಿಕೆ ಪಡೆಯಿರಿ ! ಪ್ರತಿ ವಲಯದಲ್ಲೂ ಡ್ರೈವ್ಇನ್ ಲಸಿಕಾ ಕೇಂದ್ರಗಳ ಸ್ಥಾಪನೆ
ಖಾಸಗಿ ಆಸ್ಪತ್ರೆಗಳಲ್ಲಿ ಕರೊನಾ ಚಿಕಿತ್ಸೆ : ಯಾವುದಕ್ಕೆ ಎಷ್ಟು ದುಡ್ಡು… ವಿವರ ಇಲ್ಲಿದೆ