ಛಟ್ಟೋಗ್ರಾಮ್: ಆರಂಭಿಕರಾದ ರಹಮಾನುಲ್ಲಾ ಗುರ್ಬಜ್ (145) ಮತ್ತು ಇಬ್ರಾಹಿಂ ಜದ್ರಾನ್ (100) ಭರ್ಜರಿ ಶತಕಗಳ ನೆರವಿನಿಂದ ಅಫ್ಘಾನಿಸ್ತಾನ ತಂಡ ಆತಿಥೇಯ ಬಾಂಗ್ಲಾದೇಶ ವಿರುದ್ಧದ ಏಕದಿನ ಸರಣಿಯ 2ನೇ ಪಂದ್ಯದಲ್ಲಿ 142 ರನ್ಗಳಿಂದ ಗೆಲುವು ದಾಖಲಿಸಿದೆ. ಈ ಮೂಲಕ 3 ಪಂದ್ಯಗಳ ಸರಣಿಯನ್ನು 2-0ಯಿಂದ ವಶಪಡಿಸಿಕೊಂಡ ಅಫ್ಘಾನಿಸ್ತಾನ ತಂಡ, ಕಳೆದ 8 ವರ್ಷಗಳಲ್ಲಿ ಬಾಂಗ್ಲಾದೇಶದಲ್ಲಿ ಏಕದಿನ ಸರಣಿ ಗೆದ್ದ ಕೇವಲ 2ನೇ ತಂಡ ಎಂಬ ಐತಿಹಾಸಿಕ ಸಾಧನೆ ಮಾಡಿದೆ. ಈ ಮುನ್ನ ಕಳೆದ 8 ವರ್ಷಗಳಲ್ಲಿ ಇಂಗ್ಲೆಂಡ್ ಮಾತ್ರ ಬಾಂಗ್ಲಾದಲ್ಲಿ ಏಕದಿನ ಸರಣಿ ಜಯಿಸಿದೆ. ಭಾರತ ಸೇರಿದಂತೆ ಇನ್ನೂ ಕೆಲ ಪ್ರಮುಖ ತಂಡಗಳು ಇತ್ತೀಚೆಗೆ ಬಾಂಗ್ಲಾದಲ್ಲಿ ಏಕದಿನ ಸರಣಿ ಸೋತಿವೆ.
ಶನಿವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಆಫ್ಘನ್ ತಂಡ ಗುರ್ಬಜ್-ಜದ್ರಾನ್ ಜೋಡಿ ಮೊದಲ ವಿಕೆಟ್ಗೆ ಸೇರಿಸಿದ 256 ರನ್ ಜತೆಯಾಟದ ಬಲದಿಂದ 9 ವಿಕೆಟ್ಗೆ 331 ರನ್ ಪೇರಿಸಿತು. ಪ್ರತಿಯಾಗಿ ಬಾಂಗ್ಲಾದೇಶ ತಂಡ 43.2 ಓವರ್ಗಳಲ್ಲಿ 189 ರನ್ಗಳಿಗೆ ಸರ್ವಪತನ ಕಂಡಿತು.
ಅಫ್ಘಾನಿಸ್ತಾನ: 9 ವಿಕೆಟ್ಗೆ 331 (ರಹಮಾನುಲ್ಲಾ 145, ಇಬ್ರಾಹಿಂ ಜದ್ರಾನ್ 100, ರಹಮತ್ ಷಾ 2, ಮೊಹಮದ್ ನಬಿ 25*, ಮುಸ್ತಾಫಿಜುರ್ 60ಕ್ಕೆ 2, ಹಸನ್ ಮಹ್ಮುದ್ 70ಕ್ಕೆ 2, ಶಕೀಬ್ 50ಕ್ಕೆ 2, ಮೆಹದಿ ಹಸನ್ 60ಕ್ಕೆ 2), ಬಾಂಗ್ಲಾದೇಶ: 43.2 ಓವರ್ಗಳಲ್ಲಿ 189 (ಲಿಟನ್ ದಾಸ್ 13, ನಜ್ಮುಲ್ 1, ಶಕೀಬ್ 25, ಮುಶ್ಫಿಕರ್ ರಹೀಂ 69, ಮೆಹದಿ ಹಸನ್ 25, ಫಾರೂಖಿ 22ಕ್ಕೆ 3, ಮುಜೀಬ್ 40ಕ್ಕೆ 3, ರಶೀದ್ ಖಾನ್ 28ಕ್ಕೆ 2).
ಭಾರತ ವಿರುದ್ಧದ ಟೆಸ್ಟ್ ಸರಣಿಗೆ ವಿಂಡೀಸ್ ತಂಡದಲ್ಲಿ ಚಂದ್ರಪಾಲ್ ಪುತ್ರ, ದೈತ್ಯದೇಹಿ ಸ್ಪಿನ್ನರ್!