ದಕ್ಷಿಣ ಭಾರತದ ಟಾಪ್ ನಟಿಯರಲ್ಲಿ ಸ್ಥಾನಪಡೆದವರಲ್ಲಿ ನಟಿ ತ್ರಿಷಾ ಕೃಷ್ಣನ್ ಸಹ ಮುಂಚೂಣಿಯಲ್ಲಿದ್ದಾರೆ. ಆಯ್ದುಕೊಳ್ಳುವ ಸಿನಿಮಾ ಮತ್ತು ಪಾತ್ರಗಳ ವಿಚಾರದಲ್ಲಿ ತುಂಬ ಕಟ್ಟುನಿಟ್ಟಾಗಿರುವ ತ್ರಿಷಾ, ಅಪಾರ ಪ್ರಮಾಣದ ಅಭಿಮಾನಿಗಳನ್ನೂ ಹೊಂದಿದ್ದಾರೆ. ಸೋಷಿಯಲ್ ಮಿಡಿಯಾದಲ್ಲಿಯೂ ಸಕ್ರಿಯರಾಗಿರುವ ತ್ರಿಷಾ, ಸ್ವಾತಂತ್ರ್ಯ ದಿನಾಚರಣೆ ಪ್ರಯುಕ್ತ ವಿಶೇಷವಾದ ಫೋಟೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: ಗೆಟ್ವೆಲ್ ಸೂನ್: ಎಸ್.ಪಿ.ಬಿ ಗುಣಮುಖರಾಗಲೆಂದು ಸೆಲೆಬ್ರಿಟಿಗಳ ಪ್ರಾರ್ಥನೆ
ಈಗಾಗಲೇ ಸಾಕಷ್ಟು ಸೆಲೆಬ್ರಿಟಿಗಳು ತಂತಮ್ಮ ಸೋಷಿಯಲ್ ಮೀಡಿಯಾಗಳಲ್ಲಿ ಸ್ವಾತಂತ್ರ್ಯ ದಿನಾಚರಣೆಗೆಂದೆ ಫೋಟೋಶೂಟ್ ಮಾಡಿಸಿಕೊಂಡು ಆ ಫೋಟೋಗಳನ್ನು ಅಪ್ಲೋಡ್ ಮಾಡಿ ಶುಭಕೋರಿದ್ದಾರೆ. ಇನ್ನು ಕೆಲವರು ರಾಷ್ಟ್ರಧ್ವಜದ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ. ಇವರೆಲ್ಲರ ನಡುವೆ ನಟಿ ತ್ರಿಷಾ ಕೃಷ್ಣನ್ ವಿಭಿನ್ನವಾಗಿ ಕಾಣಿಸುತ್ತಾರೆ.
— Trish (@trishtrashers) August 15, 2020
ಅಂದರೆ, ವಿವಿಧ ಸಿನಿಮಾಗಳಲ್ಲಿನ ಕಾಸ್ಟ್ಯೂಮ್ಗಳನ್ನೇ ಬಾವುಟ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಕೇಸರಿ ಬಿಳಿ ಮತ್ತು ಹಸಿರು ಬಣ್ಣದ ದಿರಿಸಿನಲ್ಲಿರುವ ಮೂರು ಫೋಟೋಗಳನ್ನು ಹಾಕಿ ಸ್ವಾತಂತ್ರ್ಯ ದಿನಾಚರಣೆಯ ಶುಭಾಶಯ ಕೋರಿದ್ದಾರೆ. ಅಭಿಮಾನಿ ವಲಯದಿಂದಲೂ ಈ ಫೋಟೋಕ್ಕೆ ಹೆಚ್ಚಿನ ಲೈಕ್ಸ್ಗಳು ಸಂದಾಯವಾಗುತ್ತಿದ್ದು, ಸಿನಿಮಾ ಬಗ್ಗೆಯೂ ಪ್ರಶ್ನಿಸಿದ್ದಾರೆ.
ಇದನ್ನೂ ಓದಿ: ಅಂಕಿತಾ ಅಪಾರ್ಟ್ಮೆಂಟ್ನ ಇ.ಎಂ.ಐಗೂ ಸುಶಾಂತ್ ಖಾತೆಯಿಂದ ಹಣ ಹೋಗುತ್ತಿತ್ತಾ?
ಸದ್ಯ ತಮಿಳಿನ ಐದು ಮಲಯಾಳಂನ ಒಂದು ಸಿನಿಮಾದಲ್ಲಿ ತ್ರಿಷಾ ತೊಡಗಿಸಿಕೊಂಡಿದ್ದು, ಇನ್ನು ಕೆಲ ದಿನಗಳ ಬಳಿಕ ಶೂಟಿಂಗ್ನಲ್ಲಿಯೂ ಭಾಗವಹಿಸಲಿದ್ದಾರೆ. (ಏಜೆನ್ಸೀಸ್)
ಇಷ್ಟು ವರ್ಷ ಮಾಸ್ಕ್ ಹಾಕಿಕೊಂಡೇ ಬದುಕಿದ್ದೀಯ … ಸಲ್ಮಾನ್ಗೆ ನೆಟ್ಟಿಗರ ತರಾಟೆ