ಬೆಂಗಳೂರು: ಲಾಕ್ಡೌನ್ ಶುರುವಾಗಿ ತೆರವಾದ ಮೇಲೂ ಅದೆಷ್ಟೋ ಹೀರೋಯಿನ್ಗಳು ಸುದ್ದಿಯಲ್ಲೇ ಇಲ್ಲ. ಆದರೆ, ಪ್ರಣೀತಾ ಸುಭಾಷ್ ಮಾತ್ರ ಕೊಂಚ ವಿಭಿನ್ನ ರೀತಿಯಲ್ಲಿ ಗುರುತಿಸಿಕೊಂಡಿದ್ದಾರೆ. ಲಾಕ್ಡೌನ್ ಶುರುವಾದ ಮೊದಲದಿನದಿಂದ ಇಲ್ಲಿಯವರೆಗೂ ರಸ್ತೆಗಿಳಿದು ಒಂದಲ್ಲ ಒಂದು ಕೆಲಸದಲ್ಲಿ ತೊಡಗಿಸಿಕೊಂಡಿದ್ದಾರೆ. ಹಣ ನೀಡುವುದರೊಂದಿಗೆ ಶುರುವಾಗಿದ್ದ ಅವರ ಕೆಲಸ ಇದೀಗ, ಗ್ರಾಮಾಂತರ ಪ್ರದೇಶಕ್ಕೂ ವ್ಯಾಪಿಸಿದೆ.
ಇದನ್ನೂ ಓದಿ: ತ್ರಿವಿಕ್ರಮ ಟೀಸರ್ ರಿಲೀಸ್; ಮಾಸ್ ಅವತಾರದಲ್ಲಿ ಜೂ. ರವಿಚಂದ್ರನ್ ಎಂಟ್ರಿ..
ರಂಭದಲ್ಲಿ ಪ್ರಣೀತಾ ಫೌಂಡೇಷನ್ ವತಿಯಿಂದ ಸಿನಿಮಾ ಕಾರ್ವಿುಕರಿಗೆ ಒಂದು ಲಕ್ಷ ದೇಣಿಗೆ ನೀಡಿದ್ದ ಪ್ರಣೀತಾ, ಬಳಿಕ ಮತ್ತಷ್ಟು ಹಣ ಸಂಗ್ರಹಣೆಗೆ ಕ್ರೌಡ್ ಫಂಡಿಂಗ್ಗೆ ಮನವಿ ಮಾಡಿದ್ದರು. ಆಸಕ್ತ ದಾನಿಗಳು ಕೈಲಾದಷ್ಟು ಹಣದ ನೆರವು ನೀಡಿದ್ದರು. ಕೆಲವೇ ದಿನಗಳಲ್ಲಿ 10 ಲಕ್ಷ ಸಂಗ್ರಹ ಮಾಡಿ ಆರ್ಥಿಕ ಸ್ಥಿತಿಗತಿ ವಿಚಾರಿಸಿ, ಅಗತ್ಯತೆಯ ಆಧಾರದ ಮೇಲೆ 500 ಕುಟುಂಬಗಳಿಗೆ ತಲಾ 2000 ಕೊಟ್ಟಿದ್ದರು.
ಇದನ್ನೂ ಓದಿ: ರೀಲ್ ಧೋನಿ ಮತ್ತು ರಿಯಲ್ ಧೋನಿಯನ್ನು ಅಭಿಮಾನಿಗಳು ಹೇಗೆಲ್ಲ ನೆನಪಿಸಿಕೊಳ್ಳುತ್ತಿದ್ದಾರೆ ನೋಡಿ…
ಇದೀಗ ಬೆಂಗಳೂರು ಗ್ರಾಮಾಂತರ ಪ್ರದೇಶಗಳಿಗೆ ತೆರಳಿ, ಹಳ್ಳಿಗರಿಗೆ ಉಚಿತ ರೇಷನ್ ಮತ್ತು ಸ್ಯಾನಿಟರ್ ಪ್ಯಾಡ್ಗಳನ್ನು ವಿತರಣೆ ಮಾಡಿದ್ದಾರೆ. ದೇವನಹಳ್ಳಿ, ದೊಡ್ಡ ಬಳ್ಳಾಪುರಕ್ಕೆ ಪ್ರಣೀತಾ ಫೌಂಡೇಷನ್ ಮೂಲಕ ತೆರಳಿ ದಿನಸಿ ಪದಾರ್ಥಗಳನ್ನು ವಿತರಣೆ ಮಾಡಿದ್ದಾರೆ. ಪ್ರಣೀತಾ ಅವರ ಈ ಕಾರ್ಯಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದ್ದು, ಸಾಕಷ್ಟು ಅಭಿಮಾನಿಗಳು ಈ ಕೆಲಸಕ್ಕೆ ಸಲಾಂ ಎನ್ನುತ್ತಿದ್ದಾರೆ.
