ರಾಕಿಂಗ್ ಸ್ಟಾರ್ ಯಶ್ ಮುದ್ದು ಮಗನ ಹೆಸರನ್ನು ಇತ್ತೀಚೆಗಷ್ಟೇ ಬಹಿರಂಗಪಡಿಸಿದ್ದಾರೆ. ಯಥರ್ವ ಎಂದು ನಾಮಕರಣ ಮಾಡಿರುವ ಬಗ್ಗೆ ಹೇಳಿಕೊಂಡಿದ್ದರು. ಇತ್ತ ಕಾತರದಿಂದ ಕಾದಿದ್ದ ಅಭಿಮಾನಿಗಳೂ ನಿಟ್ಟುಸಿರು ಬಿಟ್ಟು, ಜೂನಿಯರ್ ಯಶ್ ಹೆಸರು ಕೇಳಿ ಸಂಭ್ರಮಿಸಿದ್ದಾರೆ. ಇದೆಲ್ಲದರ ಜತೆಗೆ ಯಶ್ ಪುತ್ರ ಯಥರ್ವ ಫೋಟೋಗಳೂ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ವೈರಲ್ ಆಗುತ್ತಿವೆ. ಇದೀಗ ಅಭಿಮಾನಿಯೊಬ್ಬ ಯಶ್ ಮತ್ತು ಯಥರ್ವ ಫೋಟೋಕ್ಕೆ ಹೊಸ ಲುಕ್ ಕೊಟ್ಟಿದ್ದಾನೆ. ಯಶ್ಗೆ ವಸುದೇವನ ಅವತಾರ ಹಾಕಿದರೆ, ಜೂನಿಯರ್ ಯಶ್ ಯಥರ್ವನಿಗೆ ಬಾಲಕೃಷ್ಣನ ರೂಪದಲ್ಲಿ ಕಾಣುವಂತೆ ಎಡಿಟ್ ಮಾಡಿದ್ದಾನೆ. ಸದ್ಯ ಈ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಅಭಿಮಾನಿಗಳಿಗೂ ಇಷ್ಟವಾಗಿದೆ.