ದ.ಆಫ್ರಿಕಾದ ಡೈನಾಮಿಕ್ ಬ್ಯಾಟ್ಸ್ಮನ್ ಎಬಿಡಿ, 10 ಸಿಕ್ಸರ್, 7 ಬೌಂಡರಿ ಒಳಗೊಂಡಂತೆ ಕೇವಲ 46 ಎಸೆತಗಳಲ್ಲಿ 104 ರನ್ ಸಿಡಿಸಿದ್ದಾರೆ. ಮತ್ತೋರ್ವ ಬ್ಯಾಟ್ಸ್ಮನ್ ಮೊಹಮದ್ ಅಜರುದ್ದೀನ್ 3 ಸಿಕ್ಸರ್, 4 ಬೌಂಡರಿ ಒಳಗೊಂಡಂತೆ 43 ಎಸೆತಗಳಲ್ಲಿ 66 ರನ್ ಬಾರಿಸಿದ್ದಾರೆ. ಈ ಜೋಡಿ ಅದ್ಭುತ ನಿರ್ವಹಣೆ ಫಲವಾಗಿ ಆರ್ಸಿಬಿ ಎ ತಂಡ, ಆರ್ಸಿಬಿ ಬಿ ತಂಡಕ್ಕೆ 213 ರನ್ ಟಾರ್ಗೆಟ್ ನೀಡಿತು. ಪ್ರತಿಯಾಗಿ ನಾಯಕ ದೇವದತ್ ಪಡಿಕಲ್, ಕೆಎಸ್ ಭರತ್ ಜೋಡಿ ಉತ್ತಮ ಆರಂಭ ನೀಡಿದ ಫಲವಾಗಿ 7 ವಿಕೆಟ್ ಜಯ ದಾಖಲಿಸಿತು. ಈ ಜೋಡಿ ಮೊದಲ ವಿಕೆಟ್ಗೆ 47 ಎಸೆತಗಳಲ್ಲಿ 95 ರನ್ ಗಳಿಸಿತು. ಬಿ ತಂಡಕ್ಕೆ ಜಯ ದಾಖಲಿಸಲು ಕಡೇ ಎರಡು ಎಸೆತಗಳಲ್ಲಿ ಮೂರು ರನ್ ಅವಶ್ಯಕತೆಯಿದ್ದಾಗ ಬೌಂಡರಿಯೊಂದಿಗೆ ಗೆಲುವಿನ ದಡ ಸೇರಿತು.
