ದೆಹಲಿ: ಆಮೀರ್ ಖಾನ್ ನಟಿಸುತ್ತಿರುವ ಲಾಲ್ಸಿಂಗ್ ಛಡ್ಡಾ ಸಿನಿಮಾ ಇದೀಗ ಮತ್ತೆ ಸುದ್ದಿಯಲ್ಲಿದೆ. ಕಳೆದ ಆರು ತಿಂಗಳಿಂದ ಶೂಟಿಂಗ್ ಕೈಬಿಟ್ಟಿದ್ದ ತಂಡ, ಇದೀಗ ಮತ್ತೆ ಚಿತ್ರೀಕರಣಕ್ಕೆ ಚಾಲನೆ ನೀಡಿದೆ.
ಇದನ್ನೂ ಓದಿ: ಡ್ಯಾನ್ಸ್ ಕ್ಲಾಸ್ ಉದ್ಘಾಟನೆಯಲ್ಲಷ್ಟೇ ಭಾಗವಹಿಸಿದ್ದು, ಡ್ರಗ್ಸ್ ಪಾರ್ಟಿಯಲ್ಲಲ್ಲ ಅಂದ್ರು ಅನುಶ್ರೀ
ದೆಹಲಿಯಲ್ಲಿ ಚಿತ್ರೀಕರಣ ಆರಂಭವಾಗಿದ್ದು, ಚಿತ್ರದ ನಾಯಕ ಆಮೀರ್ ಹೊಸ ಗೆಟಪ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಯಂಗ್ ಅವತಾರದಲ್ಲಿ ಕಾಣಿಸಿಕೊಂಡಿರುವ ಅವರ ಕಿರು ವಿಡಿಯೋ ತುಣುಕೊಂದು ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
ಅಂದಹಾಗೆ, 1994ರಲ್ಲಿ ತೆರೆಕಂಡಿದ್ದ ಫಾರೆಸ್ಟ್ ಗಂಪ್ ಚಿತ್ರದ ರಿಮೇಕ್ ಇದಾಗಿದ್ದು, ಮೂಲ ಸಿನಿಮಾದಲ್ಲಿ ಟಾಮ್ ಹಾಂಕ್ಸ್ ಮಾಡಿದ ಪಾತ್ರವನ್ನು ಹಿಂದಿಯಲ್ಲಿ ಆಮೀರ್ ಖಾನ್ ಮಾಡುತ್ತಿದ್ದಾರೆ. ಆಮೀರ್ ಜತೆಗೆ ಕರೀನಾ ಕಪೂರ್ ಸಹ ಶೂಟಿಂಗ್ನಲ್ಲಿ ಭಾಗಿಯಾಗಿದ್ದು, ಕಳೆದ ವಾರವೇ ದೆಹಲಿ ತಲುಪಿದ್ದಾರೆ.
ಎಲ್ಲ ಅಂದುಕೊಂಡಂತೆ ಆಗಿದ್ದರೆ, ಈ ವರ್ಷಾಂತ್ಯಕ್ಕೆ ಸಿನಿಮಾ ಬಿಡುಗಡೆ ಆಗಬೇಕಿತ್ತು. ಇದೀಗ 2021ರ ಕ್ರಿಸ್ಮಸ್ಗೆ ಸಿನಿಮಾ ಬಿಡುಗಡೆ ಆಗುವ ಸಾಧ್ಯತೆ ಇದೆ. ಅದ್ವೈತ್ ಚಂದನ್ ಈ ಸಿನಿಮಾ ನಿರ್ದೇಶನ ಮಾಡುತ್ತಿದ್ದು, ವಯಾಕಾಮ್ 18 ಬಂಡವಾಳ ಹೂಡುತ್ತಿದೆ.