ಕಳೆದ ವರ್ಷ ಬಿಡುಗಡೆಯಾದ ‘ಅಮ್ಮನ ಮನೆ’ ಚಿತ್ರದ ನಂತರ, ನಟನೆಯನ್ನು ಮುಂದುವರೆಸಿದ್ದಾರೆ ರಾಘವೇಂದ್ರ ರಾಜಕುಮಾರ್. ‘ಅಮ್ಮನ ಮನೆ’ ನಂತರ ‘ತ್ರಯಂಬಕಂ’, ‘ಪೊಗರು’, ‘ವಾರ್ಡ್ ನಂಬರ್ 11’, ‘ಆಡಿಸಿದಾತ’ ಮುಂತಾದ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ: ಮಾಸ್ ಅವತಾರದಲ್ಲಿ ಧೂಳೆಬ್ಬಿಸಲಿದ್ದಾರೆ ವಿಕ್ರಮ್ ರವಿಚಂದ್ರನ್…
ಈ ಮಧ್ಯೆ, ‘ಆಡಿಸಿದಾತ’ ಚಿತ್ರವು ಅವರ 25ನೇ ಚಿತ್ರವಾಗಿ ಬಿಡಗುಡೆಯಾಗಲಿದೆ. ಈಗಾಗಲೇ ಚಿತ್ರದ ಕೆಲಸಗಳು ಬಹುತೇಕ ಮುಗಿದಿದ್ದು, ಬಹುಶಃ ಲಾಕ್ಡೌನ್ ಮತ್ತು ಕರೊನಾ ಹಾವಳಿ ಇಲ್ಲದೆ ಹೋದರೆ, ಚಿತ್ರ ಇಷ್ಟರಲ್ಲಿ ಬಿಡುಗಡೆಯಾಗಿರಬೇಕಿತ್ತು.
ಈಗ ‘ಆಡಿಸಿದಾತ’ ಚಿತ್ರದ ಟೀಸರ್ನ್ನು ಪುನೀತ್ ರಾಜಕುಮಾರ್ ಇತ್ತೀಚೆಗೆಗೆ ಬಿಡುಗಡೆ ಮಾಡಿದ್ದಾರೆ. ವಿ. ಹರಿಕೃಷ್ಣ ಅವರ ಡಿ ಬೀಟ್ಸ್ ಮ್ಯೂಸಿಕ್ ವರ್ಲ್ಡ್ ಸಂಸ್ಥೆ ಮೂಲಕ ಚಿತ್ರದ ಟೀಸರ್ ಲೋಕಾರ್ಪಣೆಯಾಗಿದೆ.
ಇದನ್ನೂ ಓದಿ: ‘ಮಿಸ್ ಇಂಡಿಯಾ’ ಚಿತ್ರದ ಓಟಿಟಿ ರೈಟ್ಸ್ ಎಷ್ಟಕ್ಕೆ ಮಾರಾಟವಾಯ್ತು ಹೇಳಿ?
‘ಆಡಿಸಿದಾತ’ ಚಿತ್ರದ ಟೀಸರ್ ವೀಕ್ಷಿಸಿದ ಪುನೀತ್ ರಾಜಕುಮಾರ್, ‘ಟೀಸರ್ ತುಂಬಾ ಚೆನ್ನಾಗಿದೆ’ ಎಂದು ಹೇಳಿದ್ದಷ್ಟೇ ಅಲ್ಲ, ಚಿತ್ರ ಯಶಸ್ವಿ ಪ್ರದರ್ಶನ ಕಾಣಲಿ ಎಂದು ಹಾರೈಸಿದ್ದಾರೆ.
ಚಿತ್ರಕ್ಕೆ ಕಥೆ-ಚಿತ್ರಕಥೆ ಬರೆಯುವುದರ ಜತೆಗೆ ನಿರ್ದೇಶನ ಮಾಡಿದ್ದಾರೆ ಫಣೀಶ್ ಭಾರದ್ವಾಜ್. ಚಿತ್ರಕ್ಕೆ ಮಣಿಕಾಂತ್ ಕದ್ರಿ ಸಂಗೀತ ಸಂಯೋಜನೆ ಮಾಡಿದ್ದು, ಆನಂದ್ ಇಳಯರಾಜ ಛಾಯಾಗ್ರಹಣ ಮಾಡಿದ್ದಾರೆ.
ಸಮೀರಾ ರೆಡ್ಡಿ ಯಾಕೆ ಬಾಲಿವುಡ್ನಲ್ಲಿ ಮಿಂಚಲಿಲ್ಲ? ಕಾರಣ ಹೇಳ್ತಾರೆ ಕೇಳಿ …