ಬೆಂಗಳೂರು: ಸ್ನೇಹಿತರು ಪ್ರಾಣಕ್ಕೆ ಪ್ರಾಣ ಕೊಡುತ್ತಾರೆ ಎನ್ನುತ್ತಾರೆ. ಆದರೆ ಕೆಲವು ಸ್ನೇಹಿತರು ಪ್ರಾಣ ತೆಗೆಯುವಂತವರೂ ಇರುತ್ತಾರೆ. ಇಲ್ಲೊಬ್ಬ ಯುವತಿ ತನ್ನ ಸ್ನೇಹಿತೆಯ ಮಾಜಿ ಬಾಯ್ಫ್ರೆಂಡ್ ಹೆಸರಿನಲ್ಲಿ ಸ್ನೇಹಿತೆಗೇ ಮೋಸ ಮಾಡಿ ಹಣ ಪೀಕಿದ್ದಾಳೆ.
ಬೆಂಗಳೂರಿನಲ್ಲಿ ತನ್ನ ಗಂಡನ ಜತೆ ಸುಖಸಂಸಾರ ನಡೆಸುತ್ತಿರುವ ಮಹಿಳೆಯೊಬ್ಬಳು ಮದುವೆಗೂ ಮೊದಲು ಯುವಕನೊಬ್ಬನನ್ನು ಪ್ರೀತಿಸಿದ್ದಳು. ಈ ವಿಚಾರ ತಿಳಿದಿದ್ದ ಆಕೆಯ ಸ್ನೇಹಿತೆ ಅರ್ಪಣಾ, ಹಣಕ್ಕಾಗಿ ಒಂದು ಮಾಸ್ಟರ್ ಪ್ಲಾನ್ ಮಾಡಿದ್ದಾಳೆ. ಎರಡು ವರ್ಷಗಳ ಹಿಂದೆ ತನ್ನ ಸ್ನೇಹಿತೆಗೆ ಅನ್ನೌನ್ ನಂಬರ್ನಿಂದ ಮಾಜಿ ಬಾಯ್ಫ್ರೆಂಡ್ ಹೆಸರಿನಲ್ಲಿ ಮೆಸೇಜ್ ಮಾಡಿದ್ದಾಳೆ. ಅದಾಗಲೇ ಮದುವೆಯಾಗಿದ್ದ ಆಕೆ ಹೆಚ್ಚು ತಲೆ ಕೆಡಿಸಿಕೊಳ್ಳದೆ, ಮಾಮೂಲಿ ಮಾತನ್ನಾಡಿದ್ದಾಳೆ. ಇದಾದ ಕೆಲ ದಿನಗಳ ಬಳಿಕ ಅರ್ಪಣಾ ಆಕೆಗೆ ಮೆಸೇಜ್ ಮಾಡಿದ್ದಾಳೆ. ‘ನೀನು ನಿನ್ನ ಮಾಜಿ ಬಾಯ್ಫ್ರೆಂಡ್ ಜತೆ ಮಾತಾಡುತ್ತಿದ್ದೀಯಾ? ನಾನು ಕೂಡ ಅವನನ್ನು ಪ್ರೀತಿಸಿದ್ದೆ’ ಎಂದು ಹೇಳಿ ತಮ್ಮ ಸ್ನೇಹವನ್ನು ಗಟ್ಟಿ ಮಾಡಿಕೊಂಡಿದ್ದಾಳೆ.
ಇದನ್ನೂ ಓದಿ: ಅರ್ಜುನ್ ಟ್ಯಾಂಕ್ನಲ್ಲಿ ಪ್ರಧಾನಿ ಸವಾರಿ – ಸುಧಾರಿತ ಸ್ವದೇಶಿ ಟ್ಯಾಂಕ್ ಆರ್ಡರ್ ನಿರೀಕ್ಷೆಯಲ್ಲಿದೆ ಡಿಆರ್ಡಿಒ
ಇದೆಲ್ಲ ಹೀಗೆ ನಡೆಯುತ್ತಿರುವಾಗ ಅರ್ಪಣಾ, ತನ್ನ ಸ್ನೇಹಿತೆಗೆ ಆಕೆಯ ಬಾಯ್ಫ್ರೆಂಡ್ ಹೆಸರಿನಲ್ಲಿ ಬ್ಲಾಕ್ಮೇಲ್ ಮಾಡಲು ಆರಂಭಿಸಿದ್ದಾಳೆ. ನಿನ್ನ ಖಾಸಗಿ ಫೋಟೋಗಳು ನನ್ನ ಬಳಿ ಇವೆ. ನನಗೆ ಹಣ ಕೊಡು. ಇಲ್ಲದಿದ್ದರೆ ಈ ಫೋಟೋಗಳನ್ನು ಸೋಶಿಯಲ್ ಮೀಡಿಯಾಗಳಲ್ಲಿ ಹಾಕಿಬಿಡುತ್ತೇನೆ. ನಿನ್ನ ಗಂಡ, ಅಪ್ಪ ಅಮ್ಮನಿಗೂ ಕಳುಹಿಸಿಕೊಡುತ್ತೇನೆ ಎಂದು ಹೆದರಿಸಿದ್ದಾಳೆ. ನನಗೆ ಕೊಡಬೇಕಾದ ಹಣವನ್ನು ನಿನ್ನ ಸ್ನೇಹಿತೆ ಅರ್ಪಣಾ ಅಕೌಂಟ್ಗೆ ಹಾಕು ಎಂದೂ ಹೇಳಿದ್ದಾಳೆ. ಯಾವುದೋ ಅಶ್ಲೀಲ ಫೋಟೋಗಳಿಗೆ ಸ್ನೇಹಿತೆಯ ಫೋಟೋವನ್ನು ಎಡಿಟ್ ಮಾಡಿ ಅವಳಿಗೆ ಕಳುಹಿಸಿಕೊಟ್ಟಿದ್ದಾಳೆ ಕೂಡ.
ಇದನ್ನೂ ಓದಿ: ಸಿಡ್ನಿ ಮೈದಾನದಲ್ಲಿ ಅಭ್ಯಾಸ ಆರಂಭಿಸಿದ ಟೀಮ್ ಇಂಡಿಯಾ ಆಟಗಾರರು
ತನ್ನ ಹಳೆಯ ಬಾಯ್ಫ್ರೆಂಡ್ ಬಳಿ ನನ್ನ ಖಾಸಗಿ ಫೋಟೊಗಳಿವೆ ಎಂದು ಹೆದರಿದ ಮಹಿಳೆ, ಅರ್ಪಣಾ ಬ್ಯಾಂಕ್ ಖಾತೆಗೆ ಹಣ ಹಾಕಿದ್ದಾಳೆ. ಇದೇ ರೀತಿಯಲ್ಲಿ ಎರಡು ವರ್ಷಗಳ ಕಾಲ ಬ್ಲಾಕ್ಮೇಲ್ ಮಾಡಿದ್ದು, 1.25 ಕೋಟಿ ರೂಪಾಯಿ ಹಣವನ್ನು ಅಪರ್ಣಾ ಖಾತೆಗೆ ವರ್ಗಾಯಿಸಿಕೊಳ್ಳಲಾಗಿದೆ. ಆದರೆ ಇತ್ತೀಚೆಗೆ ಮತ್ತೊಮ್ಮೆ 15 ಲಕ್ಷ ಹಾಕುವಂತೆ ಕೇಳಿ ಮೆಸೇಜ್ ಮಾಡಿದ್ದಾಗ, ಮಹಿಳೆ ಖಿನ್ನತೆಗೆ ತೆರಳಿದ್ದಾಳೆ.
ತನ್ನ ಪತ್ನಿಗೆ ಆಗುತ್ತಿರುವ ಮೋಸದ ಬಗ್ಗೆ ಆಕೆಯಿಂದ ಮಾಹಿತಿ ಪಡೆದ ಪತಿ ಪೊಲೀಸ್ ದೂರು ನೀಡಿದ್ದಾನೆ. ವೈಟ್ ಫೀಲ್ಡ್ನ ಪೊಲೀಸ್ ಅಧಿಕಾರಿಗಳು ತನಿಖೆ ನಡೆಸಿದಾಗ ಅರ್ಪಣಾಳ ನಿಜ ರೂಪ ಬಯಲಾಗಿದೆ. (ದಿಗ್ವಿಜಯ ನ್ಯೂಸ್)
15 ವರ್ಷದ ಹಿಂದೆ ಕಾಣೆಯಾಗಿದ್ದ ಪೊಲೀಸ್ ಅಧಿಕಾರಿ ಭಿಕ್ಷುಕನಾಗಿ ರಸ್ತೆಯಲ್ಲಿ ಸಿಕ್ಕಿದ
ಅಪ್ಪನನ್ನು ಅರೆಸ್ಟ್ ಮಾಡಬೇಡಿ ಪೊಲೀಸ್ ಗಾಡಿಗೇ ತಲೆ ಚಚ್ಚಿಕೊಂಡ ಮಗಳು; ಮಗಳ ಪ್ರೀತಿಗೆ ಕರಗಿದ ಸಿಎಂ ಯೋಗಿ