ನವದೆಹಲಿ: ದೊಡ್ಡವರಿಂದಾಗಿ ಚಿಕ್ಕವರಿಗೆ ಉದ್ಯೋಗಾವಕಾಶ ಸಿಗುವುದನ್ನು ಸಾಮಾನ್ಯವಾಗಿ ಕೇಳಿರುತ್ತೇವೆ. ಆದರೆ ಇಲ್ಲೊಂದು ಕಡೆ ಅಂಬೆಗಾಲಿಡುವ ಮಗನಿಂದಾಗಿ ಅಮ್ಮನಿಗೆ ಜಾಬ್ ಆಫರ್ ಸಿಕ್ಕಿದೆ ಎಂದರೂ ಅಚ್ಚರಿ ಏನಲ್ಲ. ಏಕೆಂದರೆ ಇಲ್ಲೊಬ್ಬಳು ಮಹಿಳೆ ತಾನು ಸಂದರ್ಶನಕ್ಕೆ ಹೋಗುವಾಗ ಪುಟ್ಟಪೋರನನ್ನೂ ತನ್ನೊಂದಿಗೆ ಕರೆದೊಯ್ದಿದ್ದು, ಆತನ ಬಯೋಡೇಟಾ ಉದ್ಯೋಗದಾತರ ಗಮನ ಸೆಳೆದಿದ್ದಲ್ಲದೆ, ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ ನೆಟ್ಟಿಗರ ಮೆಚ್ಚುಗೆಗೂ ಪಾತ್ರವಾಗಿದೆ.
ಯುಎಸ್ನ ಸೇಂಟ್ ಲೂಯಿಸ್ನ ಮ್ಯಾಗೀ ಎಂಬಾಕೆ ಕರೊನಾ ಸಾಂಕ್ರಾಮಿಕ ಪಿಡುಗಿನಿಂದಾಗಿ ಉದ್ಯೋಗ ಕಳೆದುಕೊಂಡಿದ್ದು, ಇನ್ನೊಂದೆಡೆಗೆ ಕೆಲಸಕ್ಕಾಗಿ ಅರ್ಜಿ ಸಲ್ಲಿಸಿದ್ದಳು. ಆದರೆ ಅಲ್ಲಿಂದ ಸಂದರ್ಶನಕ್ಕಾಗಿ ಕರೆ ಬಂದಾಗ, ಅಂಬೆಗಾಲಿಡುವ ಮಗನನ್ನು ಮನೆಯಲ್ಲಿ ನೋಡಿಕೊಳ್ಳುವವರು ಯಾರೂ ಇಲ್ಲದಿದ್ದಾಗ, ಆತನನ್ನೂ ಇಂಟರ್ವ್ಯೂಗೆ ಕರೆದೊಯ್ದಿದ್ದಾಳೆ.
ಇದನ್ನೂ ಓದಿ: ನೀವು ಡುಮ್ಮಗಿದ್ದೀರಾ?; ಹಾಗಿದ್ದರೆ ಇದನ್ನು ಬಾಯಲ್ಲಿಟ್ಟುಕೊಂಡರೆ ಸಾಕು, ಸಣ್ಣಗಾಗುತ್ತೀರಿ..!
ವಿಶೇಷ ಎಂದರೆ, ಪುಟ್ಟ ಮಗನನ್ನೂ ಉದ್ಯೋಗಾಕಾಂಕ್ಷಿಯ ಥರ ಡ್ರೆಸ್ ಮಾಡಿಸಿಕೊಂಡಿದ್ದಲ್ಲದೆ, ಆತನ ಕೈಯಲ್ಲೇ ಅವನ ಕುರಿತ ಒಂದು ಬಯೋಡೇಟಾ ಕೊಟ್ಟುಕೊಂಡು ಕರೆದೊಯ್ದಿದ್ದಾಳೆ. ಕೆಲಸಕ್ಕಾಗಿ ಅಲ್ಲ, ಆದರೆ ಸ್ನ್ಯಾಕ್ಸ್ ಎಲ್ಲ ಖಾಲಿ ಮಾಡಲು.. ಎಂದು ಆರಂಭವಾಗಿರುವ ಈ ರೆಸ್ಯೂಮ್ನಲ್ಲಿ, ನೀಟಾಗಿರುವ ಸ್ಥಳವನ್ನು 30 ಸೆಕೆಂಡ್ನಲ್ಲಿ ಕೆಡಿಸಿಬಿಡುತ್ತೇನೆ. ಡಯಾಪರನ್ನೂ ಸ್ವತಃ ತೆಗೆಯುತ್ತೇನೆ, ಬಾಲನ್ನು ಎಸೆಯಬಲ್ಲೆ, ನಾಯಿಯನ್ನು ದೂರದಿಂದಲೇ ಗುರುತಿಸಬಲ್ಲೆ ಎಂಬೆಲ್ಲ ಕೌಶಲ ಇದೆ ಎಂಬುದನ್ನು ಹೇಳಲಾಗಿದೆ. ಅಂದಹಾಗೆ ಈತನಿಗೆ ಅನುಭವವಿಲ್ಲ, ಇನ್ನೂ ಮಾಮ್ ಆ್ಯಂಡ್ ಡ್ಯಾಡ್ ಯುನಿವರ್ಸಿಟಿಯಲ್ಲಿ ಕಲಿಯುತ್ತಿದ್ದಾನೆ ಎಂದೂ ಇದರಲ್ಲಿ ಬರೆಯಲಾಗಿದೆ. ಹೀಗೆ ತನ್ನೊಂದಿಗೆ ಮಗನನ್ನೂ ಇಂಟರ್ವ್ಯೂಗೆ ಕರೆದೊಯ್ಯಲು ಸಜ್ಜುಗೊಳಿಸುತ್ತಿರುವ ವಿಡಿಯೋವೊಂದನ್ನು ಈಕೆ ಹಂಚಿಕೊಂಡಿದ್ದಾಳೆ. ಇದು ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಗಮನ ಸೆಳೆದಿದ್ದು, ವೈರಲ್ ಆಗಿದೆ. ಜತೆಗೆ ಜಾಬ್ ಆಫರ್ ಸಿಕ್ಕಿದೆ ಎಂಬುದನ್ನೂ ಕೂಡ ಆಕೆ ಹೇಳಿಕೊಂಡಿದ್ದಾಳೆ. (ಏಜೆನ್ಸೀಸ್)
ಮನೆಯೊಳಗೇ ಮಕ್ಕಳಿಬ್ಬರ ಅನುಮಾನಾಸ್ಪದ ಸಾವು!: ಹದಿಹರೆಯದ ಪುತ್ರ-ಪುತ್ರಿ ಇನ್ನಿಲ್ಲ..
ಒಂದೇ ಮಾವಿನ ಮರದಲ್ಲಿ 121 ಬಗೆಯ ಹಣ್ಣುಗಳು!; ಅಚ್ಚರಿ ಮೂಡಿಸುತ್ತಿದೆ 15 ವರ್ಷಗಳ ಈ ಮರ..