64 ರೂಪಾಯಿಯ ಷೇರು 90ಕ್ಕೆ ತಲುಪಲಿದೆ: ಹೀಗೆಂದು ಬ್ರೋಕರೇಜ್​ ಸಂಸ್ಥೆ ಹೇಳಿದ್ದೇಕೆ?

ಮುಂಬೈ: ಐಆರ್‌ಬಿ ಇನ್‌ಫ್ರಾಸ್ಟ್ರಕ್ಚರ್ ಡೆವಲಪರ್ಸ್ (IRB Infrastructure Developers) ಷೇರು ಬೆಲೆ 64.35 ರೂಪಾಯಿ ತಲುಪಿದೆ. ಈ ಷೇರು ಬೆಲೆ 90 ರೂ. ತಲುಲಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಬ್ರೋಕರೇಜ್ ಸಂಸ್ಥೆಯಾದ ವೆಂಚುರಾ ಸೆಕ್ಯುರಿಟೀಸ್ ಪ್ರಕಾರ, ಈ ಷೇರಿನ ಬೆಲೆ 94 ರೂಪಾಯಿ ಮುಟ್ಟಲಿದೆ. ವೆಂಚುರಾ ಕೆಲವು ತಿಂಗಳ ಹಿಂದೆ ಈ ಸ್ಟಾಕ್ ಅನ್ನು ಖರೀದಿಸಲು ಶಿಫಾರಸು ಮಾಡಿತ್ತು. .

"ನಾವು IRB ಇನ್ಫ್ರಾಸ್ಟ್ರಕ್ಚರ್ ಡೆವಲಪರ್ಸ್ ಲಿಮಿಟೆಡ್‌ ಕುರಿತು ಅಕ್ಟೋಬರ್ 14, 2022 ರಿಂದ ನಾವು ಹೇಳಲು ಶುರು ಮಾಡಿದ್ದೇವೆ. ಅಂದಿನಿಂದ ಈ ಸ್ಟಾಕ್ 67.4% ರಷ್ಟು ಹೆಚ್ಚಾಗಿದೆ. ಚಾಲ್ತಿಯಲ್ಲಿರುವ ಯೋಜನೆಗಳಿಂದ ಕಂಪನಿಯ ಹೆಚ್ಚಿದ ನಗದು ಹರಿವು ಮತ್ತು ಖಾಸಗಿ ಹೂಡಿಕೆಗಳಿಂದ ಬಲವಾದ ಒಳಹರಿವು ಇದಕ್ಕೆ ಕಾರಣವಾಗಿದೆ.

ಸಾಕಷ್ಟು ವ್ಯಾಪಾರ ಬೆಳವಣಿಗೆಯನ್ನು ಪರಿಗಣಿಸಿ, ನಾವು ಷೇರಿನ ಗುರಿ ಬೆಲೆಯನ್ನು ರೂ 94.5 ನಲ್ಲಿ ಇರಿಸಿದ್ದೇವೆ. ಅಂದಾಜು 2 ವರ್ಷಗಳ ಅವಧಿಗೆ ಈ ಗುರಿ ಇತ್ತು. ಇದರೊಂದಿಗೆ ಷೇರುಗಳನ್ನು ಖರೀದಿಸುವಂತೆ ಸೂಚಿಸಲಾಗಿದೆ ಎಂದು ವೆಂಚುರಾ ಸೆಕ್ಯುರಿಟೀಸ್ ಹೇಳಿದೆ.

ಆದರೆ, ಇನ್ನೊಂದು ಬ್ರೋಕರೇಜ್ ಸಂಸ್ಥೆ ಮೋತಿಲಾಲ್ ಓಸ್ವಾಲ್ ಈ ಸ್ಟಾಕ್‌ನಲ್ಲಿ ತಟಸ್ಥವಾಗಿದೆ. ಇತ್ತೀಚೆಗೆ, ಬ್ರೋಕರೇಜ್ ತಟಸ್ಥ ರೇಟಿಂಗ್ ಹೊಂದಿರುವ ಷೇರಿಗೆ ರೂ 60 ಗುರಿ ಬೆಲೆಯನ್ನು ನಿಗದಿಪಡಿಸಿದೆ.

ಐಆರ್​ಬಿ ಇನ್ಫ್ರಾಸ್ಟ್ರಕ್ಚರ್ ಡೆವಲಪರ್‌ಗಳ ಷೇರುದಾರರು 34.39 ಪ್ರತಿಶತ ಪಾಲನ್ನು ಪ್ರವರ್ತಕರು ಹೊಂದಿದ್ದಾರೆ. ಇದಲ್ಲದೆ, 65.61 ರಷ್ಟು ಪಾಲನ್ನು ಸಾರ್ವಜನಿಕ ಷೇರುದಾರರು ಹೊಂದಿದ್ದಾರೆ. ಐಆರ್‌ಬಿ ಇನ್‌ಫ್ರಾಸ್ಟ್ರಕ್ಚರ್ ಡೆವಲಪರ್‌ಗಳ 5 ಪ್ರವರ್ತಕರು ಒಟ್ಟು 6,83,02,930 ಷೇರುಗಳನ್ನು ಹೊಂದಿದ್ದಾರೆ. ಇದರ ಪ್ರಮುಖ ಪ್ರವರ್ತಕ ವೀರೇಂದ್ರ ದತ್ತಾತ್ರೇಯ ಮ್ಹೈಸ್ಕರ್ 5,06,39,850 ಷೇರುಗಳನ್ನು ಹೊಂದಿದ್ದಾರೆ.

ಕಂಪನಿಯು 540 ಮಿಲಿಯನ್ ಡಾಲರ್​ ಸಂಗ್ರಹಿಸುತ್ತದೆ. ಏತನ್ಮಧ್ಯೆ, IRB ಇನ್ಫ್ರಾಸ್ಟ್ರಕ್ಚರ್ ಡೆವಲಪರ್ಸ್ ಲಿಮಿಟೆಡ್ ಸೆಕ್ಯೂರ್​ಡ್​ ನೋಟ್ಸ್​ಗಳ ನೋಟುಗಳ ಮೂಲಕ 540 ಮಿಲಿಯನ್ ಡಾಲರ್ ಸಂಗ್ರಹಿಸಿದೆ. ಹೂಡಿಕೆದಾರರಿಂದ 2 ಶತಕೋಟಿ ಡಾಲರ್​ಗೂ ಅಧಿಕ ಮೌಲ್ಯದ ಆರ್ಡರ್‌ಗಳನ್ನು ಸ್ವೀಕರಿಸಲಾಗಿದೆ.

ಜಾಗತಿಕ ಹೂಡಿಕೆದಾರರು ನಮ್ಮ ವ್ಯವಹಾರದಲ್ಲಿ ವಿಶ್ವಾಸವನ್ನು ತೋರಿಸಿದ್ದಾರೆ. ರಸ್ತೆಗಳು ಮತ್ತು ಹೆದ್ದಾರಿಗಳ ವಲಯದಲ್ಲಿ ನಮ್ಮ ಸುದೀರ್ಘ ದಾಖಲೆಯನ್ನು ಒಪ್ಪಿಕೊಂಡಿದ್ದಾರೆ ಎಂದು ಐಆರ್‌ಬಿ ಇನ್‌ಫ್ರಾಸ್ಟ್ರಕ್ಚರ್ ಡೆವಲಪರ್ಸ್​ ಎಂಡಿ ವೀರೇಂದ್ರ ಮ್ಹೈಸ್ಕರ್ ಹೇಳಿದ್ದಾರೆ.

https://www.vijayavani.net/rs-5-49-crore-fine-to-paytm-payments-bank-for-illegal-activities

https://www.vijayavani.net/1-lakh-became-2-lakh-in-a-single-month-of-february-100-gainer-stocks-hit-upper-circuit-again

https://www.vijayavani.net/pvc-aadhar-card-more-secure-heres-how-to-get-it-for-just-rs-50