ಕೀವ್: ರಷ್ಯಾ ಮತ್ತು ಯೂಕ್ರೇನ್ ನಡುವಿನ ಯುದ್ಧದಲ್ಲಿ ನೂರಾರು ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ರಷ್ಯಾ ದಾಳಿಗೆ ಯೂಕ್ರೇನ್ ಅಕ್ಷರಶಃ ತತ್ತರಿಸುತ್ತಿದ್ದು, ನಾಗರಿಕರಲ್ಲಿ ಆತಂಕ ಮಡುಗಟ್ಟಿದೆ. ಇಂತಹ ಭಯದ ವಾತವರಣದಲ್ಲೂ ಯೂಕ್ರೇನ್ನಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಯುವ ಜೋಡಿ, ಮದ್ವೆಯಾದ ಮರುದಿನವೇ ಗನ್ ಹಿಡಿದು ದೇಶ ರಕ್ಷಣೆಗೆ ನಿಂತಿದೆ.
ಯೂಕ್ರೇನ್ ರಾಜಧಾನಿ ಕೀವ್‌ನಲ್ಲಿ ರಷ್ಯಾ ಪಡೆ ಗುಂಡಿನ ದಾಳಿ ನಡೆಸುತ್ತಿದ್ದರೂ ಕೀವ್ ಸಿಟಿ ಕೌನ್ಸಿಲ್‌ನ ಡೆಪ್ಯೂಟಿ ಆಗಿರುವ 21 ವರ್ಷದ ಅರಿವಾ, ಸಾಫ್ಟ್‌ವೇರ್‌ ಇಂಜಿನಿಯರ್ 24 ವರ್ಷದ ಫರ್ಸಿನ್ ಅವರು ನಿನ್ನೆ ಮದ್ವೆಯಾಗಿದ್ದರು. ಮರುದಿನವೇ ಕೈಯಲ್ಲಿ ಗನ್ ಹಿಡಿದು ಎದುರಾಳಿಗಳ ವಿರುದ್ಧ ಹೋರಾಡಲು ಮುಂದಾಗಿ ಈ ಜೋಡಿ ನಿಂತಿದೆ.
ಅರಿವಾ ಮತ್ತು ಫರ್ಸಿನ್ ಮದುವೆ ಎಲ್ಲವೂ ಅಂದುಕೊಂಡಂತೆ ಇದ್ದಿದ್ದರೆ ಮೇ ತಿಂಗಳಲ್ಲಿ ರೆಸ್ಟೋರೆಂಟ್ವೊಂದರ ಟೆರೇಸ್ ಮೇಲೆ ಅದ್ದೂರಿಯಾಗಿ ನೆರವೇರಬೇಕಿತ್ತು. ಆದರೆ, ಈಗಿನ ಪರಿಸ್ಥಿತಿಯಲ್ಲಿ ಏನಾಗುತ್ತೋ ಏನೋ ಆತಂಕಗೊಂಡ ಜೋಡಿ ಮದುವೆ ಆಗಿ ತಮ್ಮ ಬಹು ದಿನಗಳ ಮದ್ವೆ ಕನಸನ್ನು ನನಸಾಗಿಸಿಕೊಂಡಿದೆ. ಇದೀಗ ಗನ್ ಹಿಡಿದು ಹೋರಾಟಕ್ಕೂ ನಿಂತಿದೆ. ಯೂಕ್ರೇನ್ ರಕ್ಷಣೆಗೋಸ್ಕರ ಹೋರಾಡಲು ಮುಂದಾಗುವ ಪ್ರತಿಯೊಬ್ಬರಿಗೂ ಆಯುಧ ನೀಡುವುದಾಗಿ ಯೂಕ್ರೇನ್ ಅಧ್ಯಕ್ಷ ಘೋಷಣೆ ಮಾಡಿದ್ದಾರೆ. ಹೀಗಾಗಿ, ಸ್ವಯಂ ಪ್ರೇರಿತರಾಗಿ ಅಲ್ಲಿನ ಜನ ದೇಶದ ರಕ್ಷಣೆಗೆ ಮುಂದಾಗಿದ್ದಾರೆ.
ಸೀಮಂತ ಕಾರ್ಯಕ್ರಮ ವೇಳೆ ಅಡುಗೆ ಸಿಲಿಂಡರ್ ಸ್ಫೋಟ: ನಾಲ್ವರ ಸಾವು, 19 ಜನರ ಸ್ಥಿತಿ ಗಂಭೀರ
ಪತ್ನಿ ನಾಪತ್ತೆ, ಗಂಡನ ಫೇಸ್ಬುಕ್ನಲ್ಲಿ ಶ್ರದ್ಧಾಂಜಲಿ ಪೋಸ್ಟ್! ಅಬ್ಬಬ್ಬಾ ದೊಡ್ಡಬಳ್ಳಾಪುರದಲ್ಲಿ ಇದೆಂಥಾ ಹೈಡ್ರಾಮ?