ಕಲಘಟಗಿ: ತಾಲೂಕಿನ ಮಲಕನಕೊಪ್ಪ ಗ್ರಾಮದ ಬಳಿಯ ರಾಜ್ಯ ಹೆದ್ದಾರಿ ನಡು ರಸ್ತೆಯಲ್ಲಿರುವ ಬೇಡ್ತಿ ನಾಲಾ ಪೈಪ್ಲೈನ್ ಕಾಮಗಾರಿ ಸ್ಥಳದಲ್ಲಿರುವ ರಸ್ತೆ ಕುಸಿದು ಲಾರಿ ಸಿಲುಕಿಕೊಂಡಿದೆ.
ಕಟ್ಟಿಗೆ ತುಂಬಿಕೊಂಡ ಲಾರಿಯೊಂದು ತಡಸ ಕಡೆಯಿಂದ ಹಳಿಯಾಳಕ್ಕೆ ಹೋಗುವಾಗ ಮಾರ್ಗ ಮಧ್ಯದಲ್ಲಿನ ಮಲಕನಕೊಪ್ಪ ಹತ್ತಿರ ನಡುರಸ್ತೆಯಲ್ಲಿ ಅಡ್ಡಲಾಗಿ ನಿರ್ವಿುಸಿರುವ ಬೇಡ್ತಿ ನಾಲಾ ಕಾಮಗಾರಿ ಪೈಪ್ಲೈನ್ ಹಾದು ಹೋಗಿದೆ. ಅತಿಯಾದ ಮಳೆಗೆ ಲಾರಿ ಟಯರ್ಗಳು ರಸ್ತೆ ಮೇಲೆ ಕುಸಿದು ಸಿಲುಕಿಕೊಂಡಿದೆ. ಈ ರಸ್ತೆಯಲ್ಲಿ ಸಣ್ಣ ಪುಟ್ಟ ವಾಹನ ಬಿಟ್ಟರೆ ಬಸ್ ಹಾಗೂ ಭಾರೀ ವಾಹನಗಳ ಸಂಚಾರ ಸ್ಥಗಿತಗೊಂಡಿವೆ.
ಸಂಬಂಧಪಟ್ಟ ಅಧಿಕಾರಿಗಳು ಇದರತ್ತ ಗಮನಹರಿಸಿ ಪೈಪ್ಲೈನ್ ಕಾಮಗಾರಿ ನಡೆಸಿದ ಸ್ಥಳದಲ್ಲಿ ರಸ್ತೆ ದುರಸ್ತಿ ಮಾಡಬೇಕು ಎಂಬುದು ವಾಹನ ಸವಾರರು ಹಾಗೂ ಗ್ರಾಮಸ್ಥರ ಒತ್ತಾಯವಾಗಿದೆ.