ಗುವಾಹಟಿ: ಮಹಾರಾಷ್ಟ್ರ ಸರ್ಕಾರವನ್ನು ಇಕ್ಕಟ್ಟಿಗೆ ಸಿಲುಕಿರುವ ರೆಬೆಲ್ ಶಾಸಕರು ಉಳಿದುಕೊಂಡಿರುವ ಹೋಟೆಲ್ ಹಾಗೂ ಈವರೆಗೆ ಆಗಿರುವ ವೆಚ್ಚದ ಬಗ್ಗೆ ಮಾಹಿತಿ ಬಹಿರಂಗವಾಗಿದೆ.
ಸೂರತ್ನಿಂದ ಗುವಾಹಟಿಗೆ ತೆರಳಿರುವ ರೆಬೆಲ್ ಶಾಸಕರ ಗುವಾಹಟಿಯ ಐಷಾರಾಮಿ ಹೋಟೆಲ್ನಲ್ಲಿ ಉಳಿದುಕೊಂಡಿರುವುದು ಗೊತ್ತಿರುವ ವಿಚಾರವೇ, ಆದರೆ ಈ ಹೋಟೆಲ್ನಲ್ಲಿ ಈವರೆಗೆ ಆಗಿರುವ ವೆಚ್ಚದ ಬಗ್ಗೆ ಕೇಳಿದ್ರೇ ನಿಜಕ್ಕೂ ಬೆರಗಾಗ್ತೀರಾ.
ಒಟ್ಟು 70 ಕೊಠಡಿಗಳಲ್ಲಿ ರೆಬೆಲ್ ಶಾಸಕರಿದ್ದು, ಕೇವಲ 7 ದಿನಕ್ಕೆ 56 ಲಕ್ಷ ರೂ. ಖರ್ಚಾಗಿದ್ದು, ಇತರೆ ವೆಚ್ಚ 8 ಲಕ್ಷ ರೂ. ಸೇರಿ ಒಟ್ಟು 64 ಲಕ್ಷ ರೂ. ವೆಚ್ಚಾಗಿದೆ ಎನ್ನಲಾಗಿದೆ.ಶಾಸಕರು ಹಾಗೂ ಅವರ ಜತೆಗೆ ಆಗಮಿಸುವವರಿಗೂ ಸೇರಿ ಬರೋಬ್ಬರಿ 70 ಕೊಠಡಿಗಳನ್ನು ಇಲ್ಲಿ ಬುಕ್ ಮಾಡಲಾಗಿದೆ. ಇದು ಕೇವಲ ಹೋಟೆಲ್ ವೆಚ್ಚವಾದರೆ, ಅವರ ಪ್ರಯಾಣ ವೆಚ್ಚ ಬೇರೆಯೇ ಇದೆ.
ಸದ್ಯ ರೆಬೆಲ್ ನಾಯಕ ಏಕನಾಥ್ ಶಿಂಧೆ ಅವರೊಂದಿಗೆ 40 ಶಾಸಕರಿದ್ದು, ಸ್ವತಂತ್ರ ಅಭ್ಯರ್ಥಿಗಳು ಕೂಡ ಇವರಿಗೆ ಬೆಂಬಲ ಸೂಚಿಸುತ್ತಿದ್ದಾರೆ. ಇತ್ತ ಶಿವಸೇನೆ ಎನ್ಸಿಪಿ ಜತೆಗಿನ ಮೈತ್ರಿ ಮುರಿದುಬೀಳುವ ಹಂತದಲ್ಲಿದ್ದು, ಸದ್ಯ ಸರ್ಕಾರ ಪತನಕ್ಕೆ ಕ್ಷಣಗಣನೆ ಆರಂಭವಾಗಿದೆ. (ಏಜೆನ್ಸೀಸ್)