ಹಾವೇರಿ: ಕರೊನಾ ಸೋಂಕಿಗೆ ಒಂದು ತಿಂಗಳ ಬಾಣಂತಿ ಬಲಿಯಾಗಿದ್ದು, ವಿಷಯ ತಿಳಿಯುತ್ತಿದ್ದಂತೆ ಕಂಗೆಟ್ಟ ಪತಿ ವಿಷ ಕುಡಿದು ಆಸ್ಪತ್ರೆ ಆವರಣದಲ್ಲಿ ಒದ್ದಾಡಿದ ಹೃದಯ ವಿದ್ರಾವಕ ಘಟನೆ ಹಾವೇರಿ ಜಿಲ್ಲಾಸ್ಪತ್ರೆಯಲ್ಲಿ ಶುಕ್ರವಾರ ಬೆಳಗ್ಗೆ ಸಂಭವಿಸಿದೆ.
ಬ್ಯಾಡಗಿ ತಾಲೂಕಿನ ಸತೀಶ್ ವಿಷ ಸೇವಿಸಿದವ. ಸತೀಶ್ರ ಪತ್ನಿಗೆ ತಿಂಗಳ ಹಿಂದೆ ಹೆರಿಗೆ ಆಗಿತ್ತು. ಮಗು ಬದುಕಲಿಲ್ಲ. ಇದಾದ ಬಳಿಕ ಅನಾರೋಗ್ಯಕ್ಕೀಡಾಗಿದ್ದ ಬಾಣಂತಿಗೆ ಕರೊನಾ ಸೋಂಕು ಇರುವುದು ಗೊತ್ತಾಗಿ ಆಸ್ಪತ್ರೆಗೆ ಸೇರಿಸಿದ್ದರು. ನಿನ್ನೆ(ಗುರುವಾರ) ರಾತ್ರಿ ಬಾಣಂತಿ ಮೃತಪಟ್ಟಿದ್ದಾಳೆ. ಇತ್ತ ಮಗುವೂ ಇಲ್ಲಾ, ಅತ್ತ ಪತ್ನಿಯೂ ಉಳಿಯಲಿಲ್ಲ… ತೀವ್ರ ಆಘಾತಗೊಂಡ ಸತೀಶ್, ಹೆಂಡತಿ-ಮಗು ಇಲ್ಲದೇ ಜೀವನ ನನಗ್ಯಾಕೆ ಎಂದು ವಿಷ ಕುಡಿದು ಪತ್ನಿಯ ಮೃತದೇಹ ನೋಡಲು ಆಸ್ಪತ್ರೆಗೆ ಬಂದಿದ್ದ.
ಈ ವೇಳೆ ಸಂಬಂಧಿಕರಿಗೆ ನಾನು ಸಾಯುತ್ತಿದ್ದೇನೆ. ನನ್ನ ಪತ್ನಿಯ ಜತೆ ನನ್ನ ಚಿತೆಗೂ ಬೆಂಕಿ ಇಡಬೇಕು. ಇದೇ ನನ್ನ ಕೊನೆಯಾಸೆ ಎಂದು ಸತೀಶ್ ಹೇಳಿದ್ದ. ಬಹುಶಃ ನೋವಿನಿಂದ ಈ ಮಾತು ಹೇಳುತ್ತಿರಬಹುದು ಎಂದು ಸಂಬಂಧಿಕರು ಸುಮ್ಮನಾಗಿದ್ದರು. ಆದರೆ. ಆಸ್ಪತ್ರೆ ಆವರಣದಲ್ಲಿ ಬಿದ್ದು ಒದ್ದಾಡುತ್ತಾ ಪ್ರಜ್ಞಾಹೀನ ಸ್ಥಿತಿಗೆ ತಲುಪಿದಾಗ ಕೂಡಲೇ ಆತನನ್ನು ಸಂಬಂಧಿಕರು ಆಸ್ಪತ್ರೆಗೆ ಹೊತ್ತೊಯ್ದರು. ವೈದ್ಯರು ಚಿಕಿತ್ಸೆ ನೀಡುತ್ತಿದ್ದಾರೆ. (ದಿಗ್ವಿಜಯ ನ್ಯೂಸ್)
ಗಂಡನಿದ್ದರೂ ಪರಪುರುಷನೊಂದಿಗೆ 2 ಮಕ್ಕಳ ತಾಯಿ ಕಾಮದಾಟ! ತಡರಾತ್ರಿ ನಡೆದೇ ಹೋಯ್ತು ಭೀಕರ ದುರಂತ
ಮಗನ ಸಾವಿನ ಸುದ್ದಿ ಕೇಳಿ ಸ್ಥಳದಲ್ಲೇ ಪ್ರಾಣಬಿಟ್ಟ ತಂದೆ-ತಾಯಿ! 2 ದಿನ ಸತ್ಯ ಬಚ್ಚಿಟ್ಟರೂ ಬದುಕಲಿಲ್ಲ ಹೆತ್ತವರು
ಬೆಳ್ಳಂಬೆಳಗ್ಗೆ ಅಣ್ಣಮ್ಮ ದೇವಿ ದರ್ಶನ ಪಡೆದ ಸಿಎಂ, ಕಂಪ್ಲೀಟ್ ಲಾಕ್ಡೌನ್ ಸುಳಿವು ಕೊಟ್ಟೇಬಿಟ್ರು