ನವದೆಹಲಿ : ದೇಶದ ಮೆಡಿಕಲ್ ಆಕ್ಸಿಜನ್ ಕೊರತೆಯನ್ನು ನೀಗಿಸುವ ನಿಟ್ಟಿನಲ್ಲಿ ಭಾರತೀಯ ನೌಕಾ ಪಡೆಯು ಆಪರೇಷನ್ ಸಮುದ್ರ ಸೇತು-2 ಆರಂಭಿಸಿದೆ. ಅನ್ಯಾನ್ಯ ರಾಷ್ಟ್ರಗಳಿಂದ ನೌಕಾ ಪಡೆಯ ಏಳು ಹಡಗುಗಳು ತುಂಬಿದ ಆಕ್ಸಿಜನ್ ಟ್ಯಾಂಕ್ಗಳೊಂದಿಗೆ ಇತರ ವೈದ್ಯಕೀಯ ಅಗತ್ಯಗಳನ್ನೂ ಹೊತ್ತು ತರಲಿವೆ.
ಸಮುದ್ರ ಸೇತು 2 ಆಪರೇಷನ್ನ ಅಂಗವಾಗಿ, ಏಳು ನೌಕಾ ಪಡೆಯ ಹಡಗುಗಳು – ಐಎನ್ಎಸ್ ಕೊಲ್ಕತ, ಐಎನ್ಎಸ್ ಕೊಚಿ, ಐಎನ್ಎಸ್ ತಲ್ವಾರ್, ಐಎನ್ಎಸ್ ತಬರ್, ಐಎನ್ಎಸ್ ತ್ರಿಕಾಂಡ್, ಐಎನ್ಎಸ್ ಜಲಶ್ವ ಮತ್ತು ಐಎನ್ಎಸ್ ಐರಾವತ್ಗಳನ್ನು ಮೆಡಿಕಲ್ ಆಕ್ಸಿಜನ್ ತುಂಬಿದ ಕ್ರಯೋಜೆನಿಕ್ ಕಂಟೇನರ್ಗಳನ್ನು ಮತ್ತು ಸಂಬಂಧಿತ ವೈದ್ಯಕೀಯ ಉಪಕರಣಗಳನ್ನು ತರಲು ನಿಯೋಜಿಸಲಾಗಿದೆ ಎಂದು ನೇವಿ ಟ್ವಿಟರ್ ಮೂಲಕ ತಿಳಿಸಿದೆ.
ಇದನ್ನೂ ಓದಿ: ಪ್ರತಿದಿನ 1 ಲಕ್ಷ ರೋಗಿಗಳಿಗೆ ಉಚಿತವಾಗಿ ಪ್ರಾಣವಾಯು ಒದಗಿಸುತ್ತಿರುವ ರಿಲಯನ್ಸ್ ಇಂಡಸ್ಟ್ರೀಸ್
ಈಗಾಗಲೇ ಐಎನ್ಎಸ್ ತಲ್ವಾರ್ 40 ಎಂಟಿ ಲಿಖ್ವಿಡ್ ಮೆಡಿಕಲ್ ಆಕ್ಸಿಜನ್ (ಎಲ್ಎಂಒ) ವನ್ನು ಬಹ್ರೇನ್ನಲ್ಲಿ ಲೋಡ್ ಮಾಡಿಕೊಂಡಿದ್ದು, ಭಾರತಕ್ಕೆ ಹಿಂತಿರುಗುತ್ತಿದೆ. ಐಎನ್ಎಸ್ ಕೊಲ್ಕತ ದೋಹ, ಕತಾರ್ಗೆ ವೈದ್ಯಕೀಯ ಅಗತ್ಯಗಳನ್ನು ಪಡೆದು ಮತ್ತೆ ಕುವೈತ್ನಲ್ಲಿ ಎಲ್ಎಂಒ ಟ್ಯಾಂಕ್ಗಳನ್ನು ಪಡೆಯಲು ಪ್ರಯಾಣ ಬೆಳೆಸಲಿದೆ. ಐಎನ್ಎಸ್ ಐರಾವತ್ ಆಕ್ಸಿಜನ್ ಟ್ಯಾಂಕ್ಗಳನ್ನು ಪಡೆಯಲು ಸಿಂಗಪೂರ್ ಪ್ರವೇಶಿಸುತ್ತಿದೆ ಎನ್ನಲಾಗಿದೆ. (ಏಜೆನ್ಸೀಸ್)