ಸತತ 17 ದಿನಗಳ ಕಾಲ ಹಗಲು ರಾತ್ರಿ ಎನ್ನದೆ ನಿರಂತರವಾಗಿ ರಕ್ಷಣಾ ಕಾರ್ಯಾದಲ್ಲಿ ತೊಡಗಿದ ಎಲ್ಲ ರಕ್ಷಣಾ ಪಡೆಗಳ ಶ್ರಮಕ್ಕೆ ಇಂದು ಫಲ ಸಿಕ್ಕಿದೆ. 17 ದಿನಗಳಿಂದ ಕತ್ತಲೆ ಕೂಪದಲ್ಲಿ, ಜೀವವನ್ನು ಕೈಯಲ್ಲಿ ಹಿಡಿದುಕೊಂಡು ಬೆಳಕಿಗಾಗಿ ಪರಿತಪಿಸುತ್ತಾ, ನೆಚ್ಚಿನ ದೇವರಲ್ಲಿ ಇನ್ನೊಂದು ಅವಕಾಶಕ್ಕಾಗಿ ಬೇಡಿಕೊಳ್ಳುತ್ತಿದ್ದ ಕಾರ್ಮಿಕರ ಬೇಡಿಕೆ ಇಂದು ಫಲಿಸಿದೆ. ಅಲ್ಲದೆ, ಸುರಂಗದಲ್ಲಿ ತಮ್ಮ ಕುಟುಂಬದ ಸದಸ್ಯನೊಬ್ಬ ಸಿಲುಕಿಕೊಂಡು, ಸರಿಯಾದ ಊಟ, ನಿದ್ರೆ ಇಲ್ಲದೆ, ಪ್ರತಿಕ್ಷಣ ಸಾವಿನ ಜತೆ ಹೋರಾಡುತ್ತಾ ಇರುವುದನ್ನು ಕಂಡು, ಅವರಿಗಾಗಿ ಮರುಗಿ, ಪ್ರತಿದಿನ ಅವರ ಬರುವಿಕೆಗಾಗಿ ದೇವರ ಬಳಿ ನಿತ್ಯವೂ ಬೇಡಿಕೊಳ್ಳುತ್ತಿದ್ದ ಕುಟುಂಬದವರ ಪ್ರಾರ್ಥನೆಯೂ ಸಹ ಇಂದು ಫಲಿಸಿದೆ. ಸರ್ಕಾರದ ಸಕಾಲ ನೆರವಿಗೂ ಒಂದು ಬೆಲೆ ಬಂದಿದೆ.
