ಬೆಂಗಳೂರು: ಚೀನಾದಲ್ಲಿ ಮಹಾಮಾರಿಯಾಗಿ ಕಾಡಿದ ಕೊರೊನಾ ವೈರಸ್ ಭಾರತಕ್ಕೆ ಕಾಲಿಟ್ಟು ಎರಡು ಜೀವಗಳನ್ನು ಬಲಿ ತೆಗೆದುಕೊಂಡಿದೆ. ದೇಶದಲ್ಲಿ 43 ಜನರಲ್ಲಿ ಕೊರೊನಾ ವೈರಸ್ ಇರುವುದು ಧೃಡವಾಗಿದ್ದು ವೈರಸ್ನ ಭಯ ಹೆಚ್ಚಾಗಿದೆ. ವೈರಸ್ ಇದೆಯೋ ಇಲ್ಲವೋ ಎಂದು ತಪಾಸಣೆ ನಡೆಸಲು ದೇಶದಲ್ಲಿ 52 ಕೇಂದ್ರಗಳನ್ನು ಗುರುತಿಸಲಾಗಿದೆ.
ಪ್ರತಿ ರಾಜ್ಯದಲ್ಲಿಯೂ ಕೊರೊನಾ ತಪಾಸಣೆಗೆ ಕೇಂದ್ರಗಳನ್ನು ಗುರುತಿಸಲಾಗಿದೆ. ಅದರಲ್ಲಿ ಕರ್ನಾಟಕದಲ್ಲಿ ಅತಿ ಹೆಚ್ಚು ಎನ್ನುವಂತೆ ಒಟ್ಟು ಐದು ಕೇಂದ್ರಗಳನ್ನು ಗುರುತಿಸಲಾಗಿದೆ.
1) ಬೆಂಗಳೂರು ಮೆಡಿಕಲ್ ಕಾಲೇಜು ಮತ್ತು ರಿಸರ್ಚ್ ಇನ್ಸ್ಟಿಟ್ಯೂಟ್, ಬೆಂಗಳೂರು
2) ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿ ಫೀಲ್ಡ್ ಯುನಿಟ್, ಬೆಂಗಳೂರು
3) ಮೈಸೂರು ಮೆಡಿಕಲ್ ಕಾಲೇಜು ಮತ್ತು ರಿಸರ್ಚ್ ಸೆಂಟರ್, ಮೈಸೂರು
4) ಹಾಸನ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್, ಹಾಸನ
5) ಶಿಮೊಗ್ಗ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್, ಶಿವಮೊಗ್ಗ
ಉಳಿದಂತೆ ಆಂಧ್ರಪ್ರದೇಶದಲ್ಲಿ 3, ಅಂಡಮಾನ್ ನಿಕೋಬಾರ್ನಲ್ಲಿ 1, ಅಸ್ಸಾಂನಲ್ಲಿ 2, ಬಿಹಾರ್ನಲ್ಲಿ 1, ಚಂಡೀಗಢನಲ್ಲಿ 1, ಛತ್ತೀಸ್ಗಢನಲ್ಲಿ 1, ದೆಹಲಿಯಲ್ಲಿ 3, ಹರಿಯಾಣದಲ್ಲಿ 1, ಹಿಮಾಚಲ ಪ್ರದೇಶದಲ್ಲಿ 2, ಜಮ್ಮು ಕಾಶ್ಮೀರದಲ್ಲಿ 2, ಜಾರ್ಖಂಡ್ನಲ್ಲಿ 1, ಕೇರಳದಲ್ಲಿ 3, ಮಧ್ಯಪ್ರದೇಶದಲ್ಲಿ 2, ಮೇಘಾಲಯದಲ್ಲಿ 1, ಮಹಾರಾಷ್ಟ್ರದಲ್ಲಿ 2, ಮಣಿಪುರದಲ್ಲಿ 1, ಒಡಿಶಾದಲ್ಲಿ 1, ಪುದುಚೆರಿಯಲ್ಲಿ 1, ಪಂಜಾಬ್ನಲ್ಲಿ 2, ರಾಜಸ್ಥಾನದಲ್ಲಿ 4, ತಮಿಳುನಾಡಿನಲ್ಲಿ 2, ತ್ರಿಪುರಾದಲ್ಲಿ 1, ತೆಲಂಗಾಣದಲ್ಲಿ 1, ಉತ್ತರ ಪ್ರದೇಶದಲ್ಲಿ 3, ಉತ್ತರಖಾಂಡದಲ್ಲಿ 1, ಪಶ್ಚಿಮ ಬಂಗಾಳದಲ್ಲಿ 2 ಕೇಂದ್ರಗಳನ್ನು ಗುರುತಿಸಲಾಗಿದೆ.
ಒಂದು ವೇಳೆ ಯಾರಿಗಾದರೂ ಕೊರೊನಾ ಗುಣ ಲಕ್ಷಣಗಳು ಕಂಡು ಬಂದಲ್ಲಿ ಈ ಕೇಂದ್ರಗಳಿಗೆ ಹೋಗಿ ತಪಾಸಣೆ ನಡೆಸಿಕೊಳ್ಳಬಹುದಾಗಿದೆ. (ಏಜೆನ್ಸೀಸ್)
ಕೇರಳದಲ್ಲಿ ಮೂರು ವರ್ಷದ ಮಗುವಿನಲ್ಲಿ ಕೊರೊನಾ ಸೋಂಕು; ಪ್ರತ್ಯೇಕ ವಾರ್ಡ್ನಲ್ಲಿಟ್ಟು ಚಿಕಿತ್ಸೆ
ಕೇರಳದಲ್ಲಿ ಕಾಡುತ್ತಿರುವ ಕಾಯಿಲೆಗಳು ಒಂದಾ, ಎರಡಾ..; ಕೊರೊನಾ, ಹಕ್ಕಿಜ್ವರ ಬಳಿಕ ಈಗ ಇನ್ನೊಂದು ರೋಗಕ್ಕೆ ಮಹಿಳೆ ಬಲಿ