ಚಿಕ್ಕಮಗಳೂರು ಪ್ರೆಸ್ ಕ್ಲಬ್ ನಲ್ಲಿ ಪ್ರಕಾಶ್ ರಾಜ್ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿ, ಲೋಕಸಭೆ ಚುನಾವಣೆಯಲ್ಲಿ 400 ಸೀಟು ಗೆಲ್ಲುತ್ತೇವೆ ಎಂದು 420 ಮಂದಿ ಹೇಳುತ್ತಾರೆ. ಹಾಗೆ ಹೇಳುವ ರಾಜಕೀಯ ಪಕ್ಷ ಕಾಂಗ್ರೆಸ್ ಇರಬಹುದು, ಇನ್ನೊಂದು ಪಕ್ಷ ಇರಬಹುದು. ಹಾಗೆ ಹೇಳುವುದು ದುರಹಂಕಾರವಾಗುತ್ತದೆ. ಪ್ರಜಾಪ್ರಭುತ್ವದಲ್ಲಿ ಒಂದೇ ಪಕ್ಷ 400ಕ್ಕಿಂತ ಹೆಚ್ಚು ಸ್ಥಾನಗಳನ್ನು ಗೆಲ್ಲಲು ಸಾಧ್ಯವಿಲ್ಲ. ಜನರು ಮತ ಹಾಕಿದರೆ ಮಾತ್ರ ಅಭ್ಯರ್ಥಿ ಗೆಲ್ಲುತ್ತಾರೆ. ಹೀಗೊಂದು ರಾಜಕೀಯ ಪಕ್ಷ, ಆ ಪಕ್ಷದ ನಾಯಕ ತನ್ನ ಪಕ್ಷ ಇಷ್ಟು ಸ್ಥಾನ ಗೆಲ್ಲುತ್ತದೆ ಎಂದು ಹೇಗೆ ಹೇಳುತ್ತಾನೆ. ಇದನ್ನು ದುರಹಂಕಾರ ಎನ್ನುತ್ತಾರೆ' ಎಂದು ಪ್ರಕಾಶ್ ರಾಜ್ ವಾಗ್ದಾಳಿ ನಡೆಸಿದರು.
