ಇಲ್ಲಿ ಕುರಿಗಳ ಶಿಸ್ತುಬದ್ಧ ನಡಿಗೆ ನೆಟ್ಟಿಗರನ್ನು ಚಕಿತಗೊಳಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
400ಕ್ಕೂ ಹೆಚ್ಚು ಕುರಿಗಳ ಹಿಂಡು ಶಿಸ್ತುಬದ್ಧವಾಗಿ, ತರಬೇತಿ ಪಡೆದ ಸೈನಿಕರಂತೆ ನೇರ ಸಾಲಿನಲ್ಲಿ ನಡೆದು ಹೋಗುವುದನ್ನು ಕಂಡು ನೆಟ್ಟಿಗರು ಬೆರಗಾಗಿದ್ದಾರೆ.
ಈ ಕುರಿ ಹಿಂಡು ಬಯಲಲ್ಲಿ ಮೇಯ್ದು ಮನೆಗೆ ಹಿಂದಿರುಗುವಾಗ ಈ ರೀತಿ ಶಿಸ್ತು ಪಾಲಿಸುತ್ತ ಮನೆಗೆ ತೆರಳುತ್ತಿವೆ. ಇಂತಹ ವಿಡಿಯೋ ಚೀನಾದ ಈಶಾನ್ಯ ಭಾಗದಲ್ಲಿ ಅಪ್ಲೋಡ್ ಮಾಡಲಾಗಿದೆ.
ಈ ಕರುಗಳನ್ನು ಅಷ್ಟು ಶಿಸ್ತಿನಲ್ಲಿ ತರಬೇತಿ ನೀಡಲಾಗಿದೆ. ಮಾತ್ರವಲ್ಲ ಈ ನನ್ನ ಕುರಿಗಳು ಮಾತ್ರ ಇಷ್ಟು ಶಿಸ್ತು ಕಲಿತಿರುವುದು ಎನ್ನುತ್ತಾನೆ ಕುರಿಗಾಹಿ ನೈ ಎಂಬಾತ.
ಇವು ಪ್ರತಿದಿನ ಸಂಜೆ ಮನೆಗೆ ಹೋಗುವಾಗ ಹೀಗೆ ಶಿಸ್ತು ಪಾಲಿಸುತ್ತವೆ. ಅಷ್ಟೇ ಅಲ್ಲ, ಈ ಪ್ರತಿಯೊಂದು ಸಾಲಿಗೂ ಒಬ್ಬ ಲೀಡರ್ ಕುರಿ ಇದ್ದಾನೆ. ಆ ಲೀಡರ್ನ್ನು ಉಳಿದ ಕುರಿಗಳು ಹಿಂಬಾಲಿಸುತ್ತವೆ ಎನ್ನುತ್ತಾರೆ ನೈ.
ಈ ವಿಡಿಯೋವನ್ನು 6.5 ಮಿಲಿಯನ್ ಬಾರಿ ವೀಕ್ಷಿಸಲಾಗಿದೆ. ಈತ ಚೀನಾ ಮತ್ತು ರಷ್ಯಾದ ಗಡಿಭಾಗದಲ್ಲಿರುವ ಕಿಕಿಹಾರ್ ಎಂಬ ಪ್ರದೇಶದ ನಿವಾಸಿಯಾಗಿದ್ದಾನೆ.
ನನ್ನ ಕುರಿಗಳು ಸಾಲಿನಲ್ಲಿ ತೆರಳಲು ಸೂಕ್ತವಾಗಿ ಕಲಿತಿವೆ. ಇಲ್ಲಿನ ಪ್ರದೇಶದಲ್ಲಿ ಹಳ್ಳ ಕೊಳ್ಳಗಳಿವೆ. ಒಂದೇ ಬದಿಯಲ್ಲಿ ಹೀಗೆ ಸಾಗುವುದು ಪ್ರಾಣಿಗಳಿಗೆ ಸುಲಭ ಎನ್ನುತ್ತಾನೆ ನೈ.
ಅಲ್ಲದೆ ಪ್ರತಿಯೊಂದು ಕುರಿಗಳಿಗೂ ಆತ ಹೆಸರಿಟ್ಟಿದ್ದಾನೆ . ಆತ ಆ ಹೆಸರು ಕೂಗುತ್ತಿದ್ದಂತೆ ಆ ಕುರಿ ಈತನ ಹತ್ತಿರಕ್ಕೆ ಬರುತ್ತದೆ. ಇದನ್ನು ಕಂಡ ನೆಟ್ಟಿಗರು ಬಗೆಬಗೆಯ ರೀತಿ ಪ್ರತಿಕ್ರಿಯಿಸಿದ್ದಾರೆ.
ಒಬ್ಬರು “ಈ ಕುರಿಗಳು ಚಲಿಸುತ್ತಿರುವ ಮಟನ್ಗಳು” ಎಂದರೆ, ಇನ್ನೊಬ್ಬರು “ಈ ಕುರಿಗಳಿಗೆ ಎಷ್ಟು ಮ್ಯಾನರ್ಸ್ ಇದೆ” ಎಂದು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)