ಮುಂಬೈ: ನೋವಾ ಅಗ್ರಿಟೆಕ್ ಷೇರು ಮಾರುಕಟ್ಟೆಯಲ್ಲಿ ಜೋರಾಗಿಯೇ ಚೊಚ್ಚಲ ಪ್ರವೇಶ ಮಾಡಿದೆ. ಈ ಕಂಪನಿಯ ಷೇರುಗಳು ಭಾರಿ ಪ್ರೀಮಿಯಂನೊಂದಿಗೆ ಮಾರುಕಟ್ಟೆಯಲ್ಲಿ ಪಟ್ಟಿ ಮಾಡಿದ.
ನೋವಾ ಅಗ್ರಿಟೆಕ್ ಲಿಮಿಟೆಡ್ (Nova Agritech Ltd.) ಷೇರುಗಳು ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ (ಬಿಎಸ್‌ಇ) 36.59 ಶೇಕಡಾ ಪ್ರೀಮಿಯಂನೊಂದಿಗೆ 56 ರೂಪಾಯಿ ಬೆಲೆಯಲ್ಲಿ ಪಟ್ಟಿ ಮಾಡಲಾಗಿದೆ.
ನೋವಾ ಅಗ್ರಿಟೆಕ್ ಐಪಿಒ ಬೆಲೆ ಪಟ್ಟಿ 39 ರಿಂದ 41 ರೂಪಾಯಿ ಇತ್ತು. ಐಪಿಒದಲ್ಲಿ ಕಂಪನಿಯ ಷೇರುಗಳನ್ನು 41 ರೂ. ಬೆಲೆಯಲ್ಲಿ ನೋವಾ ಅಗ್ರಿಟೆಕ್ ಷೇರುಗಳನ್ನು ಹಂಚಿಕೆ ಮಾಡಿದೆ.
ದೊಡ್ಡ ಲಾಭಗಳೊಂದಿಗೆ ಪಟ್ಟಿ ಮಾಡಿದ ನಂತರ, ನೋವಾ ಅಗ್ರಿಟೆಕ್ ಷೇರುಗಳು ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ 5% ರ ಮೇಲಿನ ಸರ್ಕ್ಯೂಟ್‌ನಲ್ಲಿ ಇದ್ದವು. ಇಂಟ್ರಾ ಡೇ ವಹಿವಾಟಿನಲ್ಲಿ 58.29 ರೂಪಾಯಿ ತಲುಪಿದ್ದವು. ಇದೇ ಸಮಯದಲ್ಲಿ, ನ್ಯಾಷನಲ್ ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ ಕಂಪನಿಯ ಷೇರುಗಳು ಶೇಕಡಾ 5 ರ ಅಪ್ಪರ್ ಸರ್ಕ್ಯೂಟ್‌ನೊಂದಿಗೆ 57.75 ರೂ.ಗೆ ತಲುಪಿದ್ದವು.
ಜನವರಿ 23ರಿಂದ 25ರವರೆಗೆ ಚಂದಾದಾರಿಕೆಗೆ ಈ ಐಪಿಒ ತೆರೆದುಕೊಂಡಿತ್ತು. ಕಂಪನಿಯ ಸಾರ್ವಜನಿಕ ಷೇರು ವಿತರಣೆಯ ಒಟ್ಟು ಗಾತ್ರ 143.81 ಕೋಟಿ ರೂಪಾಯಿ ಆಗಿದೆ. ಚಿಲ್ಲರೆ ಹೂಡಿಕೆದಾರರು ಕಂಪನಿಯ ಈ ಐಪಿಒನಲ್ಲಿ ಕನಿಷ್ಠ 1 ಲಾಟ್ ಮತ್ತು ಗರಿಷ್ಠ 13 ಲಾಟ್‌ಗಳೊಂದಿಗೆ ಹೂಡಿಕೆ ಮಾಡಲು ಅವಕಾಶ ನೀಡಲಾಗಿತ್ತು ಈ ಐಪಿಒ 113 ಪಟ್ಟು ಚಂದಾದಾರಿಕೆಯಾಗಿತ್ತು. ಅಂದರೆ, ಐಪಿಒ ಮಾರಾಟಕ್ಕಿರುವ ಷೇರುಗಳಿಗಿಂತಲೂ 113 ಪಟ್ಟು ಹೆಚ್ಚು ಬೇಡಿಕೆ ಬಂದಿತ್ತು.
ಕೃಷಿ ಸಂಬಂಧಿ ಉತ್ಪನ್ನಗಳ ತಯಾರಕ ಕಂಪನಿಯಾಗಿರುವ ನೋವಾ ಅಗ್ರಿಟೆಕ್ ಬೆಳೆ ರಕ್ಷಣೆ, ಬೆಳೆ ಪೋಷಣೆ ಮತ್ತು ಮಣ್ಣಿನ ಆರೋಗ್ಯ ನಿರ್ವಹಣೆಯಲ್ಲಿ ಪರಿಣತಿ ಹೊಂದಿದೆ.
ಈ ಷೇರು ಖರೀದಿಸಲು NSEಯಲ್ಲಿ ಸರತಿಸಾಲು: ಮಾರುವವರೇ ಇಲ್ಲ; ತಿಂಗಳಲ್ಲಿ ಸ್ಟಾಕ್ ಬೆಲೆ ದುಪಟ್ಟು