ನವದೆಹಲಿ: ಭಾರತ ಮತ್ತು ಪಾಕ್ ನಡುವಿನ ಗಡಿನಿಯಂತ್ರಣ ರೇಖೆಯನ್ನು (ಎಲ್ಒಸಿ) ದಾಟಿ ಭಾರತದೊಳಗೆ ನುಸುಳಿ ವಿಧ್ವಂಸಕ ಕೃತ್ಯ ಎಸಗಲು ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿರುವ (ಪಿಒಕೆ) ಲಾಂಚ್ಪ್ಯಾಡ್ಗಳಲ್ಲಿ 300 ಉಗ್ರರು ಕಾಯುತ್ತಿದ್ದಾರೆ ಎಂದು ಭಾರತೀಯ ಸೇನಾಪಡೆ ಹೇಳಿದೆ.
ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಮೇಜರ್ ಜನರಲ್ ವೀರೇಂದ್ರ ವತ್ಸ್ ಈ ವಿಷಯ ತಿಳಿಸಿದ್ದಾರೆ. ಇವರ ಪ್ರಕಾರ ಲಾಂಚ್ಪ್ಯಾಡ್ಗಳಲ್ಲಿ 250ರಿಂದ 300ಕ್ಕೂ ಹೆಚ್ಚು ಉಗ್ರರು ಭಾರತದೊಳಗೆ ನುಸಳಲು ಅವಕಾಶಕ್ಕಾಗಿ ಕಾದು ಕುಳಿತಿದ್ದಾರೆ.
ಗುಪ್ತಚರ ಮಾಹಿತಿ ಪ್ರಕಾರ ಪಿಒಕೆಯಲ್ಲಿರುವ ಲಾಂಚ್ಪ್ಯಾಡ್ಗಳು ಉಗ್ರರಿಂದ ತುಂಬಿ ತುಳುಕುತ್ತಿವೆ. ನಮ್ಮ ಅಂದಾಜಿನ ಪ್ರಕಾರ 250ರಿಂದ 300 ಉಗ್ರರು ಅಲ್ಲಿರಬಹುದು. ಪಾಕಿಸ್ತಾನದ ಸೇನಾಪಡೆ ನೆರವಿನಿಂದ ಇವರೆಲ್ಲರೂ ಭಾರತದೊಳಗೆ ನುಸುಳಲು ಸಜ್ಜಾಗಿ ನಿಂತಿದ್ದಾರೆ ಎಂದು ವಿವರಿಸಿದರು.
ಮೂವರು ಪುತ್ರಿಯರ ಮೇಲೆ ಅಪ್ಪನ ಅತ್ಯಾಚಾರಕ್ಕೆ ಸಹಕರಿಸಿದಾಕೆ ಸಿಗಲಿಲ್ಲ ಬೇಲ್!