ಮುಂಬೈ: ಸ್ಮಾಲ್-ಕ್ಯಾಪ್ ಕಂಪನಿಯಾಗಿರುವ ಕೊಲಾಬ್ ಕ್ಲೌಡ್ ಪ್ಲಾಟ್‌ಫಾರ್ಮ್ಸ್ ಲಿಮಿಟೆಡ್ (Colab Cloud Platforms Ltd.) ಐಟಿ ಉತ್ಪನ್ನ, ಸೇವೆಗಳನ್ನು ಒದಗಿಸುತ್ತದೆ. ಇದನ್ನು ಹಿಂದೆ ಜೆಎಸ್‌ಜಿ ಲೀಸಿಂಗ್ ಲಿಮಿಟೆಡ್ ಎಂದು ಕರೆಯಲಾಗುತ್ತಿತ್ತು, ಇದನ್ನು 1989 ರಲ್ಲಿ ಸ್ಥಾಪಿಸಲಾಯಿತು.
ಕಂಪನಿಯು ಕಂಪ್ಯೂಟರ್ ಹಾರ್ಡ್‌ವೇರ್, ಸಾಫ್ಟ್‌ವೇರ್ ಮತ್ತು ಷೇರುಗಳನ್ನು ನಿರ್ವಹಿಸುತ್ತದೆ ಮತ್ತು ಸೆಕ್ಯುರಿಟೀಸ್ ವ್ಯಾಪಾರ ವ್ಯವಹಾರ. ಸಂಸ್ಥೆಯಿಂದ 1:5 ಷೇರು ವಿಭಜನೆ ಮತ್ತು 1:1 ಬೋನಸ್ ಷೇರುಗಳ ದಾಖಲೆ ದಿನಾಂಕದ ಘೋಷಣೆಯು ಮಾರುಕಟ್ಟೆ ವೀಕ್ಷಕರು ತಮ್ಮ ಗಮನವನ್ನು ಸ್ಟಾಕ್ ಕಡೆಗೆ ತಿರುಗಿಸಲು ಕಾರಣವಾಗಿದೆ. 2024ರ ಜನವರಿಯಿಂದ ಇಲ್ಲಿಯವರೆಗೆ 170.49% ಹೆಚ್ಚಳವಾಗಿದೆ. ಈ ಮೂಲಕ ಇದು ಮಲ್ಟಿಬ್ಯಾಗರ್ ಸ್ಟಾಕ್ ಆಗಿ ಹೊರಹೊಮ್ಮಿದೆ.
ಕೊಲಾಬ್ ಕ್ಲೌಡ್ ಪ್ಲಾಟ್‌ಫಾರ್ಮ್‌ಗಳ ಸ್ಟಾಕ್ ಸ್ಪ್ಲಿಟ್ (ವಿಭಜನೆ)ಗೆ ರೆಕಾರ್ಡ್ ದಿನಾಂಕವನ್ನು ಪ್ರಕಟಿಸಿದೆ.
ರೆಕಾರ್ಡ್ ದಿನಾಂಕವನ್ನು ಮಂಗಳವಾರ, 19ನೇ ಮಾರ್ಚ್ 2024 ಕ್ಕೆ ಬದಲಾಯಿಸಿದೆ. ಕಂಪನಿಯ ಇಕ್ವಿಟಿ ಷೇರುಗಳನ್ನು 5 ಭಾಗಗಳಾಗಿ ವಿಭಜನೆ ಮಾಡಲಾಗುತ್ತಿದೆ. 10 ರೂಪಾಯಿ ಮುಖಬೆಲೆಯ ಷೇರುಗಳನ್ನು 2 ರೂ. ಮುಖಬೆಲೆಯ 5 ಷೇರುಗಳಾಗಿ ವಿಭಜಿಸಲಾಗುತ್ತಿದೆ.
ಇದೇ ಸಂದರ್ಭದಲ್ಲಿ ಕಂಪನಿಯು ಬೋನಸ್ ಷೇರುಗಳನ್ನು ನೀಡುತ್ತಿದೆ. ಒಂದು ಇಕ್ವಿಟಿ ಷೇರಿಗೆ ಒಂದು ಬೋನಸ್ ಷೇರು ನೀಡಲಾಗುತ್ತಿದೆ. ಈ ಉದ್ದೇಶಕ್ಕಾಗಿ ನಿರ್ದೇಶಕರ ಮಂಡಳಿಯು ಮಂಗಳವಾರ, 19ನೇ ಮಾರ್ಚ್ 2024 ಅನ್ನು ರೆಕಾರ್ಡ್ ದಿನಾಂಕವಾಗಿ ನಿಗದಿಪಡಿಸಿದೆ. ಐದು ಕೋಟಿ ಹತ್ತು ಲಕ್ಷ ಬೋನಸ್ ಷೇರುಗಳನ್ನು ವಿತರಿಸಲಿದೆ.
ಡಿಸೆಂಬರ್ 2023 ತ್ರೈಮಾಸಿಕದಲ್ಲಿ ಕಂಪನಿಯ ನಿವ್ವಳ ಲಾಭವು ರೂ. 0.88 ಕೋಟಿ ರೂ. ಇದೆ. ಕಳೆದ ವರ್ಷ ಇದೇ ತ್ರೈಮಾಸಿಕಕ್ಕೆ ಹೋಲಿಸಿದರೆ ಈ ಲಾಭವು 109.34% ಹೆಚ್ಚಾಗಿದೆ.
ಕಂಪನಿಯ ಷೇರು 2020 ರಲ್ಲಿ ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ ರೂ.15.28 ಕ್ಕೆ ಪಟ್ಟಿ ಮಾಡಲ್ಪಟ್ಟಿದೆ, ಪ್ರಸ್ತುತ 2024 ರಲ್ಲಿ, ಇದು ರೂ. 182ರ ಮಟ್ಟದಲ್ಲಿ ವಹಿವಾಟು ನಡೆಸುತ್ತಿದೆ. ಕಂಪನಿಯು 1:5 ಅನುಪಾತದಲ್ಲಿ ಷೇರು ವಿಭಜನೆಯನ್ನು ಘೋಷಿಸಿದ ನಂತರ ಹೂಡಿಕೆದಾರರ ಆಸಕ್ತಿಯನ್ನು ಮತ್ತೆ ಕೆರಳಿಸಿದೆ. ಗುರುವಾರ ಶೇ. 2ರಷ್ಟು ಏರಿಕೆಯಾಗಿ 182.40 ರೂಪಾಯಿ ತಲುಪಿದೆ. ಕಳೆದ 3 ತಿಂಗಳಲ್ಲಿ ಈ ಷೇರು ಬೆಲೆ 264.95% ಹೆಚ್ಚಳವಾಗಿದೆ. ಒಂದು ತಿಂಗಳಲ್ಲಿ 54.12% ಏರಿಕೆ ಕಂಡಿದೆ.
ಸಾರ್ವಕಾಲಿಕ ಗರಿಷ್ಠ ಮಟ್ಟ ಮುಟ್ಟಿ ಇತಿಹಾಸ ಸೃಷ್ಟಿಸಿದ ಚಿನ್ನದ ಬೆಲೆ, 72 ಸಾವಿರ ರೂ. ದಾಟಿದ ಬೆಳ್ಳಿ