ಆದಿಶಂಕರಾಚಾರ್ಯರ 12 ಅಡಿ ಪ್ರತಿಮೆ; ಕೆತ್ತನೆ ಮುಗಿಸಿದ ಮೈಸೂರು ಶಿಲ್ಪಿಗಳು

ಮೈಸೂರು : ಉತ್ತರಾಖಂಡದ ಕೇದಾರನಾಥದಲ್ಲಿ ಸ್ಥಾಪನೆಯಾಗಲಿರುವ 12 ಅಡಿ ಎತ್ತರದ ಆದಿಗುರು ಶ್ರೀ ಶಂಕರಾಚಾರ್ಯರ ಪ್ರತಿಮೆಯನ್ನು ಮೈಸೂರು ನಗರದ ಶಿಲ್ಪಿಗಳು ಸಿದ್ಧಗೊಳಿಸಿದ್ದಾರೆ. ಕಲಾವಿದ ಅರುಣ ಯೋಗಿರಾಜ್​ ಮತ್ತು ಅವರ 9 ಸಹಾಯಕರು ಕೆತ್ತಿರುವ ಈ ಪ್ರತಿಮೆಯನ್ನು ಜೂನ್ 17 ರಂದು ಟ್ರಕ್​ನಲ್ಲಿ ಕೇದಾರನಾಥಕ್ಕೆ ಸಾಗಿಸಲಾಗುವುದು.

ಕೇದಾರನಾಥದಲ್ಲಿರುವ ಶಂಕರಾಚಾರ್ಯರ ಸಮಾಧಿ ಸ್ಥಳದಲ್ಲಿ 'ಶ್ರೀ ಶಂಕರಾಚಾರ್ಯ ಅಧ್ಯಯನ ಪೀಠ ಮತ್ತು ಸಂಗ್ರಹಾಲಯ'ವನ್ನು ನಿರ್ಮಿಸಲು ಪ್ರಸ್ತಾವಿಸಲಾಗಿದೆ. ಈ ಸ್ಥಳದಲ್ಲಿ ಈ ಮೂರ್ತಿಯನ್ನು ಸ್ಥಾಪಿಸಲಾಗುವುದು. ಇದು ಪ್ರಧಾನಿ ನರೇಂದ್ರ ಮೋದಿ ಅವರ ಕನಸಿನ ಯೋಜನೆಯಾಗಿದ್ದು, ಕರ್ನಾಟಕದ ನಾಲ್ಕು ಆಸಕ್ತ ಶಿಲ್ಪಿಗಳಲ್ಲಿ ಯೋಗಿರಾಜ್​ ಅವರನ್ನು ಇದಕ್ಕಾಗಿ ಆಯ್ಕೆ ಮಾಡಲಾಗಿತ್ತು. ಸೆಪ್ಟೆಂಬರ್ 2020 ರಲ್ಲಿ ವರ್ಕ್​ ಆರ್ಡರ್​ ಬಂದ ಮೇಲೆ ಕೆತ್ತನೆ ಆರಂಭವಾಯಿತು ಎನ್ನಲಾಗಿದೆ.

ಇದನ್ನೂ ಓದಿ: ಗುಡ್ಡಗಾಡು ಪ್ರದೇಶಗಳಿಗೆ ಲಸಿಕೆ ತಲುಪಿಸಲು ಡ್ರೋನ್​

ಆದಿ ಶಂಕರಾಚಾರ್ಯರು ಪದ್ಮಾಸನದಲ್ಲಿ ಕುಳಿತಿರುವಂತೆ ಚಿತ್ರಿಸಲಾಗಿರುವ ಈ ಮೂರ್ತಿಯ ಕೆಲಸ, ಕಳೆದ 7 ತಿಂಗಳಿಂದ ನಡೆಯುತ್ತಿದೆ. ಬೇಲೂರು-ಹಳೇಬೀಡು ದೇವಾಲಯಗಳಲ್ಲಿ ಬಳಸಲಾಗಿರುವ ಕೃಷ್ಣಶಿಲೆಯನ್ನು ಬಳಸಿ ಈ ಮೂರ್ತಿಯನ್ನು ಕೆತ್ತಲಾಗಿದ್ದು, ಬಿಸಿಲು-ಮಳೆಗಳಿಂದ ಹಾನಿಯಾಗುವುದಿಲ್ಲ ಎನ್ನಲಾಗಿದೆ. (ಏಜೆನ್ಸೀಸ್)

https://www.vijayavani.net/mamata-banerji-weds-socialism-in-tamil-nadu/

https://www.vijayavani.net/video-shows-contractor-shamed-by-putting-garbage-on-head/