ಮುಂಬೈ: ದೇಶದ ಒಟ್ಟು ಸೋಂಕಿತರ ಪೈಕಿ 4,500ಕ್ಕೂ ಅಧಿಕ ಜನರಿಗೆ ದೆಹಲಿ ನಿಜಾಮುದ್ದೀನ್ ಮರ್ಕಜ್ನಲ್ಲಿ ನಡೆದ ತಬ್ಲಿಘಿ ಜಮಾತ್ನ ನಂಟಿದೆ ಅಥವಾ ಅಲ್ಲಿನ ಸೋಂಕಿತರಿಂದ ವೈರಸ್ ಅಂಟಿಸಿಕೊಂಡವರಾಗಿದ್ದಾರೆ. ವಿಶೇಷವೆಂದರೆ ಇವರಲ್ಲಿ ವಿದೇಶಿಯರು ಸೇರಿದ್ದಾರೆ.
ಇವರಿಂದಲೇ 17 ರಾಜ್ಯಗಳಿಗೆ ಸೋಂಕು ಪಸರಿಸುವಂತಾಯ್ತು. ಆರಂಭದಲ್ಲಿ ಇವರನ್ನು ನಿಯಂತ್ರಿಸುವುದು ಆಯಾ ರಾಜ್ಯಗಳಿಗೆ ಸವಾಲಾಗಿಯೇ ಪರಿಣಮಿಸಿತು. ಜತೆಗೆ, ದೆಹಲಿ ಕ್ವಾರಂಟೈನ್ ಕೇಂದ್ರಗಳಲ್ಲಿದ್ದವರು ಮೆರೆದ ವಿಕೃತಿಗಳಿಂದಾಗಿ ಇವರಿಗೆ ಚಿಕಿತ್ಸೆ ನೀಡಲು ವೈದ್ಯರೇ ಅಂಜಿಕೊಳ್ಳಬೇಕಾಯ್ತು.
ವಿವಿಧೆಡೆ ಕ್ವಾರಂಟೈನ್ಗಳಲ್ಲಿದ್ದು, ಸೋಂಕಿತರಾಗಿ ಗುಣಮುಖರಾದರಿಗೆ ಇದೀಗ ಕಾನೂನು ಕ್ರಮದ ಬಿಸಿ ತಟ್ಟುತ್ತಿದೆ. ಅದರಲ್ಲೂ ಮುಂಬೈ ಪೊಲೀಸರು ಇಂಡೋನೇಷ್ಯಾದ 10 ತಬ್ಲಿಘಿಗಳನ್ನು ಬಂಧಿಸಿ ಅವರ ವಿರುದ್ಧ ಕೊಲೆಯತ್ನದ ಕೇಸ್ ದಾಖಲಿಸಿದ್ದಾರೆ.
ದೆಹಲಿಯಿಂದ ಮಾ23ರಂದು ಮುಂಬೈಗೆ ಆಗಮಿಸಿದ್ದ ಈ ತಬ್ಲಿಘಿಗಳು ಲಾಕ್ಡೌನ್ ಆದೇಶ ಬಾಂದ್ರಾ ಹಾಗೂ ಧಾರಾವಿಯ ಮಸೀದಿಗಳಿಗೆ ಭೇಟಿ ನೀಡಿದ್ದರು. ಇವರನ್ನು ಬಾಂದ್ರಾದ ಕಟ್ಟಡವೊಂದರಲ್ಲಿ ಪತ್ತೆ ಹಚ್ಚಿ ಕ್ವಾರಂಟೈನ್ಗೆ ಗುರಿಪಡಿಸಲಾಗಿತ್ತು. ಇವರಲ್ಲಿ ಇಬ್ಬರು ಪುರುಷರಿಗೆ ಸೋಂಕು ಖಚಿತವಾಗಿತ್ತು. ಸೋಂಕು ಇಲ್ಲದ ಆರು ಮಹಿಳೆಯರು ಸೇರಿ 10 ಮಂದಿಯನ್ನು ವಶಕ್ಕೆ ಪಡೆದಿದ್ದರು.
ಬಾಂದ್ರಾದ ಪ್ಲ್ಯಾಟ್ನಲ್ಲಿ ಆಶ್ರಯ ಪಡೆಯುವುದಕ್ಕೂ ಮುಂಬೈನ ಮೂರು ಸ್ಥಳಗಳಿಗೆ ತೆರಳಿ ಧರ್ಮ ಪ್ರಚಾರ ಕಾರ್ಯದಲ್ಲಿ ತೊಡಗಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಇದೀಗ ಇವರಿಗೆ ಆಶ್ರಯ ಕಲ್ಪಿಸಿದ್ದ ವ್ಯಕ್ತಿಗಾಗಿ ಹುಡುಕಾಟ ನಡೆದಿದೆ. ಆರೋಪಿಗಳ ವಿರುದ್ಧ ಐಪಿಸಿ ಸೆಕ್ಷನ್ 304, 307, 188 ಹಾಗೂ ಸಾಂಕ್ರಾಮಿಕ ರೋಗ ತಡೆ ಕಾಯ್ದೆ ಅನ್ವಯ ಪ್ರಕರಣ ದಾಖಳಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಹಬ್ಬಕ್ಕೆ ಎನ್ನುವಂತೆ ಪ್ರತಿವರ್ಷವೂ ಬರುತ್ತಂತೆ ಕರೊನಾ; ಚೀನಾದಿಂದಲೇ ಬಂದಿದೆ ವಾರ್ನಿಂಗ್