ಬೆಂಗಳೂರು: ಷೇರು ಮಾರುಕಟ್ಟೆಯಲ್ಲಿ ನೇರವಾಗಿ ಹೂಡಿಕೆ ಮಾಡಬಯಸದವರು ಹಾಗೂ ಮಾರುಕಟ್ಟೆ ಏರಿಳಿತಗಳನ್ನು ಸತತವಾಗಿ ಗಮನಿಸುವ ಜಂಜಾಟದಿಂದ ದೂರ ಇರಬಯಸುವವರು ಕೂಡ ಮ್ಯೂಚುಯಲ್ ಫಂಡ್ಗಳಲ್ಲಿ ಹೂಡಿಕೆ ಮಾಡಿ ಸಾಕಷ್ಟು ಲಾಭ ಗಳಿಸಿಕೊಳ್ಳಬಹುದಾಗಿದೆ. ಈ ಫಂಡ್ಗಳಲ್ಲಿ ಸಿಪ್ (ಸಿಸ್ಟಮೆಟಿಕ್ ಇನ್ವೆಸ್ಟ್ಮೆಂಟ್ ಪ್ಲಾನ್- ಎಸ್ಐಪಿ) ಮೂಲಕ ಹಣ ತೊಡಗಿಸಬಹುದು. ಅಂದರೆ, ತಿಂಗಳಿಗೊಮ್ಮೆ ಅಥವಾ ತ್ರೈಮಾಸಿಕಕ್ಕೊಮ್ಮೆ ಇಲ್ಲವೇ ವರ್ಷಕ್ಕೊಮ್ಮೆ ನಿರ್ದಿಷ್ಟ ಹಣವನ್ನು ಈ ಫಂಡ್ಗಳಲ್ಲಿ ಮಾಡುವುದೇ ಸಿಪ್ ಆಗಿದೆ.
ಈಕ್ವಿಟಿ ಮ್ಯೂಚುಯಲ್ ಫಂಡ್ನಲ್ಲಿ ಹಣ ತೊಡಗಿಸುವವರು ತಮ್ಮ ಸಿಪ್ ಹೂಡಿಕೆಗಳಿಂದ ದೀರ್ಘಾವಧಿಯಲ್ಲಿ ‘ಯೋಗ್ಯ’ ಆದಾಯವನ್ನು ಗಳಿಸಲು ಸಾಧ್ಯವಾಗಬಹುದಾಗಿದೆ. ಈಕ್ವಿಟಿ ಮ್ಯೂಚುಯಲ್ ಫಂಡ್ಗಳು ಈಗಾಗಲೇ ಹೂಡಿಕೆದಾರರಿಗೆ ಎಷ್ಟು ಆದಾಯ ತಂದುಕೊಟ್ಟಿವೆ ಎಂಬುದನ್ನು ಪರಿಗಣಿಸಿ ಹೂಡಿಕೆ ಮಾಡುವುದು ಈ ನಿಟ್ಟಿನಲ್ಲಿ ಪ್ರಮುಖ ಲೆಕ್ಕಾಚಾರ.
ಹಲವು ಈಕ್ವಿಟಿ ಮ್ಯೂಚುಯಲ್ ಫಂಡ್ಗಳು ಕಳೆದ 10 ವರ್ಷಗಳಲ್ಲಿ ಶೇಕಡಾ 20ಕ್ಕೂ ಅಧಿಕ ಲಾಭವನ್ನು ಹೂಡಿಕೆದಾರರಿಗೆ ತಂದುಕೊಟ್ಟಿವೆ ಎನ್ನುವುದು ಅಚ್ಚರಿಯಾದರೂ ನೈಜ ಸಂಗತಿಯೇ ಆಗಿದೆ. ಅಂದರೆ, ಪ್ರತಿವರ್ಷ ಸರಾಸರಿ ಶೇಕಡಾ 20ಕ್ಕೂ ಅಧಿಕ ಲಾಭವನ್ನು ಇವು ನೀಡಿವೆ. ಸಿಪ್ ಹೂಡಿಕೆ ಮಾಡಿದವರಿಗೆ ಇಷ್ಟೊಂದು ಪ್ರಮಾಣದ ಲಾಭ ಈ ಫಂಡ್ಗಳಿಂದ ದೊರೆತಿದೆ. ಇಂತಹ 10 ಪ್ರಮುಖ ಫಂಡ್ಗಳ ಪಟ್ಟಿ ಇಲ್ಲಿದೆ. ಗಮನಾರ್ಹ ಸಂಗತಿ ಎಂದರೆ ಇವುಗಳಲ್ಲಿ ಬಹುತೇಕವುಗಳು ಸ್ಮಾಲ್ ಕ್ಯಾಪ್ ಫಂಡ್ಗಳಾಗಿವೆ.
ನಿಪ್ಪಾನ್ ಇಂಡಿಯಾ ಸ್ಮಾಲ್ ಕ್ಯಾಪ್ ಫಂಡ್ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ, 10 ವರ್ಷಗಳಲ್ಲಿ ಅಂದಾಜು 24.47% ಆದಾಯವನ್ನು ನೀಡಿದೆ. ಕ್ವಾಂಟ್ ಸ್ಮಾಲ್ ಕ್ಯಾಪ್ ಫಂಡ್ ಮತ್ತು ಕ್ವಾಂಟ್ ಟ್ಯಾಕ್ಸ್ ಪ್ಲಾನ್ ಮ್ಯೂಚುಯಲ್ ಫಂಡ್ಗಳು ಕ್ರಮವಾಗಿ 23.55% ಮತ್ತು 22.86% ಲಾಭ ತಂದುಕೊಟ್ಟಿವೆ. ಡಿಎಸ್ಪಿ ಸ್ಮಾಲ್ ಕ್ಯಾಪ್ ಫಂಡ್ 10 ವರ್ಷಗಳ ಅವಧಿಯಲ್ಲಿ ಅಂದಾಜು 20.18% ನಷ್ಟು ಆದಾಯ ನೀಡಿದೆ.
10 ವರ್ಷಗಳಲ್ಲಿ ವಾರ್ಷಿಕವಾಗಿ ಶೇಕಡಾ 20ಕ್ಕೂ ಅಧಿಕ ಲಾಭ ನೀಡಿರುವ ಇತರ ಮ್ಯೂಚುಯಲ್ ಫಂಡ್ಗಳೆಂದರೆ ಆ್ಯಕ್ಸಿಸ್ ಸ್ಮಾಲ್ ಕ್ಯಾಪ್ ಫಂಡ್ (21.39%); ಎಚ್ಡಿಎಫ್ಸಿ ಸ್ಮಾಲ್ ಕ್ಯಾಪ್ ಫಂಡ್ (20.71%); ಕೋಟಕ್ ಸ್ಮಾಲ್ ಕ್ಯಾಪ್ ಫಂಡ್ (20.26%); ಎಸ್ಬಿಐ ಸ್ಮಾಲ್ ಕ್ಯಾಪ್ ಫಂಡ್ (21.87%); ಕ್ವಾಂಟ್ ಮಿಡ್ ಕ್ಯಾಪ್ ಫಂಡ್ (20.51%); ಕ್ವಾಂಟ್ ಆ್ಯಕ್ಟಿವ್ ಫಂಡ್ (21.06%).
ಛತ್ತೀಸ್‌ಗಢದ ನೂತನ ಮುಖ್ಯಮಂತ್ರಿ ವಿಷ್ಣು ದೇವ್ ಸಾಯಿ: ಕೇಂದ್ರದ ಮಾಜಿ ಸಚಿವರಿಗೆ ಸಿಎಂ ಯೋಗ
ಕುಟುಂಬ ರಾಜಕಾರಣ ವಿರೋಧಿಸಿದ್ದ ಮಾಯಾವತಿ; ಸೋದರಳಿಯನನ್ನೇ ಈಗ ಉತ್ತರಾಧಿಕಾರಿಯಾಗಿ ಘೋಷಣೆ