ಹುಬ್ಬಳ್ಳಿ: ಪಾರ್ಟ್ ಟೈಮ್ ಬಿಸಿನೆಸ್ ಮೂಲಕ ಪ್ರತಿನಿತ್ಯ 1,000 ರೂ.ನಿಂದ 9,000 ರೂ.ವರೆಗೆ ಗಳಿಸಬಹುದು ಎಂದು ಧಾರವಾಡದ ಯುವಕನೊಬ್ಬನ ವಾಟ್ಸ್ ಆ್ಯಪ್ಗೆ ಸಂದೇಶ ಕಳುಹಿಸಿ, ಆತನಿಂದ 1,14,700 ರೂ. ವರ್ಗಾಯಿಸಿಕೊಂಡು ವಂಚಿಸಿದ್ದಾರೆ.
ಧಾರವಾಡದ ಮುಜಮಿಲ್ ಅಹಮ್ಮದ್ ಎಂಬುವರಿಗೆ ಜು.11ರಂದು ಅಪರಿಚಿತರು ವಾಟ್ಸ್ ಆ್ಯಪ್ ಮೂಲಕ ಸಂದೇಶ ಕಳುಹಿಸಿದ್ದರು. ಪಾರ್ಟ್ ಟೈಮ್ ವ್ಯವಹಾರದ ಮೂಲಕ ಪ್ರತಿದಿನ 1ರಿಂದ 9 ಸಾವಿರ ರೂ.ವರೆಗೆ ಗಳಿಸಬಹುದು ಎಂದು ತಿಳಿಸಿದ್ದರು. ಲಿಂಕ್ವೊಂದನ್ನು ಕಳುಹಿಸಿ ನೋಂದಾಯಿಸಿದ್ದರು. ನಂತರ 200 ರೂ. ಹೂಡಿಕೆ ಮಾಡಿಸಿಕೊಂಡು 396 ರೂ. ಲಾಭ ತೋರಿಸಿದ್ದರು. 10 ಸಾವಿರ ರೂ.ಗೆ 13,776 ರೂ. ಲಾಭ ತೋರಿಸಿದ್ದರು. ಹೀಗೆ ವಿವಿಧ ರೀತಿಯ ಟಾಸ್ಕ್ಗಳನ್ನು ನೀಡಿ ಹಂತ ಹಂತವಾಗಿ ಹಣ ಹೂಡಿಕೆ ಮಾಡಿಸಿಕೊಂಡಿದ್ದರು.
ಮತ್ತೊಂದು ನಂಬರ್ನಿಂದ ಕರೆ ಮಾಡಿ ಕೆಲಸ ಕೊಡುತ್ತೇವೆ ಎಂದು ವಿವಿಧ ಶುಲ್ಕದ ನೆಪದಲ್ಲಿ ಹಣ ವರ್ಗಾಯಿಸಿಕೊಂಡಿದ್ದಾರೆ. ಈ ಕುರಿತು ಸೈಬರ್ ಕೆಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.