ಬೆಂಗಳೂರು: ವಾಟ್ಸಾಪ್‌, ಫೇಸ್‌ಬುಕ್, ಟೆಲಿಗ್ರಾಮ್ ಅಥವಾ ಇನ್ಯಾವುದೇ ಆನ್ಲೈನ್ ವಿಧಾನದ ಮೂಲಕ ನಿಮಗೆ ಯಾವುದೇ ವಂಚನೆ ಸಂಭವಿಸಿದಲ್ಲಿ ಕೆಲವೇ ನಿಮಿಷಗಳಲ್ಲಿ ಸೈಬರ್ ಕ್ರೈಮ್ ಪೋರ್ಟಲ್‌ನಲ್ಲಿ ಅದರ ಬಗ್ಗೆ ದೂರು ನೀಡಬಹುದು. ಸಾಮಾನ್ಯ ಜನರನ್ನೂ ಹೊಸ ರೀತಿಯಲ್ಲಿ ಬಲೆಗೆ ಬೀಳಿಸುತ್ತಿರುವ ವಂಚಕರಿಂದ ನೀವು ವಂಚನೆಗೊಳಗಾಗಿದ್ದರೆ ರಾಷ್ಟ್ರೀಯ ಸೈಬರ್ ಕ್ರೈಮ್ ಪೋರ್ಟಲ್‌ನಲ್ಲಿ ನಿಮ್ಮ ದೂರನ್ನು ಹೇಗೆ ಸಲ್ಲಿಸಬಹುದು ಎಂಬುದನ್ನು ನಾವು ನಿಮಗೆ ಹೇಳಲಿದ್ದೇವೆ. ನೀವು ಈ ವಿಧಾನವನ್ನು ತಿಳಿದಿದ್ದರೂ ಸಹ, ಖಂಡಿತವಾಗಿಯೂ ಲೇಖನವನ್ನು ನಿಮ್ಮ ಕುಟುಂಬ ಮತ್ತು ಸ್ನೇಹಿತರ ಬಳಿ ಹಂಚಿಕೊಳ್ಳಿ. ಇದರಿಂದ ಅವರು ಅಗತ್ಯವಿರುವ ಸಮಯದಲ್ಲಿ ತಕ್ಷಣದ ಕ್ರಮವನ್ನು ತೆಗೆದುಕೊಳ್ಳಬಹುದು.
ನೀವು ಆನ್‌ಲೈನ್‌ನಲ್ಲಿ ದೂರು ಸಲ್ಲಿಸಲು ಸಾಧ್ಯವಾಗದಿದ್ದರೆ ಸಹಾಯವಾಣಿ ಸಂಖ್ಯೆ 1930 ಅನ್ನು ಸಂಪರ್ಕಿಸಿ ಅಥವಾ ನೀವು ಹತ್ತಿರದ ಪೊಲೀಸ್ ಠಾಣೆಗೆ ಹೋಗಿ ನಿಮ್ಮ ವರದಿಯನ್ನು ಸಲ್ಲಿಸಬಹುದು.
ಈ ರೀತಿ ದೂರು ದಾಖಲಿಸಿ
* ಆನ್ಲೈನ್ ವಂಚನೆಯ ದೂರನ್ನು ದಾಖಲಿಸಲು, ನೀವು ಮೊದಲು https://cybercrime.gov.in/ ವೆಬ್‌ಸೈಟ್‌ಗೆ ಹೋಗಬೇಕು.
* ಈಗ ಮುಖಪುಟಕ್ಕೆ ಬಂದು ಫೈಲ್ ಎ ಕಂಪ್ಲೆಂಟ್ ಕ್ಲಿಕ್ ಮಾಡಿ. ಎಲ್ಲಾ ನಿಯಮಗಳು ಮತ್ತು ಷರತ್ತುಗಳನ್ನು ಎಚ್ಚರಿಕೆಯಿಂದ ಓದಿ, ‘Report other cybercrime’ ಕ್ಲಿಕ್ ಮಾಡಿ.
* ಸಿಟಿಜನ್ ಲಾಗಿನ್ ಆಯ್ಕೆಯನ್ನು ಆಯ್ಕೆ ಮಾಡಿ. ಹೆಸರು, ಇಮೇಲ್, ಫೋನ್ ಸಂಖ್ಯೆ, ಇತ್ಯಾದಿ ಸೇರಿದಂತೆ ಅಗತ್ಯವಿರುವ ವಿವರಗಳನ್ನು ನೋಂದಾಯಿಸಿಕೊಳ್ಳಬೇಕು.
* ನಿಮ್ಮ ನೋಂದಾಯಿತ ಫೋನ್ ಸಂಖ್ಯೆಗೆ ಕಳುಹಿಸಿದ OTP ಅನ್ನು ನಮೂದಿಸಿ ಮತ್ತು ಕ್ಯಾಪ್ಚಾವನ್ನು ಭರ್ತಿ ಮಾಡಿ, ನಂತರ ಸಬ್ಮಿಟ್ ಬಟನ್ ಮೇಲೆ ಕ್ಲಿಕ್ ಮಾಡಿ.
* ಮುಂದಿನ ಪುಟದಲ್ಲಿ, ನೀವು ವರದಿ ಮಾಡಲು ಬಯಸುವ ಸೈಬರ್ ಅಪರಾಧದ ವಿವರಗಳನ್ನು ನಮೂನೆಯಲ್ಲಿ ನಮೂದಿಸಿ.
* ಫಾರ್ಮ್ ಅನ್ನು ನಾಲ್ಕು ಭಾಗಗಳಾಗಿ ವಿಂಗಡಿಸಲಾಗಿದೆ – ಸಾಮಾನ್ಯ ಮಾಹಿತಿ, ವಿಕ್ಟೀಮ್ ಮಾಹಿತಿ, ಸೈಬರ್ ಕ್ರೈಮ್ ಮಾಹಿತಿ ಮತ್ತು ಮುನ್ನೋಟ. ಪ್ರತಿ ವಿಭಾಗದಲ್ಲಿ ಎಲ್ಲಾ ಸಂಬಂಧಿತ ವಿವರಗಳನ್ನು ಭರ್ತಿ ಮಾಡಿ ಮತ್ತು ಅದು ಸರಿಯಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಲು ಭರ್ತಿ ಮಾಡಿದ ಮಾಹಿತಿಯನ್ನು ಪೂರ್ವವೀಕ್ಷಿಸಿ.
* ಮಾಹಿತಿಯನ್ನು ಪರಿಶೀಲಿಸಿದ ನಂತರ, ‘ಸಬ್ಮಿಟ್’ ಬಟನ್ ಕ್ಲಿಕ್ ಮಾಡಿ.
* ನಿಮ್ಮನ್ನು ಘಟನೆಯ ವಿವರಗಳ ಪುಟಕ್ಕೆ ನಿರ್ದೇಶಿಸಲಾಗುತ್ತದೆ. ಇಲ್ಲಿ, ಸ್ಕ್ರೀನ್‌ಶಾಟ್‌ಗಳು ಅಥವಾ ಅಪರಾಧದ ವಿವರಗಳು ಮತ್ತು ಸಪೋರ್ಟಿಂಗ್ ಪುರಾವೆಗಳನ್ನು ನಮೂದಿಸಿ. ಒಮ್ಮೆ ನೀವು ವಿವರಗಳನ್ನು ನಮೂದಿಸಿದ ನಂತರ, ‘ಸೇವ್ ಆಂಡ್ ನೆಕ್ಸ್ಟ್’ ಕ್ಲಿಕ್ ಮಾಡಿ.
*ಮುಂದಿನ ಪುಟಕ್ಕೆ ಆಪಾದಿತ ಶಂಕಿತ ವ್ಯಕ್ತಿಯ ಬಗ್ಗೆ ಯಾವುದಾದರೂ ಮಾಹಿತಿ ಇದ್ದರೆ ವಿವರಗಳನ್ನು ಭರ್ತಿ ಮಾಡಿ.
* ಈಗ ಮಾಹಿತಿಯನ್ನು ಪರಿಶೀಲಿಸಿ ಮತ್ತು ‘ಸಬ್ಮಿಟ್’ ಬಟನ್ ಕ್ಲಿಕ್ ಮಾಡಿ.
* ನಿಮ್ಮ ದೂರನ್ನು ನೋಂದಾಯಿಸಲಾಗಿದೆ ಎಂಬ ದೃಢೀಕರಣ ಸಂದೇಶವನ್ನು ನೀವು ಸ್ವೀಕರಿಸುತ್ತೀರಿ. ಆ ನಂತರ ನಿಮ್ಮ ದೂರಿಗೆ ಸಂಬಂಧಿಸಿದ ದೂರು ಐಡಿ ಮತ್ತು ಇತರ ವಿವರಗಳೊಂದಿಗೆ ನೀವು ಇಮೇಲ್ ಅನ್ನು ಸಹ ಸ್ವೀಕರಿಸುತ್ತೀರಿ.
ವರದಿಯನ್ನು ಸಲ್ಲಿಸಲು ಬೇಕಾದ ದಾಖಲೆಗಳು
ನೀವು ಆನ್ಲೈನ್ ವಹಿವಾಟುಗಳು, ಲಾಟರಿ ವಂಚನೆಗಳು, ಎಟಿಎಂ ವಹಿವಾಟುಗಳು, ನಕಲಿ ಕರೆಗಳು ಅಥವಾ ಇಂಟರ್ನೆಟ್ ಬ್ಯಾಂಕಿಂಗ್‌ಗೆ ಸಂಬಂಧಿಸಿದ ಸೈಬರ್ ವಂಚನೆ ಪ್ರಕರಣವನ್ನು ದಾಖಲಿಸುತ್ತಿದ್ದರೆ, ಬ್ಯಾಂಕ್ ಸ್ಟೇಟ್‌ಮೆಂಟ್‌ಗಳು, ವಿಳಾಸ ಮತ್ತು ಐಡಿ ಪುರಾವೆಗಳಂತಹ ಸಪೋರ್ಟಿಂಗ್ ಪುರಾವೆಗಳೊಂದಿಗೆ ನೀವು ಸ್ವೀಕರಿಸಿದ ಯಾವುದೇ ಅನುಮಾನಾಸ್ಪದ ಸಂದೇಶಗಳು ಅಥವಾ ಇಮೇಲ್‌ಗಳನ್ನು ಲಗತ್ತಿಸಬೇಕು.
ಈಗಲೇ ಈ ಕೆಲಸ ಮಾಡಿ…ಇಲ್ಲವಾದಲ್ಲಿ ಜ.1 ರಿಂದ UPI ಮೂಲಕ ಆನ್ಲೈನ್ ಪಾವತಿ ಮಾಡಲು ನಿಮಗೆ ಸಾಧ್ಯವಾಗುವುದಿಲ್ಲ!