ಬೆಲ್ಜಿಯಂ: ಊಟದ ಮಧ್ಯೆ ಒಂದೇ ಒಂದು ಸಣ್ಣ ಹುಳ ಸಿಕ್ಕಿಬಿಟ್ಟರೂ ಊಟ ಬಿಟ್ಟು ಕೈ ತೊಳೆಯುವವರು ನಾವು. ಆದರೆ ವಿದೇಶಗಳಲ್ಲಿ ಹಾಗಿಲ್ಲ. ಎಷ್ಟೋ ದೇಶಗಳು ಹುಳಗಳಲ್ಲಿ ಪೌಷ್ಠಿಕಾಂಶ ಹೆಚ್ಚಿರುತ್ತದೆ ಎನ್ನುವ ಕಾರಣ ಕೊಟ್ಟು ಅವುಗಳನ್ನು ಬೇಯಿಸದೆಯೇ ತಿನ್ನುತ್ತವೆ. ಅದೇ ರೀತಿ ಈ ದೇಶಗಳಲ್ಲಿ ಇನ್ನುಮುಂದೆ ಹಳದಿ ಹುಳಗಳನ್ನು ತಿನ್ನುವುದಕ್ಕೆ ಅಲ್ಲಿನ ಸರ್ಕಾರ ಅನುಮತಿ ನೀಡಿದೆ.
ಯುರೋಪಿಯನ್ ದೇಶಗಳಲ್ಲಿ ಯೆಲ್ಲೋ ವಾರ್ಮ್ಸ್ (ಹಳದಿ ಹುಳ)ಗಳನ್ನು ತಿನ್ನಲು ಯುರೋಪಿಯನ್ ಯೂನಿಯನ್ ಅನುಮತಿ ನೀಡಿದೆ. ಬಿಸ್ಕೆಟ್, ಪಾಸ್ತಾ, ಬ್ರೆಡ್ ತಯಾರಿಸುವ ಹಿಟ್ಟಿನಲ್ಲಿ ಈ ಹುಳಗಳನ್ನು ಬಳಸಬಹುದು ಎಂದು ಯೂನಿಯನ್ ತಿಳಿಸಿದೆ. ಹಾಗಾಗಿ ಯುರೋಪಿಯನ್ ದೇಶಗಳ ದೈನಂದಿನ ಊಟ ತಿಂಡಿಯ ಪಟ್ಟಿಯಲ್ಲಿ ಈ ಯೆಲ್ಲೋ ವಾರ್ಮ್ಸ್ಗಳೂ ಸೇರಿಕೊಳ್ಳಲಿವೆ
ಯೆಲ್ಲೋ ವಾರ್ಮ್ಸ್ನಲ್ಲಿ ಹೆಚ್ಚು ಪೌಷ್ಠಿಕಾಂಶ ಇರುತ್ತದೆ. ಹಾಗೆ ಅದರಲ್ಲಿ ಫೈಬರ್, ಕೊಬ್ಬಿನಾಂಶವೂ ಹೆಚ್ಚಿರುತ್ತದೆ. ಅದರ ಸೇವನೆಯಿಂದ ಆರೋಗ್ಯವನ್ನು ಉತ್ತಮವಾಗಿ ಕಾಪಾಡಿಕೊಳ್ಳಬಹುದು ಎನ್ನುತ್ತಾರೆ ಆಹಾರ ವಿಜ್ಞಾನಿ ಎರ್ಮೊಲಾಸ್ ವೇವೆರಿಸ್. (ಏಜೆನ್ಸೀಸ್)
ಮದುವೆಯಾಗೋಕೆ ವರ್ಜಿನಿಟಿ ಟೆಸ್ಟ್ ಮಾಡಿಸಲೇಬೇಕು! ಈ ರಾಷ್ಟ್ರದಲ್ಲಿದೆ ವಿಚಿತ್ರ ರೂಲ್ಸ್