ನವದೆಹಲಿ: ಚೀನಾ ಮೊಬೈಲ್ಫೋನ್ ಕಂಪನಿಯಿಂದ ಆರ್ಥಿಕ ಅಪರಾಧ ಹಿನ್ನೆಲೆಯಲ್ಲಿ ಜಾರಿ ನಿರ್ದೇಶನಾಲಯ (ಇ.ಡಿ) ಬೃಹತ್ ಮೊತ್ತವನ್ನು ವಶಪಡಿಸಿಕೊಂಡಿದೆ. ದೇಶದಲ್ಲಿ ಇಷ್ಟೊಂದು ದೊಡ್ಡ ಪ್ರಮಾಣದ ಮೊತ್ತ ವಶಪಡಿಸಿಕೊಂಡಿರುವುದು ಇದೇ ಮೊದಲು ಎಂದಿರುವ ಇ.ಡಿ., ಈ ನಡೆ ಸರಿಯಾಗಿದೆ ಎಂಬುದನ್ನು ಖಚಿತಪಡಿಸಿ ಇಂದು ಸಮರ್ಥಿಸಿಕೊಂಡಿದೆ.
ಚೀನಾ ಮೂಲದ ಮೊಬೈಲ್ಫೋನ್ ಉತ್ಪಾದನಾ ಕಂಪನಿ ಆಗಿರುವ ಷಿಯೊಮಿ ಟೆಕ್ನಾಲಜಿ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ನಿಂದ ಏಪ್ರಿಲ್ನಲ್ಲಿ 5,551 ಕೋಟಿ ರೂಪಾಯಿ ವಶಪಡಿಸಿಕೊಂಡಿರುವುದು ಸರಿಯಾಗಿದೆ ಎಂಬುದಾಗಿ ಫಾರಿನ್ ಎಕ್ಸ್ಚೇಂಜ್ ಮ್ಯಾನೇಜ್ಮೆಂಟ್ ಆ್ಯಕ್ಟ್ (ಎಫ್ಇಎಂಎ) ಒಪ್ಪಿದೆ ಎಂದು ಜಾರಿ ನಿರ್ದೇಶನಾಲಯ ಇಂದು ಖಚಿತಪಡಿಸಿದೆ.
ಈ ಮೊಬೈಲ್ಫೋನ್ ಕಂಪನಿ ಭಾರತದಿಂದ ಹೊರಕ್ಕೆ ಅಕ್ರಮವಾಗಿ ಹಣವನ್ನು ರವಾನಿಸಿದೆ. ಹೀಗಾಗಿ ಈ ಕಂಪನಿ ವಿರುದ್ಧ ಫಾರಿನ್ ಎಕ್ಸ್ಚೇಂಜ್ ಮ್ಯಾನೇಜ್ಮೆಂಟ್ ಆ್ಯಕ್ಟ್ (ಎಫ್ಇಎಂಎ) ಅನುಸಾರ ಪ್ರಕರಣ ದಾಖಲಿಸಲಾಗಿದೆ. ಈ ಕಂಪನಿಯು ಚೀನಾ ಮೂಲದ ಷಿಯೊಮಿ ಮಾಲೀಕತ್ವದಲ್ಲಿದ್ದು, 2014ರಲ್ಲಿ ಭಾರತದಲ್ಲಿ ವಹಿವಾಟು ಆರಂಭಿಸಿತ್ತು. ನಂತರದ ವರ್ಷದಿಂದಲೇ ಭಾರತದಿಂದ ಹೊರಕ್ಕೆ ಹಣ ಕಳುಹಿಸಲು ಶುರು ಮಾಡಿತ್ತು ಎಂಬುದಾಗಿ ಇ.ಡಿ. ತಿಳಿಸಿದೆ.
ಡಿ.ಕೆ.ಶಿವಕುಮಾರ್ ಡ್ಯಾನ್ಸ್ ಚಿತ್ರೀಕರಣಕ್ಕೆ ಅಡ್ಡಿ, ಡ್ರೋಣ್ ಕ್ಯಾಮೆರಾ ಕಿತ್ತೊಯ್ದ ರಾಹುಲ್ ಭದ್ರತಾ ಸಿಬ್ಬಂದಿ