ನವದೆಹಲಿ: 14ನೇ ಆವೃತ್ತಿಯ ಐಪಿಎಲ್ ಅರ್ಧಕ್ಕೆ ಮೊಟಕುಗೊಂಡ ಬೆನ್ನಲ್ಲೇ ಕೋವಿಡ್-19 ಸೋಂಕಿಗೆ ಒಳಗಾಗಿರುವ ಸನ್ರೈಸರ್ಸ್ ಹೈದರಾಬಾದ್ ತಂಡದ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ವೃದ್ಧಿಮಾನ್ ಸಾಹಗೆ ಮತ್ತೊಮ್ಮೆ ಪಾಸಿಟಿವ್ ಕಾಣಿಸಿಕೊಂಡಿದೆ. ಶುಕ್ರವಾರ ಸ್ವತಃ ಮಾಹಿತಿ ನೀಡಿರುವ ಸಾಹ, ದೈನಂದಿನ ತಪಾಸಣೆಯಲ್ಲಿ ನಡೆಸಿದ ಎರಡು ಪರೀಕ್ಷೆಗಳ ಪೈಕಿ ಒಂದು ನೆಗೆಟಿವ್ ಮತ್ತೊಂದು ಪರೀಕ್ಷೆ ವರದಿಯಲ್ಲಿ ಪಾಸಿಟಿವ್ ಅಂಶಕಾಣಿಸಿಕೊಂಡಿದೆ ಎಂದು ಟ್ವೀಟ್ ಮಾಡಿದ್ದಾರೆ. ನನ್ನ ಕ್ವಾರಂಟೈನ್ ಅವದಿ ಇನ್ನು ಮುಕ್ತಾಯಗೊಂಡಿಲ್ಲ. ದೈನಂದಿನ ತಪಾಸಣೆಯಲ್ಲಿ ನಡೆಸಿದ 2 ಪರೀಕ್ಷೆಯಲ್ಲಿ ಒಮ್ಮೆ ನೆಗೆಟವ್ ಮತ್ತೊಂದೆಡೆ ಪಾಸಿಟಿವ್ ವರದಿ ಬಂದಿದೆ. ನನ್ನ ಆರೋಗ್ಯವಂತು ಸುಧಾರಿಸುತ್ತಿದೆ. ಯಾರು ತಪ್ಪು ಮಾಹಿತಿ, ಸುಳ್ಳು ಸುದ್ದಿಗಳನ್ನು ಹರಡಬೇಡಿ ಎಂದು ಸಾಹ ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ: ಭಾರತದ ವಿರುದ್ಧದ ಸೋಲಿಗೆ ನೆಪಹೇಳಿ ಟ್ರೋಲ್ ಆದ ಆಸೀಸ್ ನಾಯಕ ಟೀಮ್ ಪೆನ್
ವೃದ್ಧಿಮಾನ್ ಸಾಹ ಅವರನ್ನು ಡಬ್ಲ್ಯುಟಿಸಿ ಫೈನಲ್ ಹಾಗೂ ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಸರಣಿಗೆ ಆಯ್ಕೆ ಮಾಡಲಾಗಿದೆ. ಸಾಹ ಹಾಗೂ ಕೆಎಲ್ ರಾಹುಲ್ ಪೂರ್ಣಪ್ರಮಾಣದಲ್ಲಿ ಫಿಟ್ ಆದರಷ್ಟೇ ತಂಡದೊಂದಿಗೆ ಇಂಗ್ಲೆಂಡ್ಗೆ ಪ್ರಯಾಣ ಬೆಳೆಸಲಿದ್ದಾರೆ. ಮೇ 4ರಂದು ಸನ್ರೈಸರ್ಸ್ ಹೈದರಾಬಾದ್ ಹಾಗೂ ಮುಂಬೈ ಇಂಡಿಯನ್ಸ್ ತಂಡಗಳ ನಡುವಿನ ಪಂದ್ಯಕ್ಕೂ ಸಾಹಗೆ ಕೋವಿಡ್-19 ದೃಢಪಟ್ಟಿತ್ತು. ಅದೇ ದಿನ ಡೆಲ್ಲಿ ಕ್ಯಾಪಿಟಲ್ಸ್ ತಮಡದ ಅಮಿತ್ ಮಿಶ್ರಾಗೂ ಕೋವಿಡ್ ಕಾಣಿಸಿಕೊಂಡಿತ್ತು. ಇದರ ಬೆನ್ನಲ್ಲೇ ತುರ್ತು ಸಭೆ ನಡೆಸಿದ ಬಿಸಿಸಿಐ ಹಾಗೂ ಐಪಿಎಲ್ ಆಡಳಿತ ಮಂಡಳಿ ಅನಿದಿರ್ಷ್ಟಾವಧಿವರೆಗೆ ಟೂರ್ನಿಯನ್ನು ಮುಂದೂಡಿತು.
— Wriddhiman Saha (@Wriddhipops) May 14, 2021