ನವದೆಹಲಿ: ಕರೊನಾ ವೈರಸ್ ಚೀನಾದಲ್ಲಿ ಮೊದಲು ಪತ್ತೆಯಾಗಿ ಇದೀಗ ವಿಶ್ವದಾದ್ಯಂತ ತನ್ನ ವ್ಯಾಪ್ತಿಯನ್ನು ಹೆಚ್ಚಿಸಿಕೊಂಡಿದೆ. 120ಕ್ಕೂ ಹೆಚ್ಚು ದೇಶಗಳಲ್ಲಿ ಕರೊನಾ ವೈರಸ್ ದಾಳಿ ಮುಂದುವರೆಯುತ್ತಿದ್ದು, ಬಹುತೇಕ ದೇಶಗಳಲ್ಲಿನ ಕಂಪನಿಗಳು ತಮ್ಮ ಸಿಬ್ಬಂದಿಗೆ ಮನೆಯಿಂದಲೇ ಕೆಲಸ ಮಾಡುವಂತೆ ತಿಳಿಸಿವೆ. ಆದರೆ ಭಾರತದಲ್ಲಿ ಮಾತ್ರ ಈ ಸೌಲಭ್ಯ ಸಾಧ್ಯವಿಲ್ಲದ್ದಾಗಿದೆ.
ಭಾರತದಲ್ಲಿ ಎಲ್ಲೋ ಕೆಲ ಕಂಪನಿಗಳು ತಮ್ಮ ಸಿಬ್ಬಂದಿಗೆ ಮನೆಯಿಂದ ಕೆಲಸ ಮಾಡುವಂತೆ ತಿಳಿಸಿವೆ. ಮೈಕ್ರೋಸಾಫ್ಟ್, ಗೂಗಲ್, ಇನ್ಫೋಸಿಸ್ನಂತಹ ಪ್ರಸಿದ್ಧ ಟೆಕ್ ಸಂಸ್ಥೆಗಳಲ್ಲಿ ಇಂತದ್ದೊಂದು ಸೌಲಭ್ಯ ಲಭ್ಯವಿದೆ. ಪ್ರಸಿದ್ಧ ಐಟಿ ಸರ್ವೀಸ್ ಮ್ಯಾನೇಜ್ಮೆಂಟ್ ಸಂಸ್ಥೆಯಾಗಿರುವ ಗಾರ್ಟ್ನರ್ ನೀಡಿರುವ ವರದಿಯ ಪ್ರಕಾರ ದೇಶದಲ್ಲಿ ಶೇ.54 ಕಂಪನಿಗಳಲ್ಲಿ ಸಿಬ್ಬಂದಿ ಮನೆಯಿಂದ ಕೆಲಸ ಮಾಡುವಂತಹ ಸೌಲಭ್ಯ ಇಲ್ಲ.
ಸಾಫ್ಟ್ವೇರ್ ಸಮಸ್ಯೆ, ಇಂಟರ್ನೆಟ್ ಸಮಸ್ಯೆ, ತಾಂತ್ರಿಕ ಜ್ಞಾನದ ಸಮಸ್ಯೆ ಹೀಗೆ ಹಲವಾರು ಸಮಸ್ಯೆಗಳ ಕಾರಣದಿಂದಾಗಿ ಭಾರತದ ಕಂಪನಿಗಳ ಸಿಬ್ಬಂದಿ ಮನೆಯಿಂದ ಕೆಲಸ ಮಾಡುವ ಸೌಲಭ್ಯದಿಂದ ವಂಚಿತರಾಗಿದ್ದಾರೆ. ಅನೇಕ ಕಂಪನಿಗಳಲ್ಲಿ ಗೂಗಲ್ ಹ್ಯಾಂಗ್ಔಟ್, ಸ್ಕೈಪ್, ಝೂಮ್, ಸಿಸ್ಕೋ ವೆಬ್ಎಕ್ಸ್, ಗೋಟು ಮೀಟಿಂಗ್, ಮೈಕ್ರೋಸಾಫ್ಟ್ ಟೀಮ್ಸ್, ಗ್ರೂಪ್ಚಾಟ್ನಂತಹ ಸಾಫ್ಟ್ವೇರ್ಗಳ ಪರಿಚಯವೇ ಇಲ್ಲದಿರುವುದು ವಿಪರ್ಯಾಸ.
ಅನೇಕ ಸಂಸ್ಥೆಗಳಲ್ಲಿ ದುಬಾರಿ ಸಾಫ್ಟ್ವೇರ್ಗಳನ್ನು ಬಳಸಲಾಗುತ್ತಿದ್ದು, ಅವುಗಳನ್ನು ಪ್ರತಿ ಸಿಬ್ಬಂದಿಯ ಲ್ಯಾಪ್ಟಾಪ್ಗೆ ಹಾಕುವುದು ಕಷ್ಟಸಾಧ್ಯವಾಗಿದೆ. ಇನ್ನು ಅನೇಕ ಸಾಫ್ಟ್ವೇರ್ಗಳು ಲ್ಯಾಪ್ಟಾಪ್ನಲ್ಲಿ ಕಾರ್ಯನಿರ್ವಹಿಸುವುದಿಲ್ಲವೆನ್ನುವ ದೂರು ಕೂಡ ಕೇಳಿಬಂದಿದೆ. ಬಿಪಿಒ ಸಂಸ್ಥೆಗಳಲ್ಲಿ ಮನೆಯಿಂದ ಕೆಲಸ ಮಾಡುವ ಸೌಲಭ್ಯವನ್ನು ನೀಡುವುದು ಸಾಧ್ಯವೇ ಇಲ್ಲ ಎನ್ನುವುದು ಕೆಲ ಸಂಸ್ಥೆಗಳ ಮಾತು. ಹೀಗಿರುವಾಗ ಕರೊನಾ ಬಂದಿದ್ದು, ಎಲ್ಲೋ ಕೆಲ ಸಂಸ್ಥೆಗಳ ಸಿಬ್ಬಂದಿ ಮಾತ್ರ ತಮ್ಮ ಮನೆಗಳಲ್ಲಿ ಕುಳಿತು ಕೆಲಸ ಮಾಡುತ್ತಿದ್ದರೆ ಇನ್ನುಳಿದ ಎಲ್ಲಾ ಕಂಪನಿಗಳ ಸಿಬ್ಬಂದಿ ಕರೊನಾ ಭೀತಿಯ ನಡುವೆಯೇ ಆಫೀಸುಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. (ಏಜೆನ್ಸೀಸ್)
ಕರೊನಾ ಬಂದರೂ ವರ್ಕ್ ಔಟ್ ಬಿಡದ ಜನ; ಅಪಾರ್ಟ್ಮೆಂಟ್ನಲ್ಲೇ ನಡೆಯುತ್ತೆ ವರ್ಕ್ಔಟ್ ಕ್ಲಾಸ್
ಪ್ರೇಯಸಿಗೆ ಹೊಡೆದ ಯುವಕನಿಗೆ ಕ್ಲಾಸ್ ತೆಗೆದುಕೊಂಡಿದ್ದ ನೇಹಾ ಧೂಪಿಯಾ ಪತಿಗಿದ್ದಾರಂತೆ ಐವರು ಗರ್ಲ್ಫ್ರೆಂಡ್ಸ್