ನೋಯ್ಡಾ: ಕೆಲವರಂತೂ ತೀರ ಸಣ್ಣಸಣ್ಣ ವಿಚಾರಕ್ಕೆಲ್ಲ ಜೀವ ಕಳೆದುಕೊಳ್ಳುತ್ತಾರೆ. ಹಾಗೆ ಇಲ್ಲೊಬ್ಬಳು 23 ವರ್ಷದ ಯುವತಿ ಕೂಡ ತನ್ನ ಹುಟ್ಟಿದ ಹಬ್ಬದ ದಿನವೇ, ಸಣ್ಣ ವಿಷಯಕ್ಕೆ ಜಗಳವಾಡಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.
ಉತ್ತರ ಪ್ರದೇಶದ ನೊಯ್ಡಾದ ಸೆಕ್ಟರ್ 134ರ ಮನೆಯೊಂದರಲ್ಲಿ ಈ ಯುವತಿ ತಂದೆ-ತಾಯಿಯೊಂದಿಗೆ ವಾಸಿಸುತ್ತಿದ್ದಳು. ಅದೇ ಕಾಂಪ್ಲೆಕ್ಸ್ನಲ್ಲಿಯೇ ಅವಳ ಅಕ್ಕನ ಮನೆಯೂ ಇತ್ತು. ಮಂಗಳವಾರ ಯುವತಿಯ ಜನ್ಮದಿನವಾಗಿತ್ತು. ತನ್ನ ಅಕ್ಕನ ಮನೆಯಲ್ಲಿಯೇ ಹುಟ್ಟಿದ ಹಬ್ಬ ಆಚರಣೆ ಮಾಡಿಕೊಳ್ಳುತ್ತಿದ್ದಳು. ಕುಟುಂಬದವರೆಲ್ಲ ಅಲ್ಲಿಯೇ ಸೇರಿದ್ದರು. ಇದನ್ನೂ ಓದಿ: ಕರೊನಾ ಲಸಿಕೆ ಅಭಿವೃದ್ಧಿ: ವಿಶ್ವ ಆರೋಗ್ಯ ಸಂಸ್ಥೆಯ ಪರ ತಾನಿಲ್ಲ ಎಂದ ಅಮೆರಿಕ!
ಆದರೆ ಕೇಕ್ ಕತ್ತರಿಸುವ ವಿಚಾರಕ್ಕೆ ಸಂಬಂಧಪಟ್ಟಂತೆ ಇಬ್ಬರು ಸೋದರಿಯರ ನಡುವೆ ಜಗಳ ಶುರುವಾಗಿದೆ. ಇದು ತಾರಕಕ್ಕೇರಿ, ತಂಗಿ ಸೀದಾ ಹೋಗಿ 10ನೇ ಮಹಡಿಯಿಂದ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಆದರೆ ಕೇಕ್ಗೆ ಸಂಬಂಧಪಟ್ಟಂತೆ ಏನು ಜಗಳ ಮಾಡಿಕೊಂಡಿದ್ದಾರೆ ಎಂಬುದಿನ್ನೂ ಗೊತ್ತಾಗಿಲ್ಲ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ವಿಚಾರಣೆ ನಡೆಸುತ್ತಿದ್ದಾರೆ. (ಏಜೆನ್ಸೀಸ್)
ರಾಜ್ಯಕ್ಕೆ ಎಲ್ಲಿಂದ ಬರುತ್ತೆ ಡ್ರಗ್ಸ್? ಈ ಬಗ್ಗೆ ಪೊಲೀಸ್ ಮಹಾನಿರ್ದೇಶಕರಿಂದ ಸ್ಫೋಟಕ ಮಾಹಿತಿ