ಕೊಚ್ಚಿ: ಇಂಟರ್ನೆಟ್ ಸೆನ್ಸೇಷನ್ ಆಗಿರುವ ಕಣ್ಸನ್ನೆ ಬೆಡಗಿ ಪ್ರಿಯಾ ವಾರಿಯರ್ ಇನ್ಸ್ಟಾಗ್ರಾಂನಲ್ಲಿ ದಾಖಲೆಯ ಫಾಲೋವರ್ಸ್ ಹೊಂದಿದ್ದಾರೆ. ಹೀಗಿರುವಾಗ ಕರೊನಾ ವೈರಸ್ ಲಾಕ್ಡೌನ್ ನಡುವೆಯೇ ಮೇ ತಿಂಗಳಲ್ಲಿ ಇನ್ಸ್ಟಾಗ್ರಾಂಗೆ ಬೈ ಹೇಳಿ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದ್ದರು.
ಇದನ್ನೂ ಓದಿ: ಚಿಕಿತ್ಸೆ ನೀಡುತ್ತಾ ಕರೊನಾ ಸೋಂಕಿಗೆ ಒಳಗಾಗಿ ಚರ್ಮದ ಬಣ್ಣವೇ ಕಪ್ಪಾಗಿದ್ದ ಚೀನಾ ವೈದ್ಯ ಮೃತ
ಮಲಯಾಳಂನ “ಒರು ಅಡಾರ್ ಲವ್” ಚಿತ್ರದ ಕಣ್ಸನ್ನೆ ದೃಶ್ಯದಿಂದ ರಾತ್ರೋರಾತ್ರಿ ಇಂಟರ್ನೆಟ್ ಸೆನ್ಸೇಷನ್ ಆಗಿ ಹೊರಹೊಮ್ಮಿದ ಪ್ರಿಯಾ ನ್ಯಾಶನಲ್ ಕ್ರಶ್ ಎಂಬ ಹೆಸರು ಗಳಿಸಿದ್ದಲ್ಲದೇ, 7.3 ಮಿಲಿಯನ್ ಫಾಲೋವರ್ಸ್ಗಳನ್ನು ಪಡೆಯುವ ಮೂಲಕ ಸ್ಟಾರ್ ನಟ-ನಟಿಯರನ್ನೇ ಹಿಂದಿಕ್ಕಿದ್ದಾರೆ.
ಮೇನಲ್ಲಿ ಇನ್ಸ್ಟಾಗ್ರಾನಿಂದ ಸರಿದುಕೊಂಡಿದ್ದ ಪ್ರಿಯಾ ಇದೀಗ ಎರಡು ವಾರಗಳ ನಂತರ ಮರಳಿ ಗೂಡಿಗೆ ಬಂದಿದ್ದಾರೆ. ಸೋಮವಾರವಷ್ಟೇ ಇನ್ಸ್ಟಾಗ್ರಾಂ ಖಾತೆ ಆಕ್ಟಿವೇಟ್ ಮಾಡಿಕೊಂಡಿರುವ ಪ್ರಿಯಾ ಸ್ವಲ್ಪ ಸಮಯ ದಿಢೀರನೇ ದೂರ ಉಳಿಯಲು ಕಾರಣ ಏನೆಂಬುದನ್ನು ಬಿಚ್ಚಿಟ್ಟಿದ್ದಾರೆ.
ಇನ್ಸ್ಟಾಗ್ರಾಂನಿಂದ ನಾನು ವಿರಾಮ ಪಡೆಯಲು ಬಯಸಿದ್ದೆ. ಕೇವಲ ಎರಡು ವಾರಗಳ ಸಮಯ ಆಗಿದ್ದರೂ ಸಹ ಸಾಕಷ್ಟು ಎಂಜಾಯ್ ಮಾಡಿದ್ದೇನೆ ಹಾಗೂ ತುಂಬಾ ಆರಾಮದಾಯಕ ಸಮಯವೂ ಆಗಿತ್ತು. ಲಾಕ್ಡೌನ್ ಸಮಯದಲ್ಲಿ ಲೈಕ್ಸ್, ಫಾಲೋವರ್ಸ್ ಮತ್ತು ಕಮೆಂಟ್ಗಳಿಂದ ತುಂಬಾ ಒತ್ತಡಕ್ಕೆ ಒಳಗಾಗಿದ್ದೆ. ಹೀಗಾಗಿ ಅದರಿಂದ ಕೊಂಚ ವಿರಾಮ ಪಡೆಯುವುದು ಅಗತ್ಯವೆನಿಸಿತು ಎಂದು ಕಾರಣ ತಿಳಿಸಿದ್ದಾರೆ.
ಇದನ್ನೂ ಓದಿ: 12 ಲಕ್ಷ ರೂಪಾಯಿ ಬೆಲೆಯ ಸೈಕಲ್!
ಇದೇ ವೇಳೆ ಟ್ರೋಲ್ಗಳಿಗೆ ಪ್ರತಿಕ್ರಿಯೆ ನೀಡಿರುವ ಪ್ರಿಯಾ, ನಾನು ಆರೋಗ್ಯಯುತ ಟ್ರೋಲ್ಗಳಿಗೆ ಬೆಂಬಲ ನೀಡುತ್ತೇನೆ. ಆದರೆ, ಟ್ರೋಲ್ ಹೆಸರಿನಲ್ಲಿ ಕೆಟ್ಟ ಪದಗಳನ್ನು ಬಳಸುವುದನ್ನು ಟೀಕಿಸುತ್ತೇನೆ. ಒಳ್ಳೆಯ ಟ್ರೋಲ್ಗೆ ನನ್ನ ಸ್ವಾಗತವಿದೆ. ಆದರೆ, ಕೆಟ್ಟ ಟ್ರೋಲ್ ಕೆಟ್ಟ ಪರಿಣಾಮವನ್ನೇ ಬೀರುತ್ತದೆ. ಅವು ತುಂಬಾ ತೊಂದರೆ ನೀಡುತ್ತವೆ ಎಂದರು. (ಏಜೆನ್ಸೀಸ್)