ಒಂದೇ ಒಂದು ಕಣ್ಸನ್ನೇ ಇಡೀ ದೇಶದ ನಿದ್ದೆಗೆಡಿಸಿತ್ತು. ರಾತ್ರೋರಾತ್ರಿ ದಕ್ಷಿಣ ಭಾರತದ ಹುಡುಗಿ ಸೆನ್ಷೆಷನ್ ಸ್ಟಾರ್ ಆಗಿ ಬೆಳೆದರು. ಅವರ ಸಾಮಾಜಿಕ ಜಾಲತಾಣದಲ್ಲೂ ಲಕ್ಷ ಲಕ್ಷ ಫಾಲೋವರ್ಸ್. ಆದರೆ, ಇದೀಗ ಇದೇ ಕಣ್ಸನ್ನೆ ಹುಡುಗಿ ಇನ್ಸ್ಸ್ಟಾಗ್ರಾಂ ಅನ್ನು ಡಿಆ್ಯಕ್ಟಿವೇಟ್ ಮಾಡಿದ್ದಾರೆ. ಹಾಗೆ ಮಾಡಿದ್ದಕ್ಕೆ ಕಾರಣವೂ ಇಲ್ಲಿದೆ.
ಪ್ರಿಯಾ ಪ್ರಕಾಶ್ ವಾರಿಯರ್ ಎಂದರೆ ಇಡೀ ದೇಶಕ್ಕೆ ಗೊತ್ತು. ಒರು ಅಡಾರ್ ಲವ್ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡಿ, ಸಣ್ಣ ವಿಡಿಯೋ ತುಣುಕಿನಿಂದ ವಿಂಕ್ ಗರ್ಲ್ ಎಂದೇ ಖ್ಯಾತಿಯಾದವರು. ಬಳಿಕ ಹಲವು ಸಿನಿಮಾಗಳಲ್ಲೂ ಪ್ರಿಯಾ ನಟಿಸಿದರು. ಕನ್ನಡದ ಎರಡು ಸಿನಿಮಾ ಕೆಲಸಗಳೂ ನಡೆಯುತ್ತಿವೆ.
ಇದನ್ನೂ ಓದಿ: ಪವರ್ಸ್ಟಾರ್ಗೆ ಪುಟಾಣಿ ಅಭಿಮಾನಿಯ ಪತ್ರ; ಸುದೀರ್ಘ ಪತ್ರದಲ್ಲಿ ಏನೇನಿದೆ?
ಹೀಗಿರುವಾಗಲೇ ಇನ್ಸ್ಟಾಗ್ರಾಂನಲ್ಲಿ ಬರೋಬ್ಬರಿ ಏಳು ಮಿಲಿಯನ್ಗೂ ಅಧಿಕ ಫಾಲೋವರ್ಸ್ ಹೊಂದಿದ್ದ ಪ್ರಿಯಾ, ಶನಿವಾರ ತಮ್ಮ ಖಾತೆಯನ್ನು ನಿಷ್ಕ್ರೀಯಗೊಳಿಸಿದ್ದಾರೆ. ಇದು ಅವರ ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ.
ಹಾಗಾದರೆ, ಅವರ ಖಾತೆ ನಿಷ್ಕ್ರೀಯಗೊಳ್ಳಲು ಕಾರಣವಾದ್ರೂ ಏನು? ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚೆಚ್ಚು ಟ್ರೋಲ್ಗೆ ಒಳಗಾಗುತ್ತಿರುವುದರಿಂದ, ಕೆಲವರು ಪ್ರಿಯಾ ಫೋಟೋಗಳನ್ನು ಅಶ್ಲೀಲವಾಗಿ ಎಡಿಟ್ ಮಾಡಿ ಎಲ್ಲೆಂದರಲ್ಲಿ ಅಪ್ಲೋಡ್ ಮಾಡುತ್ತಿರುವುದರಿಂದ ರೋಸಿ ಹೋಗಿ ಈ ನಿರ್ಧಾರಕ್ಕೆ ಬಂದಿದ್ದಾರೆ ಎನ್ನಲಾಗುತ್ತಿದೆ. ಮತ್ತೊಂದೆಡೆ ಜಾಲತಾಣಗಳಿಂದ ತಾತ್ಕಾಲಿಕ ಬ್ರೇಕ್ ಪಡೆದುಕೊಳ್ಳುವುದಕ್ಕೆ ಪ್ರೀಯಾ ಈ ರೀತಿ ಮಾಡಿದ್ದಾರೆ ಎಂದೂ ಸುದ್ದಿ ಹರಿದಾಡುತ್ತಿದೆ. (ಏಜೆನ್ಸೀಸ್)
ಕಡುಗೆಂಪು ಸೀರೆಯಲ್ಲಿ ಕೆಂದಾವರೆ ಮಾರಲು ಹೊರಟ ಶ್ರದ್ಧಾ ಶ್ರೀನಾಥ್!