ನವದೆಹಲಿ: ಈ ಬಾರಿಯ ಆಸ್ಟ್ರೇಲಿಯಾ ಇಂಗ್ಲೆಂಡ್ ನಡುವಿನ ಪಂದ್ಯ ಕ್ರಿಕೆಟ್ ಪ್ರೇಮಿಗಳನ್ನು ಕಾಲ ತುದಿಯ ಮೇಲೆ ನಿಲ್ಲಿಸಿರುವುದು ಸುಳ್ಳಲ್ಲ. ಈಗ ಆಸ್ಟ್ರೇಲಿಯಾ ಬ್ಯಾಟಿಂಗ್ ಮುಗಿಸಿದ್ದು ಒಟ್ಟು 356 ರನ್ಗಳ ಗುರಿಯನ್ನು ಇಂಗ್ಲೆಂಡ್ಗೆ ನೀಡಿದೆ. ಸದ್ಯ ಇಂಗ್ಲೆಂಡ್ 71 ರನ್ಗಳನ್ನು ಪಡೆದಿದ್ದು ಇನ್ನೂ 30 ಓವರ್ಗಳಲ್ಲಿ 293 ರನ್ಗಳನ್ನು ಪಡೆಯಬೇಕಿದೆ.
ಅಂದಹಾಗೆ ಆಸ್ಟ್ರೇಲಿಯಾ ಕೇವಲ 5 ವಿಕೆಟ್ ಕಳೆದುಕೊಂಡು 355 ರನ್ಗಳಿಸಿತ್ತು. ಆಸ್ಟ್ರೇಲಿಯಾ ಆಟ ಆಡುವ ವೇಳೆ 48ನೇ ಓವರ್ನಲ್ಲಿ ಡಿಎಲ್ಎಸ್ ಅಡ್ಜಸ್ಟ್ಮೆಂಟ್ ಮಾಡಬೇಕಾದ ಕಾರಣ ಅವರು ಬ್ಯಾಟಿಂಗ್ ನಿಲ್ಲಿಸಬೇಕಾಯಿತು. ಆದರೆ ಇದರಿಂದ ಇಂಗ್ಲೆಂಡ್ಗೆ ಏನೂ ಪ್ರಯೋಜನ ಆದ ಹಾಗೆ ಕಾಣುತ್ತಿಲ್ಲ. 19 ಓವರ್ಗಳು ಮುಗಿದಿದ್ದರೂ ಇನ್ನೂ ಇಂಗ್ಲೆಂಡ್ನ ರನ್ ರೇಟ್ 3.83 ಇದೆ. ಆದರೆ ಅವರು ಈ ಪಂದ್ಯವನ್ನು ಗೆಲ್ಲಬೇಕು ಎಂದಿದ್ದರೆ ಪ್ರತೀ ಓವರ್ಗೆ 10.2 ರನ್ಗಳನ್ನು ಪಡೆಯುವುದು ಅನಿವಾರ್ಯ. ಸದ್ಯದ ವೇಗದಲ್ಲೇ ಇಂಗ್ಲೆಂಡ್ ಆಟವಾಡಿದರೆ ಹೀನಾಯ ಸೋಲು ಖಚಿತ.
19ನೇ ಓವರ್ನಲ್ಲಿ ವಿನ್ಸ್ ಮತ್ತು ಮೊಯೀನ್ ಆಡುತ್ತಿದ್ದು ವಿನ್ಸ್ 14 ರನ್ ಗಳಿಸಿದ್ದರೆ ಮೊಯೀನ್ 5 ರನ್ ಗಳಿಸಿದ್ದಾರೆ. 20ನೇ ಓವರ್ಗೆ ಪಂದ್ಯ ಕಾಲಿಟ್ಟಿದ್ದರೂ ಬ್ಯಾಟ್ಸ್ಮನ್ಗಳು ವೇಗ ಪಡೆದುಕೊಂಡಿಲ್ಲ. (ಏಜೆನ್ಸೀಸ್)