ಸುಶಾಂತ್ ಸಿಂಗ್ ರಜಪೂತ್ ಆತ್ಮಹತ್ಯೆ ಪ್ರಕರಣದಲ್ಲಿ ದಿನದಿಂದ ದಿನಕ್ಕೆ ಸ್ಫೋಟಕ ಮಾಹಿತಿಗಳು ಲಭ್ಯವಾಗುತ್ತಿವೆ. ಕಳೆದ ವರ್ಷ ಯೂರೋಪ್ ಟ್ರಿಪ್ಗೆ ಹೋದ ಸಂದರ್ಭದಲ್ಲಿ ಏನೇನಾಯಿತು ಎಂಬುದನ್ನು ರಿಯಾ ಇತ್ತೀಚೆಗಷ್ಟೇ ಬಹಿರಂಗಪಡಿಸಿದ್ದರು. ಈಗ ಈ ಪ್ರಕರಣದಲ್ಲಿ ಇನ್ನಷ್ಟು ವಿಚಾರಗಳು ಬಯಲಿಗೆ ಬಂದಿವೆ.
ಪ್ರಮುಖವಾಗಿ ಆಮೀರ್ ಖಾನ್, ಶ್ರದ್ಧಾ ಕಪೂರ್, ರಾಕುಲ್ ಪ್ರೀತ್ ಸಿಂಗ್, ಆದಿತ್ಯ ರಾಯ್ ಕಪೂರ್, ರಾಣಾ ದಗ್ಗುಬಾಟಿ, ಸರೋಜ್ ಖಾನ್, ಸನ್ನಿ ಸಿಂಗ್ ಮುಂತಾದವರಿಗೆ ರಿಯಾ ಚಕ್ರವರ್ತಿ ಹಲವು ಬಾರಿ ಫೋನ್ ಮಾಡಿದ್ದಾರೆ ಎಂದು ಹೇಳಲಾಗಿದೆ. ಆದರೆ, ಯಾವ ವಿಷಯವಾಗಿ ಮಾತನಾಡಿದ್ದಾರೆ ಎಂಬ ವಿಷಯ ಇನ್ನಷ್ಟೇ ತನಿಖೆಯಾಗಬೇಕಿದೆ.
ಇದನ್ನೂ ಓದಿ: ಮಲ್ನಾಡ್ ಮಂಕಿಯನ್ನು ನೋಡ್ಬೇಕಾ?; ದಿಗಂತ್ ತೋರಿಸ್ತಿದ್ದಾರೆ ನೋಡಿ..
ಇತ್ತೀಚೆಗೆ ರಿಯಾ ಅವರ ಕಾಲ್ ಡೀಟೇಲ್ ರೆಕಾರ್ಡ್ಸ್ ತೆಗೆಸಲಾಗಿದ್ದು, ಈ ಪೈಕಿ ಅವರು ಕೆಲವರಿಗೆ ಫೋನ್ ಮಾಡಿದ್ದಾರೆ ಎಂದು ಹೇಳಲಾಗಿದೆ. ಪ್ರಮುಖವಾಗಿ ಆಮೀರ್ ಖಾನ್ಗೆ ರಿಯಾ ಒಮ್ಮೆ ಫೋನ್ ಮಾಡಿದ್ದು, ಇದಕ್ಕೆ ಬದಲಿಯಾಗಿ ಆಮೀರ್ ಮೂರು ಎಸ್.ಎಂ.ಎಸ್ಗಳನ್ನು ಕಳಿಸಿದ್ದಾರಂತೆ.
ಇನ್ನು ರಾಕುಲ್ ಪ್ರೀತ್ ಸಿಂಗ್ಗೆ ರಿಯಾ 30 ಬಾರಿ ಕಾಲ್ ಮಾಡಿದ್ದು, ಬದಲಿಯಾಗಿ ರಾಕುಲ್ 14 ಬಾರಿ ಫೋನ್ ಮಾಡಿದ್ದಾರಂತೆ. ಅವರಿಬ್ಬರ ಮಧ್ಯೆ ಹಲವು ಎಸ್.ಎಂ.ಎಸ್ಗಳು ಎಕ್ಸ್ಚೇಂಜ್ ಆಗಿವೆ. ಇನ್ನು ಆದಿತ್ಯ ರಾಯ್ ಕಪೂರ್ಗೆ ರಿಯಾ 16 ಬಾರಿ ಫೋನ್ ಮಾಡಿದರೆ, ಅವರು ರಿಯಾಗೆ ಏಳು ಬಾರಿ ಫೋನ್ ಮಾಡಿದ್ದಾರೆ. ಶ್ರದ್ಧಾ ಕಪೂರ್ಗೆ ರಿಯಾ ಮೂರು ಬಾರಿ ಕಾಲ್ ಮಾಡಿದರೆ, ಶ್ರದ್ಧಾ ಎರಡು ಬಾರಿ ವಾಪಸ್ಸು ಮಾಡಿದ್ದಾರೆ.
ಇದನ್ನೂ ಓದಿ: ಪುನೀತ್ ಬಿಡುಗಡೆ ಮಾಡಲಿದ್ದಾರೆ ಧನಂಜಯ್ ಹೊಸ ಚಿತ್ರದ ಟೈಟಲ್ …
ಎಲ್ಲಕ್ಕಿಂತ ಹೆಚ್ಚು ವಿಶೇಷ ಎಂದರೆ, ‘ಬಾಹುಬಲಿ’ ಖ್ಯಾತಿಯ ರಾಣಾ ದಗ್ಗುಬಾಟಿಗೆ ರಿಯಾ ಏಳು ಬಾರಿ ಕಾಲ್ ಮಾಡಿರುವುದು. ಇತ್ತೀಚೆಗಷ್ಟೇ ಸಪ್ತಪದಿ ತುಳಿದ ರಾಣಾಗೂ ರಿಯಾಗೂ ಹೇಗೆ ಪರಿಚಯ ಎಂಬ ವಿಷಯ ಹಲವರನ್ನು ಕಾಡುತ್ತಿದೆ.
ಇವರಷ್ಟೇ ಅಲ್ಲ, ತಮ್ಮ ಕುಟುಂಬದವರು ಮತ್ತು ಸುಶಾಂತ್ ಮ್ಯಾನೇಜರ್ಗಳ ಜತೆಗೂ ರಿಯಾ ಹಲವು ಬಾರಿ ಕಾಲ್ ಮಾಡಿ ಮಾತಾಡಿದ್ದಾರೆ. ಇನ್ನು ಸುಶಾಂತ್ ಜತೆ 2019ರ ಡಿಸೆಂಬರ್ನಿಂದ ಈ ವರ್ಷದ ಜೂನ್ 14ರವರೆಗೂ 51 ಬಾರಿ ಫೋನ್ನಲ್ಲಿ ಮಾತಾಡುವುದರ ಜತೆಗೆ, ಎರಡು ಎಸ್.ಎಂ.ಎಸ್ಗಳನ್ನೂ ಕಳುಹಿಸಿದ್ದಾರೆ ಎಂದು ಹೇಳಲಾಗಿದೆ. ಅವರಿಬ್ಬರ ಮಧ್ಯದ ಫೋನ್ ಸಂಭಾಷಣೆ ಜೂನ್ 5ರಂದು ಕೊನೆಯ ಬಾರಿಗೆ ಆಗಿದೆ. ಅದಾಗಿ ಒಂಬತ್ತು ದಿನಗಳಲ್ಲಿ ಸುಶಾಂತ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟ … ಫೋರ್ಬ್ಸ್ ಪಟ್ಟಿಯಲ್ಲಿ ಏಕೈಕ ಭಾರತೀಯ ಅಕ್ಷಯ್