INDIAಗೆ ಯಾರ ನೇತೃತ್ವ?: ಮಲ್ಲಿಕಾರ್ಜುನ ಖರ್ಗೆ ಉತ್ತರ ಇದು..

ಬೆಂಗಳೂರು: ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ನೇತೃತ್ವದ ಎನ್​ಡಿಯ ಮೈತ್ರಿಕೂಟವನ್ನು ಮಣಿಸಲು ಯುಪಿಯ ಮೈತ್ರಿಕೂಟದ ಪಕ್ಷಗಳೆಲ್ಲ ಒಂದಾಗಿದ್ದು, ಬೆಂಗಳೂರಿನಲ್ಲಿ ತಮ್ಮ ಕಾರ್ಯತಂತ್ರವನ್ನು ರೂಪಿಸಿದ್ದಾರೆ.

ಕಾಂಗ್ರೆಸ್ ನೇತೃತ್ವದಲ್ಲಿ 26 ಪಕ್ಷಗಳು ಎನ್​ಡಿಎ ವಿರುದ್ಧ ಒಂದುಗೂಡಿದ್ದು, ಈ ಒಕ್ಕೂಟಕ್ಕೆ 'INDIA' ಎಂದು ಹೊಸ ಹೆಸರೊಂದನ್ನು ಇಡಲಾಗಿದೆ. INDIA ಅಂದರೆ ಇಂಡಿಯನ್ ನ್ಯಾಶನಲ್ ಡೆಮಾಕ್ರಟಿಕ್ ಇನ್‌ಕ್ಲೂಸಿವ್​ ಅಲಯನ್ಸ್.

I: Indian

N: National

D: Democractic

I: Inclusive

A: Alliance

ಹೀಗೆ ತಮ್ಮ ಒಕ್ಕೂಟಕ್ಕೆ INDIA ಎಂದು ಹೆಸರಿಟ್ಟ ಬಳಿಕ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಪತ್ರಕರ್ತರ ಕೆಲವು ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ.

ಈ ಒಕ್ಕೂಟದ ಸಭೆಯಲ್ಲಿ ಏಕರೂಪ ನಾಗರಿಕ ಸಂಹಿತೆ (ಯುಸಿಸಿ) ಬಗ್ಗೆ ಚರ್ಚಿಸಿದ್ದೀರಾ ಎಂಬ ಪ್ರಶ್ನೆಗೆ, ಆಕ್ಷೇಪಣೆ ಆಹ್ವಾನಿಸಲಾಗಿದೆ. ನಾವು ಅದರ ಬಗ್ಗೆ ಚರ್ಚೆ ಮಾಡಿಲ್ಲ. ಬೆಲೆ ಏರಿಕೆ, ಮಣಿಪುರ, ನಿರುದ್ಯೋಗ ವಿಚಾರ ಚರ್ಚೆ ಮಾಡಿದ್ದೇವೆ ಎಂದು ಖರ್ಗೆ ಉತ್ತರಿಸಿದ್ದಾರೆ.

ಇದನ್ನೂ ಓದಿ: ನಾಚಿಕೆ-ಅವಮಾನ ಸಹಿಸಿಕೊಂಡು ಬಯಲಲ್ಲೇ ದೇಹದ ಒತ್ತಡ ನಿವಾರಿಸಿಕೊಂಡೆ: ಟಾಯ್ಲೆಟ್ ಇರದೆ ಪಟ್ಟ ಕಷ್ಟದ ಬಗ್ಗೆ ರಾಷ್ಟ್ರಪತಿಗೇ ಪತ್ರ ಬರೆದ ಮಹಿಳೆ

ಪ್ರಾದೇಶಿಕ ಪಕ್ಷಗಳು ಆತಂಕದಲ್ಲಿವೆಯೇ ಎಂಬ ಪ್ರಶ್ನೆಗೆ ಖರ್ಗೆ, ಮಹಾರಾಷ್ಟ್ರದ ಬೆಳವಣಿಗೆಯಲ್ಲಿ‌ ಎನ್​ಸಿಪಿ ಸೃಷ್ಟಿಕರ್ತ ಇಲ್ಲಿದ್ದಾರೆ, ಜನರ ಅವರೊಟ್ಟಿಗಿದ್ದಾರೆ.‌ ನಮಗೆ ಗೆಲುವಾಗುತ್ತದೆ ಎಂದಷ್ಟೇ ಹೇಳಿದರು.

ಮುಂದಿನ ಚುನಾವಣೆಯಲ್ಲಿ ಸೀಟು ಹಂಚಿಕೆ ಮಾಡಿಕೊಳ್ಳುತ್ತೀರಾ ಎಂಬ ಪ್ರಶ್ನೆಗೆ, ಅದೊಂದು ದೊಡ್ಡ ವಿಷಯವಲ್ಲ. ಚರ್ಚೆ ಮಾಡಿ ತೀರ್ಮಾನ ಮಾಡುತ್ತೇವೆ ಎಂದು ಖರ್ಗೆ ಉತ್ತರಿಸಿದ್ದಾರೆ.

ಇದನ್ನೂ ಓದಿ: ಜಯದೇವ ಆಸ್ಪತ್ರೆ ನಿರ್ದೇಶಕರಾಗಿ ಡಾ.ಸಿ.ಎನ್. ಮಂಜುನಾಥ್ ಮುಂದುವರಿಕೆ!; ಇಲ್ಲಿದೆ ವಿವರ..

26 ಪಕ್ಷಗಳನ್ನು ಒಳಗೊಂಡ 'INDIA'ಗೆ ನೇತೃತ್ವ ಯಾರದ್ದು ಎಂಬ ಪ್ರಶ್ನೆಗೆ, ಅದರ ಮುಂದಾಳತ್ವ ತೆಗೆದುಕೊಳ್ಳಲು ಹನ್ನೊಂದು ಮಂದಿಯ ಸಮನ್ವಯ ಸಮಿತಿ ರಚಿಸಲಾಗುತ್ತದೆ. ಆ ಸಮಿತಿಯೇ ಅದನ್ನು ತೀರ್ಮಾನ ಮಾಡಲಿದೆ ಎಂದ ಖರ್ಗೆ, ಒಟ್ಟಿಗೆ ಹೋರಾಡುವುದೇ ನಮ್ಮ ಉದ್ದೇಶ ಎಂದರು.

https://www.vijayavani.net/the-husband-wanted-to-kill-his-wife-for-keeping-him-away-from-his-parents

https://www.vijayavani.net/mom-of-two-holds-guinness-world-record-in-feeding-thousands-of-premature-babies