ನವದೆಹಲಿ: ಬಾಲಿವುಡ್ನಲ್ಲಿ ಜಿಂಕೆಯಂತೆ ಕುಣಿಕುಣಿದು, ಎಲ್ಲರನ್ನೂ ಕುಣಿಸಿದ ನಟಿ ಮಾಧುರಿ ದೀಕ್ಷಿತ್ ಸದ್ಯ ತಮ್ಮ ಪತಿ ಡಾ. ನೆನೆ ಹಾಗೂ ಆರಿನ್ ಮತ್ತು ರ‍್ಯಾನ್ ಎಂಬ ಇಬ್ಬರು ಪುತ್ರರೊಂದಿಗೆ ಅಮೆರಿಕದಲ್ಲಿ ನೆಲೆಸಿದ್ದಾರೆ. ಲಾಕ್ಡೌನ್ ಅವಧಿಯಲ್ಲಿ ಅವರು ತಮ್ಮ ಫೋಟೋ ಆಲ್ಬಂನಲ್ಲಿದ್ದ ಅತ್ಯಂತ ಹಳೆಯ ಫೋಟೋವೊಂದನ್ನು ಟ್ವೀಟ್ ಮಾಡಿ, ಇದರಲ್ಲಿ ನಿಜವಾದ ಮಾಧುರಿ ದೀಕ್ಷಿತ್ ಯಾರೆಂದು ಹೇಳಬಲ್ಲಿರಾ ಎಂದು ಸವಾಲು ಹಾಕಿದ್ದಾರೆ.
ಈ ಫೋಟೋದಲ್ಲಿ ಅವರು ತಮ್ಮ ಸಹೋದರಿಯ ಜತೆ ಶಾಲಾ ನೃತ್ಯ ಕಾರ್ಯಕ್ರಮದಲ್ಲಿ ಡಾನ್ಸ್ ಮಾಡುತ್ತಿದ್ದಾರೆ. ನೋಡಲು ಇಬ್ಬರೂ ಒಂದೇ ತರ ಇದ್ದು, ಒಂದೇ ಬಗೆಯ ಡಾನ್ಸ್ ಡ್ರೆಸ್ ಹಾಕಿದ್ದಾರೆ.
ಇದನ್ನೂ ಓದಿ: ರಂಜಾನ್ ಮಾಸದಲ್ಲಿ ಬುರ್ಖಾಧಾರಿಣಿಯ ಈಶ ಸೇವೆ!
ಇದು ನನ್ನ ಪ್ರೀತಿಯ ಸಹನೃತ್ಯಗಾರ್ತಿಯೊಂದಿಗೆ ನರ್ತಿಸುತ್ತಿರುವ ಚಿತ್ರ. ಇದು ನನಗೆ ಅತ್ಯಂತ ಪ್ರಿಯವಾದ ಚಿತ್ರವೂ ಹೌದು. ಈ ಚಿತ್ರದಲ್ಲಿ ನನ್ನ ಸಹೋದರಿ ನನ್ನೊಂದಿಗೆ ಹೆಜ್ಜೆ ಹಾಕುತ್ತಿದ್ದಾರೆ. ಇದು ನನ್ನ ಬಾಲ್ಯದ ಅತ್ಯಂತ ಸ್ಮರಣೀಯ ಫೋಟೋ ಕೂಡ ಹೌದು. ನಾವಿಬ್ಬರೂ ಒಟ್ಟಾಗಿ ಶಾಲೆಯ ಡಾನ್ಸ್ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಿದ್ದೆವು ಎಂದು ಹೇಳಿರುವ ಅವರು, ನಿಜವಾದ ಮಾಧುರಿ ದೀಕ್ಷಿತ್ ಯಾರೆಂಬ ಗುಟ್ಟನ್ನು ಬಿಟ್ಟುಕೊಡಲು ನಿರಾಕರಿಸಿದ್ದಾರೆ.
ಹಾಗೆ ನೋಡಿದರೆ ಮಾಧುರಿ ದೀಕ್ಷಿತ್ ಅವರಿಗೆ ಭಾರತಿ ಮತ್ತು ರೂಪಾ ಎಂಬ ಇಬ್ಬರು ಸಹೋದರಿಯರಿದ್ದಾರೆ. ಅಜಿತ್ ಎಂಬ ಸಹೋದರ ಕೂಡ ಇದ್ದಾರೆ. ತಮ್ಮ ಆ ಇಬ್ಬರು ಸಹೋದರಿಯಲ್ಲಿ ತಮ್ಮೊಂದಿಗೆ ಹೆಜ್ಜೆ ಹಾಕುತ್ತಿರುವವರು ಯಾರು ಎಂಬುದನ್ನು ತಿಳಿಸುವಂತೆ ಸವಾಲು ಹಾಕಿದ್ದಾರೆ.
ಮದ್ಯಕ್ಕೆ ಇನ್ಮುಂದೆ ಆಧಾರ್ ಕಡ್ಡಾಯ, ವಾರಕ್ಕೆರಡೇ ದಿನ ಖರೀದಿ- ಇದು ಹೈಕೋರ್ಟ್ ತೀರ್ಪು