ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ 2024ರ ಸೀಸನ್ ಆರಂಭಗೊಂಡ ಮೊದಲ ದಿನದಿಂದಲೂ ಕ್ರಿಕೆಟ್ ಅಭಿಮಾನಿಗಳಲ್ಲಿ ಅದೇನೋ ಉತ್ಸಾಹ, ಕಿಚ್ಚು! ತಮ್ಮ ನೆಚ್ಚಿನ ತಂಡ ಅದ್ದೂರಿ ಪ್ರದರ್ಶನದಿಂದ ಪ್ಲೇ-ಆಫ್ಗೆ ಎಂಟ್ರಿ ಕೊಡಬೇಕು, ಅಲ್ಲಿಂದ ಫೈನಲ್ ತಲುಪಿ ಎದುರಾಳಿಯನ್ನು ಭಾರೀ ಅಂತರದಿಂದ ಮಣಿಸಿ, ಟ್ರೋಫಿ ಗೆದ್ದು ಬೀಗಬೇಕು ಎಂಬ ಆಸೆ. ಆದರೆ, ಇದು ಈಡೇರುವುದು ಅಷ್ಟು ಸುಲಭದ ಮಾತಲ್ಲ.
ಇದನ್ನೂ ಓದಿ: ಅಕ್ರಮ ಕಟ್ಟಡಗಳ ವಿರುದ್ಧ ಹೆಮ್ಮಿಗೆಪುರ ನಿವಾಸಿಗಳ ಹೋರಾಟ ; ಭೂಗಳ್ಳರ ವಿರುದ್ಧ ಸಮರ
ಇನ್ನು ಇಂದು (ಮಾ.27) ಹೈದರಾಬಾದ್ನಲ್ಲಿ ನಡೆಯುತ್ತಿರುವ ಸನ್ರೈಸರ್ಸ್ ಮತ್ತು ಮುಂಬೈ ಇಂಡಿಯನ್ಸ್ ಪಂದ್ಯಗಳು ಬಹಳ ರೋಚಕವಾಗಿ ಆರಂಭಗೊಂಡಿದ್ದು, ಟಾಸ್ ಗೆದ್ದ ಎಂಐ ಮೊದಲು ಬೌಲ್ ಮಾಡಲು ಆಯ್ದುಕೊಂಡಿತು. ಇನ್ನು ಇದೇ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ 17 ವರ್ಷದ ಕ್ವೆನಾ ಮಫಕಾ ಎಂಬ ಹುಡುಗ, ಇಂದಿನ ಎಸ್ಆರ್ಎಚ್ ವಿರುದ್ಧದ ಪಂದ್ಯದ ಮೂಲಕ ಐಪಿಎಲ್ಗೆ ಪದಾರ್ಪಣೆ ಮಾಡಿದ್ದಾರೆ.
17 ವರ್ಷದ ಹುಡುಗ ಐಪಿಎಲ್ಗೆ? ಅದರಲ್ಲೂ ಮುಂಬೈ ಇಂಡಿಯನ್ಸ್ ಪರವೇ? ಯಾರು ಈ ಯುವ ವೇಗಿ ಎಂಬ ನಿಮ್ಮ ಹತ್ತು ಹಲವು ಪ್ರಶ್ನೆಗೆ ಇಲ್ಲಿದೆ ನೋಡಿ ಉತ್ತರ. 2024ರ ಅಂಡರ್ 19 ವರ್ಷದೊಳಗಿನವರ ವಿಶ್ವಕಪ್ನಲ್ಲಿ ತಮ್ಮ ವೇಗದ ಬೌಲಿಂಗ್ನಿಂದ ಬ್ಯಾಟ್ಸ್ಮನ್ಗಳಲ್ಲಿ ನಡುಕ ಹುಟ್ಟಿಸಿದ್ದಾರೆ ಈ ಹುಡುಗ. ಈತ ನೋಡಲು ಸೌತ್ ಆಫ್ರಿಕಾದ ಕಗಿಸೋ ರಬಾಡರಂತೆಯೇ ಕಾಣುತ್ತಾರೆ.
ಇದನ್ನೂ ಓದಿ: ಚುನಾವಣಾ ಬಾಂಡ್ ಹಗರಣ ಕುರಿತು ಸುಪ್ರೀಂಕೋರ್ಟ್ ಜಡ್ಜ್ ನೇತೃತ್ವದಲ್ಲಿ ತನಿಖೆಗೆ ಸಿಪಿಐ (ಎಂ) ಒತ್ತಾಯ
ವೇಗಿ ಕಗಿಸೊ ರಬಾಡರಂತೆಯೇ ಹೋಲುವ ಕ್ವೆನಾ ಮಫಾಕಾರನ್ನು ‘ಬೇಬಿ ರಬಾಡ’ ಎಂದೇ ಕರೆಯುತ್ತಾರೆ. ಅಂಡರ್-19 ವಿಶ್ವಕಪ್ನಲ್ಲಿ ಅದ್ಭುತ ವೇಗಿ ಆಗಿ ಹೊರಹೊಮ್ಮಿದ್ದ ದಕ್ಷಿಣ ಆಫ್ರಿಕಾದ ಈ ಯುವ ಬೌಲರ್ ಕ್ವೆನಾ ಮಫಾಕಾ, ಇಂದಿನ ಪಂದ್ಯದ ಮೂಲಕ ಐಪಿಎಲ್ಗೆ ಎಂಟ್ರಿಕೊಟ್ಟಿರುವುದು ಅನೇಕರಲ್ಲಿ ಆಶ್ಚರ್ಯ ಉಂಟುಮಾಡಿದೆ. ಮುಂಬೈ ಇಂಡಿಯನ್ಸ್ ತಂಡಕ್ಕೆ ಬಂದಿರುವ ಈತ ಇಂಜುರಿಯಿಂದ ಈ ಬಾರಿಯ ಟೂರ್ನಿಯಿಂದ ಹೊರಗುಳಿದ ಶ್ರೀಲಂಕಾದ ವೇಗದ ಬೌಲರ್ ದಿಲ್ಶನ್ ಮಧುಶಂಕ ಬದಲಿಗೆ ಆಡಲಿದ್ದಾರೆ.
ವಿಶ್ವ ಕ್ರಿಕೆಟ್ನಲ್ಲಿ ಬಹಳ ಬೇಗನೇ ಹೊರಹೊಮ್ಮುತ್ತಿರುವ ಅತ್ಯುತ್ತಮ ವೇಗದ ಬೌಲರ್ಗಳಲ್ಲಿ ಒಬ್ಬರಾಗಿದ್ದಾರೆ ಈ ಯುವ ವೇಗಿ. ಇತ್ತೀಚೆಗಷ್ಟೇ ಮುಗಿದ ಬಾಂಗ್ಲಾದೇಶ ವಿರುದ್ಧದ ಏಕದಿನ ಸರಣಿಯ ವೇಳೆ ಶ್ರೀಲಂಕಾದ ವೇಗದ ಬೌಲರ್ ದಿಲ್ಶನ್ ಮಧುಶಂಕ ಗಾಯಗೊಂಡಿದ್ದರು. ಐಪಿಎಲ್ ಹರಾಜಿನಲ್ಲಿ 4.6 ಕೋಟಿ ರೂ.ಗೆ ಇವರನ್ನು ಖರೀದಿಸಲಾಗಿತ್ತು. ನಿರೀಕ್ಷಿಸಿದಂತೆ ಈ ಬಾರಿ ಮುಂಬೈ ಇಂಡಿಯನ್ಸ್ ಪರ ಇವರು ಆಡಬೇಕಿತ್ತು. ಆದರೆ, ಇಂಜುರಿಯಿಂದ ಹೊರಗುಳಿದ ಕಾರಣ, ಮಧುಶಂಕ ಬದಲಿಗೆ ಬೇಬಿ ರಬಾಡ ಕಣಕ್ಕಿಳಿದಿದ್ದಾರೆ,(ಏಜೆನ್ಸೀಸ್).
ಬಾಳೆಹಣ್ಣಿನ ವಿಷಯದಲ್ಲಿ ಈ ತಪ್ಪನ್ನು ಮಾಡಲೇಬೇಡಿ! ಇಲ್ಲಿದೆ ಉಪಯುಕ್ತ ಮಾಹಿತಿ
ಅದೊಂದು ಪಾತ್ರ ನಾನು ಒಪ್ಪಬಾರದಿತ್ತು! ಆ ತಪ್ಪಿಂದ ನನ್ನ ಆಸೆಯೇ ನುಚ್ಚುನೂರಾಯ್ತು: ನಟಿ ಅರ್ಚನಾ