ನವದೆಹಲಿ: ಸಂಬಂಧದಲ್ಲಿ ಪುರುಷರು-ಮಹಿಳೆಯರು ಇಬ್ಬರಲ್ಲಿ ಯಾರು ಹೆಚ್ಚು ವಂಚನೆ ಮಾಡುತ್ತಾರೆ? ಇದು ಆಗಾಗ ಕೇಳಲ್ಪಡುವ ಸಾಮಾನ್ಯ ಪ್ರಶ್ನೆಯಾಗಿದೆ. ಕೆಲವು ಡೇಟಾಗಳ ಪ್ರಕಾರ ಮಹಿಳೆಗಿಂತ ಪುರುಷರೇ ಹೆಚ್ಚು ಮೋಸ ಮಾಡುತ್ತಾರಂತೆ. ಆದರೆ, ಇನ್ನು ಕೆಲವರು ಮಹಿಳೆಯರೇ ಹೆಚ್ಚು ವಂಚನೆ ಮಾಡುತ್ತಾರೆ ಅಂತ ನಂಬಿದ್ದಾರೆ.
ಸಾಮಾಜಿಕ ಜಾಲತಾಣ ವೇದಿಕೆಯಲ್ಲೂ ಇದು ಬಹಳ ಚರ್ಚಿತ ವಿಷಯವಾಗಿದೆ. ಯೂಟ್ಯೂಬ್ ಶಾರ್ಟ್ಸ್ ಮತ್ತು ಇನ್ಸ್ಟಾಗ್ರಾಂ ರೀಲ್ಗಳಲ್ಲೂ ಯಾರು ಮೇಲು ಎಂಬ ವಿಚಾರಕ್ಕೆ ನಡೆಯುವ ಕಿತ್ತಾಟವನ್ನು ನೋಡಬಹುದು. ಇದೀಗ ಈ ಮಿಲಿಯನ್ ಡಾಲರ್ ಪ್ರಶ್ನೆಗೆ ಉತ್ತರ ಕಂಡುಕೊಳ್ಳಲು ಪಾಕಿಸ್ತಾನಿ ಯುವತಿಯೊಬ್ಬಳು ಪಾಕ್ ಬೀದಿಗೆ ಇಳಿದಿದ್ದು, ಆಕೆಗೆ ಕೆಲವು ಹಾಸ್ಯಾತ್ಮಕ ಉತ್ತರಗಳು ಸಿಕ್ಕಿವೆ.
ಇದನ್ನೂ ಓದಿ: ಗಾಡಿ ಹರಾಜು ಗೋಲ್ಮಾಲ್ ದೃಢ! ಇನ್ಸ್ಪೆಕ್ಟರ್, ಹೆಡ್ ಕಾನ್ಸ್ಟೆಬಲ್ ವಿರುದ್ಧ ಕಮಿಷನರ್ಗೆ ವರದಿ
@the_royal_sisodiya ಹೆಸರಿನ ಇನ್ಸ್ಟಾಗ್ರಾಂ ಪೇಜ್ನಲ್ಲಿ ವಿಡಿಯೋ ಅಪ್ಲೋಡ್ ಆಗಿದ್ದು ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಈಗಾಗಲೇ 20 ಮಿಲಿಯನ್ಗೂ ಅಧಿಕ ವೀಕ್ಷಣೆ ಪಡೆದುಕೊಂಡಿದ್ದು, ಜಾಲತಾಣದಲ್ಲಿ ಸಂಚಲನ ಸೃಷ್ಟಿಸಿದೆ.
ಪುರುಷ ಅಥವಾ ಮಹಿಳೆ ಇಬ್ಬರಲ್ಲಿ ಯಾರು ಹೆಚ್ಚು ಮೋಸ ಮಾಡುತ್ತಾರೆ ಹೇಳಿ ಎಂದು ಯುವತಿ, ಯುವಕನಿಗೆ ಪ್ರಶ್ನೆ ಕೇಳುವುದರೊಂದಿಗೆ ವಿಡಿಯೋ ಆರಂಭವಾಗುತ್ತದೆ. ಈ ಪ್ರಶ್ನೆಗೆ ಸ್ವಲ್ಪವೂ ಯೋಚಿಸಿದೆ ಮಹಿಳೆಯರು ಎಂದು ಯುವಕ ಹೇಳುತ್ತಾನೆ. ಇದಕ್ಕೆ ಯುವತಿ ಅದು ಹೇಗೆ ಎಂದು ಮರು ಪ್ರಶ್ನೆ ಮಾಡುತ್ತಾಳೆ. ಅದಕ್ಕೆ ಉತ್ತರಿಸುವ ಯುವಕ, ನಾನು ಸತ್ಯವನ್ನೇ ಹೇಳುತ್ತಿದ್ದೇನೆ. ನಾನು ಪ್ರಪಂಚದ ಬಗ್ಗೆ ಹೇಳುತ್ತೇನೆ. ನಿಮ್ಮ ಬಳಿ ಐಫೋನ್, ರೋಲೆಕ್ಸ್ ಮತ್ತು ಕಾರು ಇದ್ದರೆ ಯಾವ ಹುಡುಗಿಯೂ ವಿಶ್ವಾಸದ್ರೋಹಿ ಆಗುವುದಿಲ್ಲ. ಒಂದು ವೇಳೆ ಅವ್ಯಾವು ನಿಮ್ಮ ಬಳಿ ಇಲ್ಲದಿದ್ದರೆ ಪ್ರತಿ ಹುಡುಗಿಯೂ ಸಹ ವಿಶ್ವಾಸದ್ರೋಹಿ ಎಂದು ಹೇಳುತ್ತಾರೆ.
ಯಾಕೆ ಹೀಗೆ ಎಂದು ಯುವತಿ ಮತ್ತೆ ಪ್ರಶ್ನೆ ಮಾಡುತ್ತಾಳೆ. ಅದಕ್ಕೆ ಉತ್ತರ ನೀಡುವ ಯುವಕ, ಈಗಿನ ಟ್ರೆಂಡ್ ಇರುವುದೇ ಹಾಗೆ. ಸೈಕಲ್ ಬಾಯ್ ಪ್ರೇಯಸಿಯನ್ನು ಸ್ಕೂಟರ್ನಲ್ಲಿ ಬಂದವನು ಮರಳು ಮಾಡಿಕೊಂಡು ಹೊಗುತ್ತಾನೆ ಮತ್ತು ಸ್ಕೂಟರ್ ಬಾಯ್ ಪ್ರೇಯಸಿಯನ್ನು ಕಾರು ಮಾಲೀಕ ಪಟಾಯಿಸಿಕೊಳ್ಳುತ್ತಾನೆ ಎಂದು ಯುವಕ ಉತ್ತರಿಸಿದನು.
ಇದನ್ನೂ ಓದಿ: ಮ್ಯಾನ್ಹೋಲ್ ಸ್ವಚ್ಛತೆಗೆ ರೋಬಾಟ್: ದೇಶದಲ್ಲಿ ಮೊದಲ ಬಾರಿಗೆ ಕೇರಳದಲ್ಲಿ ಬಳಕೆ
ಈ ಉತ್ತರ ಕೇಳುತ್ತಿದ್ದಂತೆ ಯುವತಿ ಸೇರಿದಂತೆ ಸುತ್ತಲೂ ಇದ್ದ ಜನರು ಗಹಗಹಿಸಿ ನಗುತ್ತಾರೆ. ನಗುತ್ತಲೇ ಯುವತಿ ನಿಮ್ಮ ಬಳಿ ಏನಿದೆ ಎಂದು ಕೇಳುತ್ತಾಳೆ. ಅದಕ್ಕೆ ಉತ್ತರ ನೀಡುವ ಯುವಕ ನನ್ನ ಬಳಿ ಹೋಂಡಾ ವಾಹನವಿದೆ ಮತ್ತು ನಾನು ಯಾರನ್ನೂ ಲವ್ ಮಾಡುತ್ತಿಲ್ಲ ಎನ್ನುತ್ತಾನೆ.
ಇದೀಗ ಪಾಕ್ ಯುವಕ ಉತ್ತರ ನೀಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಕಾಮೆಂಟ್ಗಳ ಸುರಿಮಳೆಗೈಯುತ್ತಿದ್ದಾರೆ. (ಏಜೆನ್ಸೀಸ್)
ಕೆಸಿಸಿಗೆ ಸುರೇಶ್ ರೈನಾ ಫಿದಾ: ಟ್ರೋಫಿ ಗೆಲುವಿನ ಬಳಿಕ ಕಿಚ್ಚನಿಗೆ ಧನ್ಯವಾದ ತಿಳಿಸಿದ ರೈನಾ
ಮೊಬೈಲ್ ಚಾರ್ಜರ್ ಕಪ್ಪು, ಬಿಳಿ ಬಣ್ಣ ಇರುವ ಹಿಂದಿನ ಕಾರಣವೇನು ಗೊತ್ತಾ?