ಬೆಂಗಳೂರು: ಡಿಜಿಟಲ್ ಪಾವತಿ ವ್ಯವಸ್ಥೆಯೊಳಗೆ ವಾಟ್ಸ್ಆ್ಯಪ್ ಪ್ರವೇಶವಾಗಿದ್ದು, ಭಾರತದಲ್ಲಿ ಅಪ್ಡೇಟ್ ಮಾಡಿದ ಅಪ್ಲಿಕೇಶನ್ನಲ್ಲಿ ಇದು ಲಭ್ಯವಿದೆ. ಡಿಜಿಟಲ್ ಪಾವತಿ ಸೇವೆಯನ್ನು ಭಾರತದಲ್ಲಿ ಆರಂಭಿಸುವುದಕ್ಕಾಗಿ ಅದಕ್ಕೆ ನವೆಂಬರ್ ತಿಂಗಳಷ್ಟೇ ಅನುಮತಿ ಸಿಕ್ಕಿತ್ತು. ಆರಂಭಿಕ ಬ್ಯಾಂಕಿಂಗ್ ಪಾಲುದಾರರಾಗಿ ವಾಟ್ಸ್ಆ್ಯಪ್ ಪೇಮೆಂಟ್ ಜತೆಗೆ ಸ್ಟೇಟ್ಬ್ಯಾಂಕ್ ಆಫ್ ಇಂಡಿಯಾ, ಎಚ್ಡಿಎಫ್ಸಿ, ಐಸಿಐಸಿಐ ಮತ್ತು ಏಕ್ಸಿಸ್ ಬ್ಯಾಂಕುಗಳು ಕೈ ಜೋಡಿಸಿವೆ.
ಈ ಸಂಬಂಧ ಪ್ರಕಟಣೆ ಹೊರಡಿಸಿರುವ ವಾಟ್ಸ್ಆ್ಯಪ್, ಡಿಜಿಟಲ್ ಪಾವತಿ ಸೇವೆಗಾಗಿ ಕಂಪನಿ ಭಾರತದ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (ಎನ್ಪಿಸಿಐ)ನ ಯುನಿಫೈಡ್ ಪೇಮೆಂಟ್ ಇಂಟರ್ಫೇಸ್ (ಯುಪಿಐ) ಅನ್ನು ಬಳಸಿಕೊಳ್ಳುತ್ತಿದೆ. ನವೆಂಬರ್ ತಿಂಗಳಲ್ಲಿ ಇದು ಪ್ರಾಯೋಗಿಕವಾಗಿ ಚಾಲ್ತಿಗೆ ಬಂದಿತ್ತು. ಈಗ ದೇಶವ್ಯಾಪಿ ಬಳಕೆದಾರರು ಡಿಜಿಟಲ್ ಪಾವತಿಯನ್ನು ವಾಟ್ಸ್ಆ್ಯಪ್ ಮೂಲಕವೇ ಮಾಡಬಹುದಾಗಿದೆ ಎಂದು ಹೇಳಿದೆ.
ಇದನ್ನೂ ಓದಿ: ಗ್ರಾ.ಪಂ.ಗೆ ಪತ್ನಿ ಅವಿರೋಧ ಆಯ್ಕೆ, ಸಂಭ್ರಮದಲ್ಲಿದ್ದ ಪತಿ ಮರುದಿನವೇ ಆತ್ಮಹತ್ಯೆ! ಕಾರಣ ಏನು?
ವಾಟ್ಸ್ಆ್ಯಪ್ ಬಳಕೆದಾರರು ಸರಳವಾಗಿ ಮತ್ತು ಸುರಕ್ಷಿತವಾಗಿ ಡಿಜಿಟಲ್ ಪಾವತಿ ಮಾಡುವುದಕ್ಕೆ ಈಗ ಸಾಧ್ಯವಾಗಿದೆ. ಗ್ರಾಹಕರ ಸುರಕ್ಷತೆಗಾಗಿ ನಾವು ಭಾರತ ಸರ್ಕಾರದ ಯುಪಿಐ ಅನ್ನೇ ಬಳಸುತ್ತಿದ್ದೇವೆ. ಇದು ಟ್ರಾನ್ಸ್ಫರ್ಮೇಟಿವ್ ಸರ್ವೀಸ್ ಆಗಿದ್ದು, ಬಹಳಷ್ಟು ಬದಲಾವಣೆಯನ್ನು ತರಲಿದೆ ಎಂದು ವಾಟ್ಸ್ಆ್ಯಪ್ನ ಭಾರತದ ಮುಖ್ಯಸ್ಥ ಅಭಿಜಿತ್ ಬೋಸ್ ತಿಳಿಸಿದ್ದಾರೆ. (ಏಜೆನ್ಸೀಸ್)
ಕ್ಷಣ ಕ್ಷಣದ ಸುದ್ದಿಗಳ ಅಪ್ಡೇಟ್ಸ್ಗಾಗಿ ನಮ್ಮ ಫೇಸ್ಬುಕ್ ಪುಟ ಲೈಕ್ ಮಾಡಿ ಮತ್ತು ಫಾಲೋ ಮಾಡಿ..
ಯುವಪ್ರತಿಭೆಗಳಿಗೆ ‘ನವರತನ್ ಜ್ಯುವೆಲರ್ಸ್’ ಉತ್ತೇಜನ – ಡಿ.18 ರಿಂದ 20 ‘ದಿ ಪ್ರಿನ್ಸೆಸ್’ ಫ್ಯಾಷನ್ ಶೋ