ನವದೆಹಲಿ: ” ಅವಳು ದೆಹಲಿಗೆ ಹೋಗಿದ್ದಾಳೆಂದು ನಮಗೆ ತಿಳಿದಿರಲಿಲ್ಲ. ಅವಳು ತನ್ನ ಅಧ್ಯಯನಕ್ಕಾಗಿ ಹಿಸಾರ್‌ನಲ್ಲಿದ್ದಾಳೆಂದು ನಮಗೆ ತಿಳಿದಿತ್ತು. ನಿನ್ನೆಯಷ್ಟೇ ನಮ್ಮನ್ನು ಭೇಟಿ ಮಾಡಿ ನಿನ್ನೆ ಪಾಸ್ಸಾಗಿದ್ದಳು. ಬಿಎ, ಎಂಎ, ಬಿಎಡ್, ಎಂಎಡ್, ಸಿಟಿಇಟಿ, ಎಂಫಿಲ್ ಮತ್ತು ನೆಟ್ ವಿದ್ಯಾರ್ಹತೆ ಪಡೆದಿದ್ದಾಳೆ. ನಿರುದ್ಯೋಗ ಸಮಸ್ಯೆ ಕುರಿತು ಹಲವು ಬಾರಿ ಪ್ರಸ್ತಾಪಿಸಿದ್ದಳು. ರೈತರ ಪ್ರತಿಭಟನೆಯಲ್ಲೂ ಪಾಲ್ಗೊಂಡಿದ್ದಳು,,.”
ಲೋಕಸಭೆ ಭದ್ರತೆ ಉಲ್ಲಂಘನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಂಸತ್ ಭವನದ ಹೊರಗಡೆ ಸಿಕ್ಕಿಬಿದ್ದ ಆರೋಪಿಗಳಲ್ಲಿ ಒಬ್ಬರಾದ ನೀಲಂ ಅವರ ಕಿರಿಯ ಸಹೋದರ ಹೇಳುತ್ತಾರೆ, “ನನ್ನ ಇನ್ನೊಬ್ಬ ಸಹೋದರ ಕರೆ ಮಾಡಿ ಟಿವಿ ಆನ್ ಮಾಡಲು ಕೇಳಿದರು, ಅವರು ನೀಲಂಳನ್ನು ಬಂಧಿಸಲಾಗಿದೆ ಎಂದರು” ಎಂದೂ ಅವರು ತಿಳಿಸಿದರು.
ಸಂಸತ್ತಿನ ಹೊರಗಿನಿಂದ ಬಂಧಿಸಲ್ಪಟ್ಟ ಇಬ್ಬರು ಶಂಕಿತರಲ್ಲಿ ಒಬ್ಬರನ್ನು (ಲೋಕಸಭೆಯಲ್ಲಿ ಭದ್ರತಾ ಲೋಪವನ್ನು ಪ್ರಚೋದಿಸಿದ್ದಕ್ಕಾಗಿ ಬಂಧಿಸಲಾದ ಇಬ್ಬರು ವ್ಯಕ್ತಿಗಳನ್ನು ಹೊರತುಪಡಿಸಿ) ನೀಲಂ ಎಂದು ಗುರುತಿಸಲಾಗಿದೆ, ಅವರು ಹರಿಯಾಣದ ಹಿಸಾರ್‌ನಲ್ಲಿ ನಾಗರಿಕ ಸೇವಾ ಪ್ರವೇಶ ಪರೀಕ್ಷೆಗೆ ಓದುತ್ತಿದ್ದರು ಮತ್ತು ಹುಡುಗಿಯರ ಪಿಜಿಯಲ್ಲಿ ವಾಸಿಸುತ್ತಿದ್ದಾರೆ.
“ಅವರು ನಿರುದ್ಯೋಗದಿಂದ ಬೇಸತ್ತಿದ್ದರು, ಅವರು ಸಾಕಷ್ಟು ಓದಿದ್ದರು. ಆದರೆ ನಮಗೆ ಯಾವುದೇ ಪ್ರಭಾವಿ ಸಂಬಂಧಗಳಿರಲಿಲ್ಲ. “ನಾವು ಕೊನೆಯ ಬಾರಿಗೆ ಮಾತನಾಡಿದಾಗ, ನಾನು ಉತ್ತಮ ವೈದ್ಯರನ್ನು ಸಂಪರ್ಕಿಸಬೇಕು ಎಂದು ಅವಳು ಹೇಳಿದ್ದಳು” ಎಂದು ನೀಲಂ ಅವರ ತಾಯಿ ಸರಸ್ವತಿ ಹೇಳಿದ್ದಾರೆ..
“ಅವಳು ಯಾವಾಗಲೂ ನಿರುದ್ಯೋಗದ ಬಗ್ಗೆ ಮಾತನಾಡುತ್ತಿದ್ದಳು. ಕೆಲಸ ಪಡೆಯಲು ಸಾಧ್ಯವಾಗದಿದ್ದರೆ ಪದವಿಗಳಿಂದ ಏನು ಪ್ರಯೋಜನ ಎಂದು ಪ್ರಶ್ನಿಸುತ್ತಿದ್ದಳು. ಸತ್ತರೆ ಉತ್ತಮ ಎನ್ನುತ್ತಿದ್ದಳು” ಎಂದು ಅವರು ಹೇಳಿದರು.
“ಅವಳು ತನ್ನ ಅಧ್ಯಯನಕ್ಕಾಗಿ ಹಿಸಾರ್‌ನಲ್ಲಿದ್ದಳು ಮತ್ತು ಹೆಚ್ಚಿನ ಅರ್ಹತೆ ಹೊಂದಿದ್ದಳು. ಅವಳು ಮೊದಲು ರೈತ ಪ್ರತಿಭಟನೆಗಳಲ್ಲಿ ಭಾಗವಹಿಸುತ್ತಿದ್ದಳು” ಎಂದು ನೀಲಂ ಗ್ರಾಮದ ಸ್ಥಳೀಯರೊಬ್ಬರು ತಿಳಿಸಿದ್ದಾರೆ.
ಸಂಸತ್ತಿನ ಹೊರಗೆ ಗದ್ದಲ ಸೃಷ್ಟಿಸಿದ್ದ ನೀಲಂ ಅವರನ್ನು ಭದ್ರತಾ ಏಜೆನ್ಸಿಗಳು ಬಂಧಿಸಿವೆ. ಹರಿಯಾಣದ ಹಿಸಾರ್ ಮೂಲದ ನೀಲಂ, ತಾನು ವಿದ್ಯಾರ್ಥಿನಿ ಮತ್ತು ನಿರುದ್ಯೋಗಿ. ಯಾವುದೇ ಸಂಘಟನೆಯೊಂದಿಗೆ ಸಂಪರ್ಕ ಹೊಂದಿಲ್ಲ ಎಂದು ಹೇಳಿದ್ದಾರೆ.
ಹಿಸಾರ್‌ನ ರೆಡ್ ಸ್ಕ್ವೇರ್ ಮಾರುಕಟ್ಟೆಯ ಹಿಂಭಾಗದಲ್ಲಿರುವ ಪಿಜಿಯಲ್ಲಿ ನೀಲಂ ವಾಸಿಸುತ್ತಿದ್ದರು ಎಂದು ಹೇಳಲಾಗುತ್ತಿದೆ. ನೀಲಂ ಪಿಜಿಯಲ್ಲಿಯೇ ಇದ್ದು ಹರಿಯಾಣ ಸಿವಿಲ್ ಸರ್ವೀಸ್‌ಗೆ ತಯಾರಿ ನಡೆಸುತ್ತಿದ್ದಳು. ನವೆಂಬರ್ 25 ರಂದು ನೀಲಂ ಪಿಜಿಯಿಂದ ಮನೆಗೆ ಹೋಗುವುದಾಗಿ ಹೇಳಿ ಹೋಗಿದ್ದಳು.
ನೀಲಂ ಜಿಂದ್ ಜಿಲ್ಲೆಯ ಘಸ್ಸೋ ಕಾಲಾ ನಿವಾಸಿಯಾಗಿದ್ದಾರೆ. ಆಕೆಗೆ ರಾಜಕೀಯದಲ್ಲಿ ತುಂಬಾ ಆಸಕ್ತಿ ಇತ್ತು., ‘ನಮ್ಮ ತಂದೆ ತಾಯಿ ಕೂಲಿ ಕಾರ್ಮಿಕರು. ಸಣ್ಣ ರೈತರು. ಸರ್ಕಾರ ನಮ್ಮ ಮೇಲೆ ದಬ್ಬಾಳಿಕೆ ನಡೆಸುತ್ತಿದೆ. ನಮ್ಮ ಅಭಿಪ್ರಾಯಗಳಿಗೆ ಕಿವಿಗೊಡುವುದಿಲ್ಲ. ಎಲ್ಲೆಡೆ ನಮ್ಮ ಧ್ವನಿಯನ್ನು ಹತ್ತಿಕ್ಕುವ ಪ್ರಯತ್ನಗಳು ನಡೆಯುತ್ತಿವೆ” ಎಂದು ನೀಲಂ ಹೇಳುತ್ತಿದ್ದರು ಎನ್ನಲಾಗಿದೆ.
ಲೋಕಸಭೆ ಭದ್ರತಾ ಲೋಪ ಕುರಿತು ಶಾ ಹೇಳಿಕೆಗೆ ಮಲ್ಲಿಕಾರ್ಜುನ ಖರ್ಗೆ ಆಗ್ರಹ
ಸಂಸತ್ ದಾಳಿಯ ಬೆದರಿಕೆ ಕಡೆಗಣನೆ; 22 ವರ್ಷದ ನಂತರ ಅದೇ ದಿನ ಸಂಸತ್ತಿನಲ್ಲಿ ಭದ್ರತಾ ಉಲ್ಲಂಘನೆ