ಮಾಸ್ಕೋ: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ರಾಜಕೀಯ ಹಅಗೂ ವೈಯಕ್ತಿಕ ಜೀವನ ಸದಾ ಸುದ್ದಿಯಲ್ಲಿ ಇರುತ್ತೆ. ಅವರ ವೈಯಕ್ತಿಕ ಜೀವನದ ಕೆಲವು ರಹಸ್ಯಗಳಯ ಆಗ್ಗಾಗ್ಗೆ ಪ್ರಪಂಚಕ್ಕೆ ಜಗಜ್ಜಾಹೀರಾಗುತ್ತಿರುತ್ತವೆ.ಕುತೂಹಲದಿಂದ ಕೂಡಿರುವ ಅವರ ವೈಯಕ್ತಿಕ ಜೀವನದ ಮತ್ತೊಂದು ಅಚ್ಚರಿ ಸುದ್ದಿ ಹೊರಬಿದ್ದಿದೆ. ಇತ್ತ ಯೂಕ್ರೇನ್ ಜತೆಗಿನ ಯುದ್ಧದ ನಡುವೆಯೂ ಪುಟಿನ್ ಮತ್ತೆ ತಂದೆಯಾಗುತ್ತಿದ್ದಾರಂತೆ.
ಇತ್ತೀಚೆಗೆ ಕಣ್ಮರೆಯಾಗಿದ್ದ ಪ್ರೇಯಸಿ ಜಿಮ್ನಾಸ್ಟಿಕ್ ಅಲಿನಾ ಕಬೀವಾ ಇದೀಗ ಗರ್ಭಿಣಿಯಾಗಿರುವ ಮೂಲಕ ಮತ್ತೆ ಕಾಣಿಸಿಕೊಂಡಿದ್ದಾರೆ. 69 ವರ್ಷದ ಪುಟಿನ್ ಈ ವರ್ಷ ಅಕ್ಟೋಬರ್ನಲ್ಲಿ 70ನೇ ಜನ್ಮದಿನವನ್ನು ಆಚರಿಸಲಿದ್ದಾರೆ. ಈ ನಡುವೆ ಅವರ ಪ್ರೇಯಸಿ ಮೂರನೇ ಮಗುವಿನ ತಾಯಿಯಾಗುತ್ತಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ.
ಈ ಸುದ್ದಿ ಈಗ ಸ್ವತಃ ತಂದೆಯಾಗುತ್ತಿರುವ ಪುಟಿನ್ಗೆ ಕೋಪ ತರಿಸಿದೆಯಂತೆ ಇದಕ್ಕೆ ಕಾರಣವೂ ಇದೆ. ಆದರೆ ಇತ್ತ ಯೂಕ್ರೇನ್ ನಡುವಿನ ಯುದ್ಧ ಮುಂದುವರಿದಿದ್ದು, ಸದ್ಯ ಯುದ್ಧ ತಂತ್ರಗಾರಿಕೆಯಲ್ಲೇ ಹೆಚ್ಚು ಬಿಜಿಯಾಗಿರುವಾಗಲೇ ಪ್ರೇಯಸಿ ನೀಡಿರುವ ಸುದ್ದಿ ಕೋಪಕ್ಕೆ ಕಾರಣವಾಗಿದೆ. ಈ ಸಮಯದಲ್ಲಿ ನಾನು ನಿರೀಕ್ಷೆ ಮಾಡಿರಲಿಲ್ಲ ಎಂದು ಪುಟಿನ್ ಹೇಳಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಜಿಮ್ನಾಸ್ಟಿಕ್ ಜತೆಗಿನ ಪುಟಿನ್ ಪ್ರೀತಿ ಎಂದೋ ಜಗಜ್ಜಾಹೀರಾಗಿದೆ. ಇಬ್ಬರಿಗೆ ಈಗಾಗಲೇ ಇಬ್ಬರು ಮಕ್ಕಳಿದ್ದಾರೆ. ಪುಟಿನ್ ಮಾತ್ರ ಈವರೆಗೂ ಈ ಬಗ್ಗೆ ಎಲ್ಲಿಯೂ ಬಹಿರಂಗವಾಗಿ ಹೇಳಿಲ್ಲ. ಆದರೂ ಇಬ್ಬರ ಸಂಬಂಧದ ಬಗ್ಗೆ ಆಗ್ಗಾಗ್ಗೆ ಚರ್ಚೆಗೆ ಬರುವುದು ಸಾಮಾನ್ಯವಾಗಿದೆ. (ಏಜೆನ್ಸೀಸ್)