ಗಡಿ ಕದನದ ಹಿನ್ನೆಲೆಯಲ್ಲಿ ಇಂಡಿಯಾ ಮತ್ತು ಚೀನಾ ನಡುವೆ ಶೀತಲ ಸಮರ ನಡೆಯುತ್ತಿದೆ. ಪ್ರತಿಯಾಗಿ ಈಗಾಗಲೇ ಚೀನಾದ 50ಕ್ಕೂ ಅಧಿಕ ಆ್ಯಪ್ಗಳನ್ನು ಭಾರತದಲ್ಲಿ ಬ್ಯಾನ್ ಮಾಡಲಾಗಿದೆ. ಅದೇ ರೀತಿ ಚೀನಾ ಉತ್ಪನ್ನಗಳನ್ನೂ ಬ್ಯಾನ್ ಮಾಡುವಂತೆ ಸೋಷಿಯಲ್ ಮೀಡಿಯಾದಲ್ಲಿ ಅಭಿಯಾನಗಳು ಶುರುವಾಗಿವೆ. ಇ ನಡುವೆ, ಒಂದಷ್ಟೂ ವ್ಯಾವಹಾರಿಕ ಒಕ್ಕೂಟಗಳು ಸಾಮೂಹಿಕವಾಗಿ ಚೀನಾ ವಸ್ತುಗಳ ಮಾರಾಟವನ್ನು ನಿಲ್ಲಿಸಿವೆ. ಇದೀಗ ಚೀನಾದ ವಿವೋ ಮೊಬೈಲ್ ಕಂಪನಿ ಹೊಸದೊಂದು ನಿರ್ಧಾರ ತೆಗೆದುಕೊಂಡಿದೆ.
ಇದನ್ನೂ ಓದಿ: ಸುಶಾಂತ್ ಸಿಂಗ್ ಅನಾರೋಗ್ಯದ ಬಗ್ಗೆ ಅಚ್ಚರಿಯ ಹೇಳಿಕೆ ನೀಡಿದ ನಿರ್ದೇಶಕ ರೂಮಿ ಜೆಫ್ರಿ
ಗಡಿಕದನ ತೀವ್ರಗೊಂಡ ಬೆನ್ನಲ್ಲೇ ಬಾಲಿವುಡ್ನ ಕಲಾವಿದರು ಚೀನಾ ಉತ್ಪನ್ನಗಳ ರಾಯಭಾರಿಯನ್ನು ಕೈ ಬಿಡುವಂತೆ ಆಗ್ರಹಿಸಲಾಗಿತ್ತು. ಒಂದಷ್ಟು ಸೆಲೆಬ್ರಿಟಿಗಳು ಮುಂದೆ ಬಂದು ಬ್ರಾಂಡ್ ಅಂಬಾಸಿಡರ್ನಿಂದ ಆಚೆ ಬಂದಿದ್ದರು. ಹೀಗಿರುವಾಗಲೇ ಚೀನಾದ ವಿವೋ ಮೊಬೈಲ್ ಸಂಸ್ಥೆಯೇ ಇದೀಗ ಭಾರತದ ಬ್ರಾಂಡ್ ರಾಯಭಾರಿಗಳಾದ ಆಮೀರ್ ಖಾನ್ ಮತ್ತು ಸಾರಾ ಅಲಿ ಖಾನ್ ಅವರನ್ನು ಕೈಬಿಟ್ಟಿದೆ.
ಇದನ್ನೂ ಓದಿ: PHOTOS: ಜನ್ಮದಿನದ ಸಂಭ್ರಮದಲ್ಲಿ ಸ್ಯಾಂಡಲ್ವುಡ್ ಚಿರತರುಣಿ ಸುಮನ್ ರಂಗನಾಥನ್…
ಹಾಗಂತ ಅವರನ್ನು ಶಾಶ್ವತವಾಗಿ ಕೈಬಿಟ್ಟಿಲ್ಲ. ಬದಲಿಗೆ ಒಂದಷ್ಟು ತಿಂಗಳುಗಳ ಕಾಲ ಅವರನ್ನು ದೂರ ಇಟ್ಟಿದೆ. ಇದಕ್ಕೆ ಕಾರಣ ಐಪಿಎಲ್. ಹೌದು, ಇನ್ನು ಕೆಲ ದಿನಗಳಲ್ಲಿ ಐಪಿಎಲ್ ಪಂದ್ಯಾವಳಿ ನಡೆಯಲಿದ್ದು, ಆ ವೇಳೆ ಹೊಸ ಬ್ರಾಂಡ್ ಫೋನ್ಗಳನ್ನು ವಿವೋ ಬಿಡುಗಡೆ ಮಾಡಲಿದೆ. ಐಪಿಎಲ್ನಲ್ಲಿ ವಿವೋ ಟೈಟಲ್ ಪ್ರಾಯೋಜಕತ್ವ ಹೊಂದಿದೆ. ಅಲ್ಲಿಯವರೆಗೂ ಅವರು ಬೇರೆ ಯಾವ ಫೋನ್ ಪ್ರಚಾರ ಮಾಡುವುದಿಲ್ಲ ಎಂದು ವಿವೋ ತಿಳಿಸಿದೆ. (ಏಜೆನ್ಸೀಸ್)
ಕಮಲ್ ಹಾಸನ್ ಹಿಂದಿಕ್ಕಿದ ಸುಶಾಂತ್ ಸಿಂಗ್; IMDb ರೇಟಿಂಗ್ನಲ್ಲಿ ‘ದಿಲ್ ಬೇಚಾರಾ’ ದಾಖಲೆ!